AtthaPali Vol.33

333. 11. Sappakattheragathavannana yada balakatiadika ayasmato sappakattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto ito ekatimse kappe mahanubhavo nagaraja hutva nibbatto sambhavassa ^2- nama paccekabuddhassa abbhokase samapattiya nisinnassa mahantam padumam gahetva uparimuddhani dharento pujam akasi. So tena punnakammena devamanussesu samsaranto imasmim buddhuppade savatthiyam brahmanakule nibbattitva sappakoti laddhanamo vinnutam patto bhagavato santike dhammam sutva patiladdhasaddho pabbajitva kammatthanam gahetva ajakaraniya nama nadiya tire lenagirivihare ^3- vasanto na cirasseva arahattam papuni. Tena vuttam apadane 4-:- "himavantassavidure romaso nama pabbato buddhopi sambhavo nama abbhokase vasi tada. @Footnote: ¹ Si.,i. dosarahito natthi kincananti so aham evam pahinatanho asarahito yatha @punnamasiyam paripunnakalo cando ² Si.,i. sambhavakassa ³ Si.lenavihare @⁴ khu.apa. 33/110/162 padumadhariyattherapadana (sya) Bhavana nikkhamitvana padumam dharayim aham ekaham dharayitvana bhavanam punaragamim. Ekatimse ito kappe yam buddhamabhipujayim duggatim nabhijanami buddhapujayidam phalam. Kilesa jhapita mayham .pe. Katam buddhassa sasanan"ti. So arahattam patva sattharam vanditum savatthim agato natihi upatthiyamano tattha katipaham vasitva dhammam desetva natake saranesu ca silesu ca patitthapetva yathavuttatthanameva gantukamo ahosi. Tam nataka "idheva bhante vasatha, mayam patijaggissama"ti yacimsu. So gamanakaram dassetva thito attana vasitatthana- kittanapadesena vivekabhiratim pakasento:- [307] "yada balaka sucipandaracchada kalassa meghassa bhayena tajjita palehiti alayamalayesini tada nadi ajakarani rameti mam. [308] Yada balaka suvisuddhapandara kalassa meghassa bhayena tajjita pariyesati lenamalenadassini tada nadi ajakarani rameti mam. [309] Kam nu tattha na ramenti jambuyo ubhato tahim sobhenti ^1- apagakulam mama lenassa pacchato. [310] Tamatamadasanghasuppahina bheka mandavati panadayanti @Footnote: ¹ pali. sobhenti Najja girinadihi vippavasasamayo khema ajakarani siva suramma"ti catasso gatha abhasi. Tattha yadati yasmim kale. Balakati balakasakunika. Sucipandaracchadati sucisuddhadhavalapakkha. Kalassa meghassa bhayena tajjitati jalabharabharitataya kalassa anjana- girisannikasassa pavussakameghassa gajjato vutthibhayena nibbijjita ^1- bhimsapita. Palehititi gocarabhumito uppatitva gamissati. Alayanti nilayam attano kulavakam. Alayesiniti tattha alayanam niliyanameva icchanti. Tada nadi ajakarani rameti manti tasmim pavussakakale ajakaraninamika nadi navodakassa pura haraharini ^2- kulankasa mam rameti mama cittam aradhetiti utupadesavisesakittanapadesena vivekabhiratim pakasesi. Suvisuddhapandarati sutathu visuddhapandaravanna, asammissavanna sabbasetati attho. Pariyesatiti maggati. Lenanti vasanatthanam. ^3- Alenadassiniti vasanatthanam apassanti. Pubbe nibaddhavasanatthanassa abhavena alenadassini, idani pavussakakale meghatajjitena ^4- ahitagabbha pariyesati lenanti nibaddhavasanatthanam kulavakam karotiti attho. Kam nu tattha .pe. Pacchatoti mama vasanakamahalenassa pacchato pacchabhage apagakulam ajakaraninadiya ubhatotiram ^5- tahim tahim ito cito ca sobhentiyo niccakalam phalabharanamitasakha siniddhapannacchaya jambuyo tattha tasmim thane kam nama sattam na ramenti nu, ^6- sabbam ramentiyeva. Tamatamadasanghasuppahinati amatam vuccati agadam, tena majjantiti ^7- amatamada, sappa, tesam sangho amatamadasangho, tato sutthu pahina apagata. Bheka mandukiyo mandavati saravatiyo panadayanti tam thanam madhurena vassitena ninnadayanti. Najja girinadihi @Footnote: ¹ i. nibbhaccita ² Si.,i. harabharini ³ Si.,i. vasatim @⁴ Si. meghagajjitato na, cha.Ma. meghagajjitena ⁵ Si.,i. ubho tiram @⁶ Si.,i. kam nu tattha na ramenti ⁷ Ma. tena marantiti Vippavasasamayoti ajja etarahi annahipi pabbateyyahi nadihi vippavasasamayo na hoti, visesato pana valamacchasusumaradivirahitato khema ajakarani nadi. Sundaratala- titthapulinasampattiya siva. Sutthu ramma ramaniya, tasma tattheva me mano ramatiti adhippayo. Evam pana vatva natake vissajjetva attano vasanatthanameva gato. Sunnagarabhiratidipanena idameva ca therassa annabyakaranam ahositi. Sappakattheragathavannana nitthita. ------------------

The Pali Atthakatha in Roman Book 33 page 33-36. http://84000.org/tipitaka/pitaka_item/read_rm.php?B=33&A=743&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=33&A=743&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=333 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6303 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6414 The Pali Tipitaka in Roman Character :- http://84000.org/tipitaka/read/roman_read.php?B=26&A=6414 Contents of The Tipitaka Volume 26 http://84000.org/tipitaka/read/?index_26