AtthaPali Vol.3

{305} Assatarihi yutta rathati assatariratha. Amuttamanikundalati amuttamanikundalani. Parinibbutoti kilesupadhikhandhupadhinam abhavena sitibhuto nirupadhiti vuccati. Sabba asattiyo chetvati rupadisu va visayesu sabbabhavesu va patthanayo chinditva. Vineyya hadaye daranti citte kilesadaratham vinetva. Veyyayikanti vayakaranam vuccati. {307} Adeyyavacoti tassa vacanam bahujanehi adatabbam sotabbam mannetiti attho. Arame akamsuti ye sadhana te attano dhanena akamsu ye mandadhana ceva adhana ca tesam dhanam adasi. Iti so satasahassakahapane satasahassagghanikanca bhandam datva pancacattalisayojanikesu addhanesu yojane yojane viharapatitthanam katva savatthim agamasi. Kotisantharam santharapesiti kahapanakotiya kotim patipadetva santharitva ye tattha rukkha va pokkharaniyo va tesam parikkhepappamanam gahetva annatarasmim @Footnote: ^1. vinandhitva. Thane santharetva adasi. Evamassa attharasakotikam ekam nidhanam parikkhayam agamasi. Kumarassa etadahositi gahapatino evam bahudhanam cajantassapi mukhassa vippasannakaram disva etam ahosi. Kotthakam mapesiti sattabhumikam dvarakotthakapasadam mapesi. Athakho anathapindiko gahapati jetavane vihare karapesi. .pe. Mandape karapesiti aparahipi attharasahi kotihi ete viharadayo karapesi atthakarisappamanaya bhumiya. Vipassissa hi bhagavato punabbasumitto gahapati yojanappamanam bhumim suvannitthakasantharena ca kinitva viharam karapesi. Sikhissa sirivaddho gahapati tigavutappamanam suvannayatthisantharena. Vessabhussa sotthijo gahapati addhayojanappamanam suvannaphalasantharena. Kakusandhassa accuto gahapati gavutappamanam suvannahatthipadasantharena. Konagamanassa uggo gahapati addhagavutappamanam suvannitthaka- santharena. Kassapassa sumangalo gahapati visatiusabhappamanam suvannakacchapasantharena. Amhakam bhagavato sudatto gahapati atthakarisappamanam bhumim kahapanasantharena kinitva viharam karapesiti. Evam anupubbena parihayanti sampattiyoti alameva sabbasampattisu virajjitum alam vimuccitunti.

The Pali Atthakatha in Roman Book 3 page 359-360. http://84000.org/tipitaka/pitaka_item/read_rm.php?B=3&A=7362&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=3&A=7362&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=102 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=2933 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3096 The Pali Tipitaka in Roman Character :- http://84000.org/tipitaka/read/roman_read.php?B=4&A=3096 Contents of The Tipitaka Volume 4 http://84000.org/tipitaka/read/?index_4