AtthaPali Vol.50

182. 10. Samghupatthakattherapadanavannana vessabhumhi bhagavatitiadikam ayasmato samghupatthakattherassa apadanam. Ayampi thero purimabuddhesu katakusalasambharo anekesu bhavesu vivattupanissayani punnani upacinanto vessabhussa bhagavato kale tassaramikassa putto hutva nibbatto vinnutam patva saddho pasanno viharesu aramikakammam karonto sakkaccam samgham upatthasi. So teneva kusalakammena devamanussesu samsaranto ubhayasampattiyo anubhavitva imasmim buddhuppade savatthiyam gahapatikule nibbatto vuddhippatto vibhavasampanno sukhasampanno pakato satthu dhammadesanam sutva sasane pasanno pabbajitva vattasampanno sasanam sobhayamano vipassanam vaddhetva ^1- nacirasseva saha patisambhidahi arahattam patto chalabhinno pubbe katakusalakammavasena samghupatthakattheroti pakato ahosi. [45] So ekadivasam "pubbe maya kim nama kammam katva ayam lokuttara- sampatti laddha"ti attano pubbakammam saritva paccakkhato janitva somanassajato @Footnote: ¹ cha.Ma. vaddhento. Pubbacaritapadanam pakatam pakasento vessabhumhi bhagavatitiadimaha tattha aho saramiko ahanti ^1- aham vessabhussa bhagavato sasane aramiko ahosinti attho. Sesam hettha vuttanayatta uttanatthatta ca suvinneyyamevati. Samghupatthakattherapadanavannana nitthita. Attharasamavaggavannana nitthita. ----------- @Footnote: ¹ paliyam asim aramiko ahanti dissati.

The Pali Atthakatha in Roman Book 50 page 223-224. http://84000.org/tipitaka/pitaka_item/read_rm.php?B=50&A=4808&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=50&A=4808&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=182 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4658 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=5614 The Pali Tipitaka in Roman Character :- http://84000.org/tipitaka/read/roman_read.php?B=32&A=5614 Contents of The Tipitaka Volume 32 http://84000.org/tipitaka/read/?index_32