AtthaPali Vol.32

230. 3. Erakattheragathavannana dukkha kama erakati ayasmato erakattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto siddhatthassa bhagavato kale kulagehe nibbattitva vinnutam patto ekadivasam sattharam disva pasannamanaso satthu kinci databbayuttakam alabhanto "handaham kayasaram punnam karissami"ti satthu gamanamaggam sodhetva samam akasi. Sattha tena tathagatam maggam patipajji. So tattha bhagavantam disva pasannamanaso vanditva anjalim paggayha pasannacitto yava dassanupacarasamatikkama buddharammanam pitim avijahanto atthasi. So tena punnakammena devaloke nibbatto aparaparam punnani katva sugatisuyeva @Footnote: ¹ cha.Ma. tehi vimuttancati ² cha.Ma. durannayanti ³ cha.Ma. urena ⁴ Si. pannapetum Samsaranto imasmim buddhuppade savatthiyam sambhavaniyassa kutumbikassa putto hutva nibbatti, erakotissa namam ahosi abhirupo dassaniyo pasadiko itikattabbatasu ^1- paramena veyyattiyena samannagato. Tassa matapitaro kulena rupena ^2- acarena vayena kosallena ca anucchavikam darikam anetva vivahakammam akamsu. So taya saddhim samvasena gehe vasanto pacchimabhavikatta kenacideva samvegavatthuna samsare samviggamanaso satthu santikam gantva dhammam sutva patiladdhasaddho pabbaji, tassa sattha kammatthanam adasi. So kammatthanam gahetva katipayadivasatikkamena ukkanthabhibhuto vihasi. Atha sattha tassa cittappavattim natva ovadavasena "dukkha kama eraka"ti gatham abhasi. So tam sutva "ayuttam maya katam, ^3- yoham evarupassa satthu santike kammatthanam gahetva tam vissajjento ^4- micchavitakkabahulo vihasin"ti samvegajato vipassanaya yuttappayutto na cirasseva arahattam papuni. Tena vuttam apadane ^5- :- "uttaritvana nadikam vanam gacchati cakkhuma tamaddasasim sambuddham siddhattham varalakkhanam. Kudalapitakamadaya samam katvana tam patham sattharam abhivadetva sakam cittam pasadayim. Catunnavutito kappe yam kammamakarim tada duggatim nabhijanami maggadanassidam phalam. Sattapannasakappamhi eko asim janadhipo namena suppabuddhoti nayako so narissaro. Kilesa jhapita mayham .pe. katam buddhassa sasanan"ti. Araha pana hutva annam byakaronto:- @Footnote: ¹ Si. kattabbakattabbesu ² Ma. kulanurupena ³ Ma. katam mogha @⁴ Si. vissajjitva ⁵ khu.apa. 32/32/237 maggadayakattherapadana [93] "dukkha kama eraka na sukha kama eraka yo kame kamayati dukkham so kamayati eraka yo kame na kamayati ^1- dukkham so na kamayati eraka"ti tameva bhagavata vuttagatham paccudahasi. Tattha dukkha kamati ime vatthukamakilesakama dukkhavatthutaya viparinama- dukkhasamsaradukkhasabhavato ca dukkha dukkhamadukkhanibbattika ^2-. Vuttam hetam:- "appassada kama bahudukkha bahupayasa, adinavo ettha bhiyyo"tiadi. ^3- Erakati pathamam tava bhagava tam alapati, paccha pana thero attanam namena kathesi. Na sukha kamati kama namete janantassa sukha na honti, ajanantassa pana sukhato upatthahanti. Yathaha "yo sukham dukkhato adda, ^4- dukkhamaddakkhi sallato"ti- adi. ^5- Yo kame kamayati, dukakham so kamayatiti yo satto kilesakamena ^6- vatthu- kame kamayati, tassa tam kamanam sampati saparilahataya, ayatim apayadukkhahetutaya ca vattadukkhahetutaya ca dukkham. Vatthukama pana dukkhassa vatthubhuta. Iti so dukkhasabhavam dukkhanimittam dukkhavatthunca kamayatiti vutto. Itaram patipakkhavasena tamevattham ^7- napetum vuttam, tasma tassattho vuttavipariyayena veditabbo. Erakattheragathavannana nitthita. @Footnote: ¹ Si. kamayati eraka ² Si. dukkha dukkha kama ³ vinaYu.mahavi. 2/417/306 @pacittiyakanda: aritthasikkhapada, Ma.mu. 12/234/196 alagaddupamasutta ⁴ Si. dakkhi @⁵ sam.sala. 18/368/257 pathamakasagathavagga: datthabbasutta (sya), @khu.iti. 25/53/275 dutiyavedanasutta, khu.thera. 26/986/395 sariputtattheragatha @⁶ Si. kilesakame ⁷ Si. itarapatipakkhavasena ceva vatthum

The Pali Atthakatha in Roman Book 32 page 300-302. http://84000.org/tipitaka/pitaka_item/read_rm.php?B=32&A=6680&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=6680&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=230 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5520 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5712 The Pali Tipitaka in Roman Character :- http://84000.org/tipitaka/read/roman_read.php?B=26&A=5712 Contents of The Tipitaka Volume 26 http://84000.org/tipitaka/read/?index_26