AtthaPali Vol.30

48. 10. Ucchuvimanavannana obhasayitva pathavi sadevakanti ucchuvimanam. Tam hettha ucchuvimanena palito ca atthuppattito ca sadisameva. Kevalam tattha sassu sunisam pithakena paharitva maresi, idha pana leddunati ayameva viseso. Vatthuno pana bhinnatta ubhayampi visumyeva sangaham arulhanti veditabbam. [808] "obhasayitva pathavim sadevakam atirocasi candimasuriya viya siriya ca vannena yasena tejasa brahmava deve tidase sahindake. [809] Pucchami tam uppalamaladharini avelini kancanasannibhattace alankate uttamavatthadharini ka tvam subhe devate vandase mamam. [810] Kim tvam pure kammamakasi attana manussabhuta purimaya jatiya danam sucinnam atha silasannamam ^1- kenupapanna sugatim yasassini. Devate pucchitacikkha kissa kammassidam phalan"ti. Ayasma mahamoggallanatthero pucchi. Tato devata imahi gathahi byakasi:- @Footnote: ¹ ka. silasannamo [811] "idani bhante imameva gamam pindaya amhaka gharam upagami tato te ucchussa adasim ^1- khandikam pasannacitta atulaya pitiya. [812] Sassu ca paccha anuyunjate mamam kaham nu ucchum vadhuke avakiri na chadditam no pana khaditam maya santassa bhikkhussa sayam adasaham. ^2- [813] `tuyham Nvidam ^3- issariyam atho mama' itissa sassu paribhasate mamam leddum gahetva paharam adasi me tato cuta kalakatamhi devata. [814] Tadeva kammam kusalam katam maya sukhanca kammam anubhomi attana devehi saddhim paricarayamaham ^4- modamaham kamagunehi pancahi. [815] Tadeva kammam kusalam katam maya sukhanca kammam anubhomi attana devindagutta tidasehi rakkhita samappita kagunehi pancahi. @Footnote: ¹ ka. adasi ² ka. adasiham ³ ka. tuyhanciham ⁴ ka. paricariyamaham, evamuparipi [816] Etadisam punnaphalam anappakam mahavipaka mama ucchudakkhina devehi saddhim paricarayamaham modamaham kamagunehi pancahi. [817] Etadisam punnaphalam anappakam mahajutika mama ucchudakkhina devindagutta tidasehi rakkhita sahassanettoriva nandane vane. [818] Tuvanca bhante anukampakam vidum upecca vandim kusalanca pucchisam tato te ucchussa adasim khandikam pasannacitta atulaya pitiya"ti. Sesam vuttasadisamevati. Ucchuvimanavannana nitthita. --------------------

The Pali Atthakatha in Roman Book 30 page 234-236. http://84000.org/tipitaka/pitaka_item/read_rm.php?B=30&A=4926&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=30&A=4926&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=48 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=1676 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=1672 The Pali Tipitaka in Roman Character :- http://84000.org/tipitaka/read/roman_read.php?B=26&A=1672 Contents of The Tipitaka Volume 26 http://84000.org/tipitaka/read/?index_26