AtthaPali Vol.39

Putimamsajatakam na kho me ruccatiti idam sattha jetavane viharanto indriyaasamvaram arabbha kathesi. Ekasmim hi samaye bahu bhikkhu indriyesu aguttadvara ahesum. Sattha ime bhikkhu ovaditum vattatiti anandattherassa vatva aniyamavasena bhikkhusangham sannipatapetva alankatapallankavaramajjhagato bahu bhikkhu amantetva bhikkhave bhikkhuna nama rupadisu subhanimitta- vasena nimittam gahetum na vattati sace hi tasmim samaye kalam karoti nirayadisu nibbatti tasma rupadisu subhanimittam ma ganhatha bhikkhuna nama rupadigocarena na bhavitabbam rupadigocara hi dittheyeva dhamme mahavinasam papunanti tasma varantiha bhikkhave tattaya ayosalakaya cakkhundriyam sampalimatthanti vittharetva tumhakam rupam olokanakalopi atthi anolokanakalopi olokanakale subhavasena anoloketva asubhavaseneva olokeyyatha evam attano gocara na parihayissatha ko pana tumhakam gocaro cattaro satipatthana ariyo atthangiko maggo nava lokuttaradhamma etasmim hi vo gocare gocaratam na lacchati maro otaram sace pana kilesavasika hutva subhanimittavasena olokissatha putimamsasigalo viya attano gocara parihayissathati vatva atitam ahari atite baranasiyam brahmadatte rajjam karente himavantappadese Arannayatane pabbataguhayam anekasata elaka vasanti. Tesam vasanatthanato avidure ekissa guhayam putimamso nama sigalo veniya nama bhariyaya saddhim vasati. So ekadivasam bhariyaya saddhim vicaranto te elake disva ekenupayena imesam mamsam khaditum vattatiti cintetva upayena ekekam elakam maresi. Te ubho elakamamsam khadanta thamasampanna thulasarira ahesum. Anupubbena elaka parikkhayam agamamsu. Tesam antare mendikamata nama eka elika byatta ahosi upayakusala. Sigalo tam maretum asakkonto ekadivasam bhariyaya saddhim sammantento bhadde elaka khina imam elikam ekenupayena khaditum vattati ayam panettha upayo tvam ekikava gantva etaya saddhim sakhi hohi atha te taya saddhim vissase uppanne aham matalayam karitva nipajjissami tvam etam upasankamitva elike samiyo me mato ahanca anatha thapetva tam me anno natako natthi ehi roditva kanditva tassa sarirakiccam karissamati vatva tam ganhitva agaccheyyasi atha nam aham uppatitva givayam damsitva maressamiti. Sa sadhuti sampaticchitva taya saddhim sakhibhavam katva vissase uppanne elikam tatha avoca. Ali alam tava samikena sabbe mama nataka khadita bhayami na sakkomi gantunti aha. Ali ma bhayi matako kim karissatiti. Kharamanto te samiko bhayamivahanti sa evam vatvapi taya punappunam yaciyamana addha mato bhavissatiti sampaticchitva taya Saddhim payasi. Gacchanti pana ko janati kim bhavissatiti tasmim asankaya sigalim purato katva sigalam parigganhantiyeva gacchati. Sigalo tasam padasaddam sutva agata nu kho elikati sisam ukkhipitva akkhini parivattetva olokesi. Elika tam tatha karontam disva ayam papadhammo mam vancetva maretukamo matalayam dassetva nipannoti nivattitva sigaliya kasma palayasiti vutte karanam kathenti pathamam gathamaha na kho ruccati me ali putimamsassa pekkhana etadisa sakharasma araka parivajjayeti. Tattha aliti alapanam. Sakhe sahayiketi attho. Etadisa sakharasmati evarupa sahayaka apakkamitva tam sahayakam araka parivajjethati attho. Evanca pana vatva sa nivattitva attano vasanatthanameva gata. Sigalipi tam nivattetum asakkonti tassa kujjhitva attano samikasseva santikam gantva pajjhayamana nisidi. Atha nam sigalo garahanto dutiyam gathamaha ummattika ayam veni vanneti patino sakhim pajjhayati patigacchati agatam mendimataranti. Tattha veniti tassa namam. Vanneti patino sakhinti pathamameva attano sakhim elikam mayi sinehavissasika agacchissati patino santikam matalayam karohiti patino santike vanneti atha nam idani Agatam mama santikam anagantvava patigacchati mendimataram pajjhayati anusocatiti. Tam sutva sigali tatiyam gathamaha tvam khosi samma ummatto dummedho avicakkhano so tvam matalayam katva akalena vipekkhasiti. Tattha avicakkhanoti vicaranapannarahito. Akalena vipekkhasiti elikaya attano santikam anagatamyeva olokesiti attho. Ayam abhisambuddhagatha ahosi na akale vipekkheyya kale pekkheyya pandito putimamsova pajjhati yo akale vipekkhatiti. Tattha akaleti kamagune arabbha subhavasena cittuppadakale. Ayam hi bhikkhuno rupam oloketum akalo nama. Kaleti asubhavasena anussativasena va kasinavasena va rupaggahanakale. Ayam hi bhikkhuno rupam oloketum kalo nama. Tattha akaleti sarattakale rupam olokenta mahavinasam papunantiti haritacajatakalomasakassapajatakadihi dipetabbam. Kaleti asubhavasena olokento arahatte patitthahatiti asubhakammikatissattheravatthuna kathetabbam. Putimamsova pajjhatiti bhikkhave yatha putimamsasigalo akale elikam olokento attano gocara parihino pajjhayati evam bhikkhu akale subhavasena rupam oloketva satipatthanadigocara parihino ditthadhammepi samparayepi pajjhayati kilamati. Venipi kho sigali putimamsam assasetva sami ma cintesi aham tam punapi upayena anessami tvam agatakale appamatto ganheyyasiti vatva tassa santikam gantva ali tava agatabhavoyeva no atthaya jato tava agatakalasmimyeva hi samiko satim patilabhi idani jivati ehi tena saddhim patisantharam karohiti vatva pancamam gathamaha piyam kho ali me hotu punnapattam dadahi me pati sanjivito mayham eyyasi piyapucchitati. Tattha punnapattam dadahi meti piyakanam agatassa mayham tutthidanam dehi. Pati sanjivitoti mayham samiko sanjivito utthito arogoti attho. Eyyasiti maya saddhinneva agaccha. Elika ayam papadhamma mam vancetukama ayuttam kho pati- pakkhakaranam upayeneva nam vancessamiti cintetva chatthamam gathamaha piyam kho ali te hotu punnapattam dadami te mahata parivarena essam kayiratha bhojananti. Tattha essanti agamissami agacchamana ca attano rakkham katva mahantena parivarena agacchissamiti. Atha nam sigali parivaram pucchanti sattamam gathamaha kidiso tuyham parivaro yesam kahami bhojanam kimnamaka ca te sabbe te me akkhahi pucchitati. Sa acikkhanti atthamam gathamaha Maliyo caturakkha ca pingalo atha jambuko ediso mayham parivaro tesam kayirasi bhojananti. Tattha te meti te parivare mayham acikkhi. Maliyoti adini catunnam sunakhanam namani. Tattha ekekam panca panca sunakhasatana parivarenti. Evam dvihi sunakhasahassehi parivarita agamissamiti vatva sace te bhojanam na labhissanti tumhe dvepi jane maretva khadissantiti aha. Tam sutva sigali bhita alam imissa tattha gamanena upayenassa anagamanameva karissamiti cintetva navamam gathamaha nikkhantaya agarasma (nirarakkham) bhandakampi vinassati arogyam alino vajjam tvam idheva vasa ma gamati. Tassattho ali tava gehe bahubhandakam atthi tam te nikkhantaya agarasma nirarakkham bhandakam vinassati ahameva te alino sahayakassa arogyam vajjam vadissami tvam idheva vasa ma gamati. Evanca pana vatva maranabhayabhita vegena samikassa santikam gantva tam gahetva palayi. Te pana tam thanam agantum nasakkhimsu. Sattha imam dhammadesanam aharitva jatakam samodhanesi tada aham tasmim thane vanajettharukkhe nibbattadevata ahosinti. Putimamsajatakam ekadasamam.

The Pali Atthakatha in Roman Book 39 page 404-409. http://84000.org/tipitaka/pitaka_item/read_rm.php?B=39&A=8161&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=39&A=8161&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1301 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=5390 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=5448 The Pali Tipitaka in Roman Character :- http://84000.org/tipitaka/read/roman_read.php?B=27&A=5448 Contents of The Tipitaka Volume 27 http://84000.org/tipitaka/read/?index_27