AtthaPali Vol.32

235. 8. Abhayattheragathavannana rupam disva sati mutthati ayasmato abhayattherassa gatha. Ka uppatti? sopi purimabuddhesu katadhikaro tattha tattha bhave vivattupanissayam punnam upacinanto sumedhassa bhagavato kale kulagehe nibbattitva vinnutam patto ekadivasam sumedham bhagavantam disva pasannacitto salalapupphehi pujamakasi. So tena punnakammena devesu nibbattitva aparaparam punnani katva sugatisuyeva samsaranto imasmim buddhuppade savatthiyam brahmanakule nibbattitva abhayoti laddhanamo vinnutam patto hetusampattiya codiyamano ekadivasam viharam gato satthu dhammadesanam sutva patiladdhasaddho pabbajitva katapubbakicco vipassanaya kammam karonto viharati. Athassa ekadivasam gamam pindaya pavitthassa alankatapatiyattam matugamam disva ayoniso- manasikaravasena tassa rupam arabbha chandarago uppajji, so viharam pavisitva "satim vissajjitva olokentassa ruparammane mayham kileso uppanno, ayuttam maya katan"ti attano cittam nigganhanto tavadeva vipassanam vaddhetva arahattam papuni. Tena vuttam apadane ^1- :- "sumedho nama namena sayambhu aparajito vivekamanubruhanto ajjhogahi mahavanam. Salalam pupphitam disva ganthitvana vatamsakam buddhassa abhiropesim sammukha lokanayakam. Timsakappasahassamhi yam pupphamabhiropayim duggatim nabhijanami buddhapujayidam phalam. Unavise kappasate solasasum sunimmita sattaratanasampanna cakkavatti mahabbala. @Footnote: ¹ khu.apa. 32/43/238 vatamsakiyattherapadana Kilesa jhapita mayham .pe. Katam buddhassa sasanan"ti. Arahattam pana patva attano kilesuppattinidassanena "kilese anuvattentassa vattadukkhato nattheva sisukkhipanam. Aham pana te nanuvattin"ti dassento:- [98] "rupam disva sati muttha piyam nimittam manasikaroto sarattacitto vedeti tanca ajjhosa titthati tassa vaddhanti asava bhavamulopagamino"ti ^1- gatham abhasi. Tattha rupanti rajjaniyam rupayatanam, tam panettha itthirupam adhippetam. Disvati cakkhuna disva, cakkhudvaranusarena nimittanubyanjanasallakkhanavasena ^2- tam gahetva, tassa ^3- tathagahanahetuti attho. Sati mutthati asubhasabhave kaye "asubhan"tveva pavattanasati ^4- nattha. Yatha pana rupam disva sati nattha, tam dassento aha "piya nimittam manasikaroto"ti. Yathaupatthitam arammanam "subham sukhan"tiadina piyanimittam katva ayonisomanasikarena manasikaroto sati mutthati yojana. Tatova ^5- sarattacitto vedetiti sutthu rattacitto hutva tam ruparammanam anubhavati abhinandati, ^6- abhinandanto pana tanca ajjhosa titthati ajjhosaya tam arammanam gilitva parinitthapetva vattati ceva, evambhutassa ca tassa vaddhanti ^7- asava bhavamulopa- gaminoti bhavassa samsarassa mulabhavam karanabhavam upagamanasabhava kamasavadayo cattaropi asava tassa puggalassa uparupari vaddhantiyeva, na hayanti. Mayham pana patisankhane ^8- thatva vipassanam vaddhetva saccani pativijjhantassa maggapatipatiya te cattaropi asava anavasesato pahina parikkhinati adhippayo. Abhayattheragathavannana nitthita. @Footnote: ¹ Si. bhavamulabhavagaminoti ² Si.,Ma. nimittanubyanjanupalakkhanavasena ³ Si. tassa va @⁴ Si. pavattanaka sati ⁵ cha.Ma. tatha bhutova ⁶ Si. ayam patho na dissati @⁷ Ma. evambhutassa vaddhanti ⁸ Si.,Ma. patisankhare

The Pali Atthakatha in Roman Book 32 page 313-314. http://84000.org/tipitaka/pitaka_item/read_rm.php?B=32&A=6967&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=6967&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=235 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5540 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5730 The Pali Tipitaka in Roman Character :- http://84000.org/tipitaka/read/roman_read.php?B=26&A=5730 Contents of The Tipitaka Volume 26 http://84000.org/tipitaka/read/?index_26