Atthakatha Book 30 : PALI ROMAN
Vimana.A. (paramatthadi.)

                     49.  11. Vandanavimanavannana
     abhikkantena vannenati vandanavimanam. Tassa ka uppatti? bhagava savatthiyam
viharati jetavane anathapindikassa arame. Tena samayena sambahula bhikkhu
annatarasmim gamakavase vassam vasitva vutthassa pavaretva senasanam
patisametva pattacivaramadaya savatthim uddissa bhagavantam dassanatthaya gacchanta
Annatarassa gamassa majjhena atikkamanti. Tattha annatara itthi te bhikkhu
disva pasannacitta sanjatagaravabahumana pancapatitthitena vanditva sirasmim
anjalim paggayha yava dassanupacara pasadasommani akkhini ummiletva
olokenti atthasi. Sa aparena samayena kalam katva tavatimsesu nibbatti.
Atha nam tattha dibbasampattim anubhavantim ayasma mahamoggallano imahi
gathahi patipucchi:-
     [819]  "abhikkantena vannena       ya tvam titthasi devate
             obhasenti disa sabba    osadhi viya taraka.
     [820]   Kena te'tadiso vanno    kena te idha mijjhati
             uppajjanti ca te bhoga    ye keci manaso piya.
                      Pucchami tam devi mahanubhave
                      manussabhuta kimakasi punnam
                      kenasi evanjalitanubhava
                      vanno ca te sabbadisa pabhasati"ti.
     [822]   Sa devata attamana      moggallanena pucchita
             panham puttha viyakasi      yassa kammassidam phalam.
     [823]           "aham manussesu manussabhuta
                       disvana samane silavante
                       padani vanditva manam pasadayim
                       vitta caham anjalikam akasim.
     [824]   Tena me'tadiso vanno    tena me idha mijjhati
             uppajjanti ca me bhoga    ye keci manaso piya.
                    Akkhami tam bhikkhu mahanubhava
                    manussabhuta yamakasi punnam
                    tenamhi evanjalitanubhava
                    vanno ca me sabbadisa pabhasati"ti
imahi gathahi byakasi.
    #[823]   Tattha samaneti samitapape. Silavanteti silagunayutte. Manam
pasadayinti "sadhurupa vatime ayya dhammacarino samacarino brahmacarino"ti tesam
gune arabbha cittam pasadesim. Vitta caham anjalikam akasinti tuttha somanassajata
aham vandim. Pesalanam bhikkhunam pasadavikasitani akkhini ummiletva dassanamattampi
imesam sattanam bahupakaram, pageva vandanati. Tenaha "tena me'tadiso
vanno"tiadi. Sesam vuttanayameva.
                      Vandanavimanavannana  nitthita.
                         ---------------


             The Pali Atthakatha in Roman Book 30 page 236-238.
http://84000.org/tipitaka/pitaka_item/read_rm.php?B=30&A=4983&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=30&A=4983&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=49
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=1711
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=1718
             The Pali Tipitaka in Roman Character :-
http://84000.org/tipitaka/read/roman_read.php?B=26&A=1718
             Contents of The Tipitaka Volume 26
http://84000.org/tipitaka/read/?index_26