AtthaPali Vol.38

chavakajatakam sabbam idanca marikatanti idam sattha jetavane viharanto chabbaggiye bhikkhu arabbha kathesi. Vatthu vinaye vittharato agatameva. Ayam panettha sankhepo. Sattha chabbaggiye pakkosapetva saccam kira tumhe bhikkhave nice asane nisiditva ucce asane nisinnassa dhammam savethati pucchitva evam bhanteti vutte te bhikkhu garahitva ayuttam bhikkhave tumhakam mama dhamme agaravakaranam poranakapandita hi nice asane nisiditva bahirakamantepi vacente garahimsuti vatva atitam ahari. Atite baranasiyam brahmadatte rajjam karente bodhisatto candalayoniyam nibbattitva vayappatto kutumbam santhapesi. @Footnote: ¹ sayam kinci. Tassa bhariya ambadohalini hutva tam aha icchamiham sami ambam khaditunti. Bhadde imasmim kale ambam natthi annam kincipi ambilaphalam aharissamiti. Sami ambam labhamanava jivissami alabhamanaya me jivitam natthiti. So tassa patibaddhacitto kaham nukho ambam labhissamiti cintesi. Tena kho pana samayena baranasiranno uyyane ambo dhuvaphalo ahosi. So tato ambapakkam aharitva imissa dohalam patippassambhessamiti rattibhage uyyanam gantva ambam abhiruhitva ^1- nilino sakhaya sakham ambam olokento vicari. Tassa tatha karontasseva ratti vibhayi. So cintesi sace idani otaritva gamissami disva mam coroti gahessanti rattibhage gamissamiti. Athekam vitapam abhiruhitva nilino acchi. Tada baranasiraja purohitassa santike mante ugganhati. So uyyanam pavisitva ambarukkhamule uccasane nisiditva acariyam nice asane nisidapetva mante ugganhi. Bodhisatto upari nisinno cintesi yava adhammiko ayam raja yo uccasane nasiditva mante ugganhati brahmanopi adhammiko yo nicasane nisiditva mante vaceti ahampi adhammiko yo matugamassa vahasa ^2- mama jivitam aganetva ambam haramiti avacanti. So rukkhato otaranto ekam olambanasakham gahetva tesam ubhinnampi antare patitthaya maharaja aham nattho tvam mulho purohito @Footnote: ¹ aharitva . ² vasam gantva. Matoti aha. So ranna kimkaranati puttho pathamam gathamaha sabbam idanca ^1- marikatam ubho dhammam na passare ubho pakatiya cuta yo cayam mantajjhapeti ^2- yo ca mantam adhiyatiti. Tattha sabbam idanca marikatanti yam amhehi tihi janehi katam sabbam idam kiccam lamakam na mariyadam adhammikam. Evam attano corabhavam tesanca mantesu agaravabhavam garahitva puna itare dveyeva garahanto ubho dhammam na passareti adimaha. Tattha ubhoti dvepi jana garukararaham poranakadhammam na passanti tato ca dhamme pakatito cuta. Dhammo hi pathamuppattivasena pakati nama. Vuttampi cetam dhammo have paturahosi pubbe paccha adhammo udapadi loketi. Yo cayanti yo ca ayam nicasane nisiditva mante sajjhapeti yo ca ucce nisiditva adhiyatiti. Tam sutva brahmano dutiyam gathamaha salinam odanam bhunje suci mamsupasecanam tasma etam na sevami dhammam isibhi sevitanti. Tassattho aham hi bho imassa ranno santakam salinam odanam suci pandaram nanappakaraya mamsavikatiya sittam mamsupasecanam @Footnote: ¹ idam carimavatam . ² sajjhapayati. Bhunjami tasma udare baddho hutva etam esitagunehi isihi sevitam dhammam na sevamiti. Tam sutva itaro dve gatha abhasi paribbaja maha loko pacantannepi panino ma tvam adhammo acarito tasma kumbhamivabhida dhiratthu tam yasalabham dhanalabhanca brahmana ya vutti vinipatena adhammacaranena vati. Tattha paribbajati ito annattha gaccha. Mahati ayam loko nama maha. Pacantannepiti imasmim jambudipe annepi panino pacanti na ayameveko raja. Tasma kumbhamivati pasano ghatam viya. Idam vuttam hoti yam tvam annattha agantva idha vasanto adhammam acarasi so adhammo evam acarito pasano ghatam viya ma tam bhindi. Dhiratthuti gathaya ayam sankhepattho brahmana yo esa evam tava yasalabho dhanalabho ca dhiratthu tam garahama mayam kasma yasmayam taya laddhalabho ayatim apayesu vinipatanahetuna sampatti ca adhammacaranena jivitavutti nama hoti ya cesa vutti imina ayatim vinipatena imina adhammacaranena va nippajjati kim taya tena tam evam vadamati. Athassa dhammakathaya raja pasiditva bho purisa kimjatikositi pucchi. Candalo aham devati. Bho sace jatisampanno abhavissa rajjante adassam ito patthaya panaham diva raja bhavissami tvam Rattim raja hohiti attano kanthe pilandhanam pupphadamam tassa givayam pilandhapetva tam nagaraguttikam akasi. Ayam nagaraguttikanam kanthe rattapupphadamapilandhanassa vamso. Tato patthaya raja tassovade thatva acariyagaravam katva nice asane nisinno mante ugganhi. Sattha imam dhammadesanam aharitva jatakam samodhanesi tada raja anando ahosi candalaputto pana ahamevati. Chavakajatakam navamam ---------

The Pali Atthakatha in Roman Book 38 page 259-263. http://84000.org/tipitaka/pitaka_item/read_rm.php?B=38&A=5391&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=38&A=5391&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=534 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2727 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2693 The Pali Tipitaka in Roman Character :- http://84000.org/tipitaka/read/roman_read.php?B=27&A=2693 Contents of The Tipitaka Volume 27 http://84000.org/tipitaka/read/?index_27