AtthaPali Vol.32

219. 2. Kassapattheragathavannana yena yena subhikkhaniti ayasmato kassapattherassa gatha. Ka uppatti? ayam kira padumuttarassa bhagavato kale brahmanakule nibbattitva tisu vedesu annesu ca brahmanasippesu nipphattim gato, so ekadivasam bhagavantam disva pasannamanaso sumanapupphehi pujam akasi. Karonto ca satthu samantato upari ca pupphamutthiyo khipi. Buddhanubhavena pupphani pupphasanakarena sattaham atthamsu. So tam acchariyam disva bhiyyoso mattaya pasannamanaso ahosi. Aparaparam punnani karonto kappasatasahassam sugatisuyeva samsaranto imasmim buddhuppade savatthiyam annatarassa udiccabrahmanassa putto hutva nibbatti, kassapotissa namam ahosi. Tassa daharakaleyeva pita kalamakasi. Mata tam patijaggati. So ekadivasam jetavanam gato bhagavato dhammadesanam sutva hetusampannataya tasmimyeva asane sotapanno hutva matu santikam gantva anujanapetva pabbajito satthari vutthavasse pavaretva janapadacarikam pakkante sayampi satthara saddhim gantukamo apucchitum matu santikam agamasi. Mata vissajjenti ovadavasena:- [82] "yena yena subhikkhani sivani abhayani ca tena puttaka gacchassu ma sokapahato bhava"ti gatham abhasi. Tattha yena yenati yattha yattha. Bhummatthe hi etam karanavacanam, yasmim yasmim disabhageti attho. Subhikkhaniti sulabhapindani, ratthaniti adhippayo. Sivaniti khemani arogani. Abhayaniti corabhayadihi nibbhayani, rogadubbhikkhabhayani pana "subhikkhani, sivani"ti padadvayeneva gahitani. Tenati tattha, tasmim tasmim disabhageti attho. Puttakati anukampanti tam alapati. Mati patisedhatthavacakanipato. ^1- Sokapahatoti vuttagunarahitani ratthani gantva dubbhikkhabhayadijanikena sokena upahato ma bhava mahositi attho. Tam sutva thero "mama mata mayham soka- rahitatthanagamanam asisati, handa mayham ^2- sabbaso accantameva sokarahitam thanam pattum yuttan"ti ussahajato vipassanam patthapetva na cirasseva ^3- arahattam papuni. Tena vuttam apadane ^4- :- @Footnote: ¹ cha.Ma. mati patisedhatthe nipato ² cha.Ma. mayam ³ Si. na cirasseva aranne vasanto @⁴ khu.apa. 32/1/212 seyyakattherapadana "ajjhayako mantadharo tinnam vedana paragu abbhokase ^1- thito santo addasam lokanayakam. Siham yatha vanacaram ^2- byaggharajamva nittasam tidhapabhinnamatangam kunjaramva mahesinam. Sereyakam gahetvana akase ukkhipim aham buddhassa anubhavena parivarenti sabbaso. Adhitthahi mahaviro sabbannu lokanayako samanta pupphacchadana okirimsu narasabham. Tato sa pupphakancuka antovanta bahimukha sattaham chadanam katva tato antaradhayatha. Tanca acchariyam disva abbhutam lomahamsanam buddhe cittam pasadesim sugate lokanayake. Tena cittappasadena sukkamulena codito kappanam satasahassam duggatim nupapajjaham. Pannarasasahassamhi kappanam pancavisati vitamalasanama ca ^3- cakkavatti mahabbala. Kilesa jhapita mayham .pe. katam buddhassa sasanan"ti. Arahattam pana patva "idameva matu vacanam arahattappattiya ^4- ankusam jatan"ti tameva gatham paccudahasi. Kassapattheragathavannana nitthita. @Footnote: ¹ Si. ajjhokase ² Si. ekacaram ³ Si. cinnamalasanama ca ⁴ Ma. arahattuppattiya

The Pali Atthakatha in Roman Book 32 page 275-277. http://84000.org/tipitaka/pitaka_item/read_rm.php?B=32&A=6141&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=6141&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=219 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5456 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5667 The Pali Tipitaka in Roman Character :- http://84000.org/tipitaka/read/roman_read.php?B=26&A=5667 Contents of The Tipitaka Volume 26 http://84000.org/tipitaka/read/?index_26