AtthaPali Vol.32

214. 7. Hattharohaputtattheragathavannana idam pure cittamacari carikanti ayasmato hattharohaputtattherassa gatha. Ka uppatti? So kira purimabuddhesu katadhikaro tattha tattha bhave vivattupanissayam punnam upacinanto vipassissa bhagavato kale kulagehe nibbattitva vinnutam patto ekadivasam sattharam bhikkhusamghaparivutam viharato nikkhantam disva pasannacitto pupphehi pujam katva pancapatitthitena vanditva padakkhinam katva pakkami. So tena punnakammena deva- manussesu samsaranto imasmim buddhuppade savatthiyam hattharohakule nibbattitva vinnutam patto hatthisippe nipphattim agamasi. So ekadivasam hatthim sikkhapento naditaram gantva hetusampattiya codiyamano "kim mayham imina hatthidamanena, attanam damanameva ^1- varan"ti cintetva bhagavantam upasankamitva dhammam sutva patiladdhasaddho pabbajitvava cariyanukulam kammatthanam gahetva vipassanaya kammam karonto ciraparicayena kammatthanato bahiddha vidhavantam cittam cheko hatthacariyo viya ankusena canda- mattavaravaranam ^2- patisankhanaankusena nigganhanto:- ^3- "idam pure cittamacari carikam yenicchakam yatthakamam yathasakham, tadajjaham niggahissami yoniso hatthippabhinnam viya ankusaggaho"ti gatham abhasi. ^3- [77] Tattha idanti vuccamanassa cittassa attapaccakkhataya vuttam. Pureti niggahakalato pubbe. Acariti vicari, anavatthitataya nanarammanesu paribbhami. @Footnote: ¹ Si. attadamanameva ² Si. pabhinnamadamattavaravaranam @^3-3 cha.Ma. "idam pure cittamacari carikan"ti gatham abhasi Carikanti yathakamacariyam. Tenaha "yenicchakam yatthakamam yathasukhan"ti. Tanti tam cittam. Ajjati etarahi. Niggahissamiti nigganhissami, nibbisevanam karissami. Yonisoti upayena. Yatha kim ^1-? hatthippabhinnam viya ankusaggaho. Idam vuttam Hoti:- idam mama cittam nama ito pubbe rupadisu arammanesu yena yena ramitum icchati, tassa tassa vasena yenicchakam, yattha yattha cassa kamo, tassa tassa vasena yatthakamam, yatha yatha vicarantassa sukham hoti, tatheva caranato yathasukham digharattam carikam acari, tam ajjapaham bhinnamadamattahatthim hatthacariyasankhato cheko ankusaggaho ankusena viya yonisomanasikarena niggahissami, nassa vitikkamitum dassamiti. Evam vadantoeva ca thero vipassanam vaddhetva arahattam sacchakasi. Tena vuttam apadane ^2- :- "suvannavanno sambuddho vipassi dakkhinaraho purakkhato savakehi arama abhinikkhami. Disvanaham buddhasettham sabbannum tamanasakam pasannacitto sumano ganthipuppham ^3- apujayim. Tena cittappasadena dipadindassa tadino hattho hatthena cittena puna vandim tathagatam. Ekanavutito kappe yam pupphamabhiropayim duggatim nabhijanami buddhapujayidam phalam. Ekatalisito kappe carano nama khattiyo sattaratanasampanno cakkavatti mahabbalo. Kilesa jhapita mayham .pe. katam buddhasasa sasanan"ti. Ayameva ca therassa annabyakaranagatha ahositi. Hattharohaputtattheragathavannana nitthita. @Footnote: ¹ Si., Ma. yathati ² khu.apa. 32/91/221 ganthipupphiyattherapadana ³ Si. pupphamattam

The Pali Atthakatha in Roman Book 32 page 264-265. http://84000.org/tipitaka/pitaka_item/read_rm.php?B=32&A=5895&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=5895&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=214 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5423 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5641 The Pali Tipitaka in Roman Character :- http://84000.org/tipitaka/read/roman_read.php?B=26&A=5641 Contents of The Tipitaka Volume 26 http://84000.org/tipitaka/read/?index_26