AtthaPali Vol.30

47. 9. Pitavimanavannana pitavatthe pitadhajeti pitavimanam. Tassa ka uppatti? bhagavati parinibbute ranna ajatasattuna attana patiladdha bhagavato sariradhatuyo gahetva thupe ca mahe ca kate rajagahavasini annatara upasika patova katasarirapatijaggana "satthu thupam pujessami"ti yathaladdhani cattari kosatakipupphani gahetva saddhavegena samussahitamanasa maggaparissayam anupadharetvava thupabhimukhi gacchati. Atha nam tarunavaccha gavi abhidhavanti vegena apatitva singena paharitva jivitakkhayam papesi. Sa tavadeva kalam katva ^1- tavatimsabhavane nibbattanti sakkassa devaranno uyyanakilaya gacchantassa parivarabhutanam addhatiyanam natakakotinam majjhe attano sarirapabhaya ta sabba abhibhavanti saha rathena paturahosi. Tam disva sakko devaraja vimhitacitto acchariyabbhutajato "kidisena nu kho olarikena kammuna ayam edisim sumahatim deviddhimupagata"ti tam imahi gathahi pucchi:- [795] "pitavatthe pitadhaje pitalankarabhusite pitacandanalittange pituppalamadharini. ^2- [796] Pitapasadasayane pitasane pitabhajane pitachatte pitarathe pitasse pitavijane. [797] Kim kammamakari ^3- bhadde pubbe manusake bhave devate pucchitacikkha kissa kammassidam phalanti. Sapissa imahi gathahi byakasi:- [798] "kosataki nama lata'tthi bhante tittika anabhicchita tassa cattari pupphani thupam abhiharim aham. [799] Satthu sariramuddissa vippasannena cetasa nassa maggam avekkhissam na taggamanasa ^4- sati. [800] Tato mam avadhi gavi thupam apattamanasam tancaham abhisanceyyam bhiyyo ^5- nuna ito siya. @Footnote: ¹ cha.Ma. kalam katvati patha na dissanti ² cha.Ma. pitauppalamalini, @i. pituppalamalini ³ ka. kammam akari ⁴ Si. tadaggamanasa ⁵ Si. bhiyo [801] Tena kammena devinda maghava devakunjare pahaya manusam deham tava sahabyamagata"ti. ^1- #[795-6] Tattha pitacandanalittangeti suvannavannena candanena anulittasarire. Pitapasadasayaneti sabbasovannamayena pasadena suvannaparikkhittehi sayanehi ca samannagate. Evam sabbattha hettha upari ca pitasaddena suvannameva gahitanti datthabbam. #[798] Lata'tthiti lata atthi. Bhanteti sakkam devarajanam garavena alapati. Anabhicchitati na abhikankhita. #[799] Sariranti sarirabhutam dhatum. Avayave cayam samudayavoharo yatha "pato daddho, samuddo dittho"ti ca. Assati gorupassa. Magganti agamanamaggam. Na avekkhissanti na olokayim. Kasma? na taggamanasa satiti, ^2- tassam gaviyam gatamana thapitamana na honti, annadatthu bhagavato thupagatamana eva samanati attho. "tadangamanasa sati"ti ca patho. Tadange tassa bhagavato dhatuya ange mano etissati tadangamanasa. Evambhuta aham tada tassa maggam navekkhissanti dasseti. #[800] Thupam apattamanasanti thupam cetiyam asampattaajjhasayam, manasi bhavoti hi manaso, ajjhasayo manoratho. "thupam upagantva pupphehi pujessami"ti uppannamanorathassa asampunnataya evam vuttam. Thupam cetiyam pana pupphehi pujanacittam siddhameva, yena sa devaloke uppanna. Tancaham abhisanceyyanti tance aham abhisancineyyam, pupphapujanena ^3- hi punnam aham thupam abhigantva yathadhippayam @Footnote: ¹ Si. sahabyatamagatati ² Si. yasma tadaggamanasa sati ³ Si. tam pupphehi pujanena Pujanena sammadeva cineyyam upacineyyanti attho. Bhiyyo nuna ito siyati ito yathaladdhasampattitopi bhiyyo upari uttaritara sampatti siyati manneti attho. #[801] Maghava devakunjarati alapanam. ^1- Tattha devakunjarati sabbabalaparakkamadivisesehi ^2- devesu kunjarasadisa. Sahabyanti sahabhavam. [802] "idam sutva tidasadhipati maghava devakunjaro tavatimse pasadento matalim etadabravi"ti ^3- idam dhammasangahakavacanam. Tato sakko matalipamukhassa devaganassa imahi gathahi dhammam desesi:- [803] "passa matali accheram cittam kammaphalam idam appakampi katam deyyam punnam hoti mahapphalam. [804] Natthi citte pasannamhi appaka nama dakkhina tathagate va sambuddhe atha va tassa savake. [805] Ehi matali amhepi bhiyyo bhiyyo mahemase tathagatassa dhatuyo sukho punnanamuccayo. [806] Titthante nibbute capi same citte samam phalam cetopanidhihetu hi satta gacchanti suggatim. [807] Bahunam vata atthaya uppajjanti tathagata yattha karam karitvana saggam gacchanti dayaka"ti. @Footnote: ¹ ka. sakkam alapanam ² Si. sabbabalaparakkamadivasena sesesu ³ Si. etadabruviti #[802] Tattha pasadentoti pasanne karonto, ratanattaye saddham uppadentoti attho. #[803] Cittanti vicittam acinteyyam. Kammaphalanti deyyadhammassa anularattepi khettasampattiya ca cittasampattiya ca ularassa punnakammassa phalam passati yojana. Appakampi katam deyyam, punnam hoti mahapphalanti ettha katanti karanavasena ^1- sakkaravasena ayatane viniyuttam. Deyyanti databbavatthum. Punnanti tathapavattam punnakammam. #[804] Idani yattha appakampi katam punnam mahapphalam hoti, tam pakatam katva dassento "natthi citte pasannamhi"ti gathamaha. Tam suvinneyyameva. #[805-6] Amhepiti mayampi. Mahemaseti mahamase pujamase. Cetopanidhihetu hiti attano cittassa sammadeva thapananimittam, attasammapanidhanenati attho. Tenaha bhagava:- "na tam mata pita kayira anne vapi ca nataka sammapanihitam cittam seyyaso nam tato kare"ti. ^2- Evanca pana vatva sakko devanamindo uyyanakilaya ussaham patippassambhetva tatova patinivattitva attano abhinham pujaniyatthanabhute ^3- culamanicetiye sattaham pujam akasi. Atha aparena samayena devacarikam gatassa ayasmato naradattherassa tam pavattim gathaheva kathesi, thero dhammasangahakanam arocesi, te tatha nam sangaham aropesunti. ^4- Pitavimanavannana nitthita. @Footnote: ¹ Ma. karanavasena ² khu.dha. 25/43/24 @³ cha.Ma. attana abhinham pujaneyyatthanabhute ⁴ ka. arocesunti

The Pali Atthakatha in Roman Book 30 page 229-233. http://84000.org/tipitaka/pitaka_item/read_rm.php?B=30&A=4837&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=30&A=4837&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=47 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=1643 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=1643 The Pali Tipitaka in Roman Character :- http://84000.org/tipitaka/read/roman_read.php?B=26&A=1643 Contents of The Tipitaka Volume 26 http://84000.org/tipitaka/read/?index_26