AtthaPali Vol.37

6 Balovadajatakam ^1- hantva ghatva vadhitva cati idam sattha vesaliyam ^2- upanissaya kutagarasalayam viharanto sihasenapatim arabbha kathesi. So hi bhagavantam saranam gantva nimantetva samamsakam bhattam adasi. Nigantha tam sutva kupita anattamana tathagatam vihethetukama samano gotamo janam uddissa katam mamsam bhunjatiti akkosimsu. Bhikkhu dhammasabhayam katham samutthapesum avuso niganthanataputto samano gotamo janam uddissa katam mamsam bhunjatiti saddhim parisaya akkosanto ahindatiti. Tam sutva sattha na bhikkhave nigantho nataputto idaneva mam uddissa katam mamsam khadanena garahati, pubbepi garahi yevati vatva atitam ahari. Atite baranasiyam brahmadatte rajjam karente bodhisatto brahmanakule nibbattitva vayappatto isipabbajjam pabbajitva lonambilasevanatthaya himavantato baranasim agantva punadivase nagaram bhikkhaya pavisi. Atheko kutumbiko tapasam vihethessamiti gharam pavesetva pannatte asane nisidapetva macchamamsena parivisitva bhattakiccavasane ekamantam nisiditva idam mamsam tumhe yeva uddissa pane maretva katam, idam akusalam ma amhakameva tumhakampi hotuti vatva pathamam gathamaha @Footnote: ¹ telovadajatakantipi . ² vesalintipi. Hantva ghatva vadhitva ca deti danam asannato, idisam bhattam bhunjamano sa papamupalimpatiti. Tattha hantvati paharitva. Ghatvati kilametva. Vadhitvati maretva. Deti danam asannatoti asannato dussilo evam katva danam deti. Idisam bhattam bhunjamano sa papamupalimpatiti idisam uddissa katam bhattam bhunjamano so samanopi papena upalimpati samyujjati yevati. Tam sutva bodhisatto dutiyam gathamaha puttadarampi ce hantva deti danam asannato, bhunjamanopi sappanno na papamupalimpatiti. Tattha bhunjamanopi sappannoti titthatu annesam mamsam puttadaram vadhitvapi dussilena dinnam sappanno khantimettadigunasampanno tam bhunjamanopi papena na upalimpatiti. Evamassa bodhisatto dhammam kathetva utthayasana pakkami. Sattha imam dhammadesanam aharitva jatakam samodhanesi. Tada kutumbiko nigantho nataputto ahosi, tapaso pana ahamevati. Balovadajatakam chatathamam. ----------

The Pali Atthakatha in Roman Book 37 page 349-350. http://84000.org/tipitaka/pitaka_item/read_rm.php?B=37&A=6903&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=37&A=6903&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=342 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1927 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1914 The Pali Tipitaka in Roman Character :- http://84000.org/tipitaka/read/roman_read.php?B=27&A=1914 Contents of The Tipitaka Volume 27 http://84000.org/tipitaka/read/?index_27