AtthaPali Vol.50

174. 2. Nissenidayakattherapadanavannana kondannassa bhagavatotiadikam ayasmato nissenidayakattherassa apadanam. Ayampi purimajinavaresu katadhikaro anekasu jatisu vivattupanissayani punnani upacinanto kondannassa bhagavato kale vaddhakikule nibbatto saddho pasanno bhagavato dhammadesanam sutva pasannamanaso bhagavato vasanapasadassarohanatthaya sarakatthamayam nissenim katva ussapetva thapesi. Bhagava tassa pasadasamvaddhanatthaya passantasseva uparipasadam aruhi. So ativa pasanno teneva pitisomanassena kalam katva devaloke nibbatto tattha dibbasampattim anubhavitva manussesu jayamano nissenidananissandena uccakule nibbatto manussasukham anubhavitva imasmim buddhuppade ekasmim kule nibbatto satthu dhammadesanam sutva saddhajato pabbajitva nacirasseva araha ahosi. [9] So attano pubbakammam saritva somanassajato pubbacaritapadanam pakasento kondannassa bhagavatotiadimaha. Tattha kondannassati kucchito hutva deti pavattatiti kondo, lamakasatto, kondato annoti kondanno, alamako uttamapurisoti attho. Atha va brahmanagottesu kondannagotte uppannatta ^1- "kondanno"ti gottavasena tassa namam, tassa kondannassa. Sesam pakatamevati. Nissenidayakattherapadanavannana nitthita. ------------ @Footnote: ¹ Si. uppanno.

The Pali Atthakatha in Roman Book 50 page 216. http://84000.org/tipitaka/pitaka_item/read_rm.php?B=50&A=4649&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=50&A=4649&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=174 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4561 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=5502 The Pali Tipitaka in Roman Character :- http://84000.org/tipitaka/read/roman_read.php?B=32&A=5502 Contents of The Tipitaka Volume 32 http://84000.org/tipitaka/read/?index_32