AtthaPali Vol.31

94. 9. Mahapesakarapetivatthuvannana guthanca muttam rudhiranca ^3- pubbanti idam satthari savatthiyam viharante annataram pesakarapetim arabbha vuttam. Dvadasamatta kira bhikkhu satthu santake kammatthanam gahetva vasanayoggatthanam vimamsanta upakatthaya vassupanayikaya annataram chayudakasampannam ramaniyam arannayatanam tassa ca natidure naccasanne gocaragamam disva tattha ekarattim vasitva dutiyadivase gamam pindaya pavisimsu. Tattha ekadasa pesakara pativasanti, te te bhikkhu disva sanjatasomanassa hutva attano attano geham netva panitena aharena parivisitva ahamsu "kuhim bhante gacchatha"ti. "yattha amhakam phasukam, tattha @Footnote: ¹ Ma. upakara hontiti ² cha.Ma. ayam patho na dissati ³ cha.Ma. ruhiranca. evamuparipi Gamissama"ti. "yadi evam bhante idheva vasitabban"ti vassupagamanam yacimsu, bhikkhu sampaticchimsu. Upasaka tesam tattha arannakutikayo karetva adamsu, bhikkhu tattha vassam upagacchimsu. Tattha jetthakapesakaro dve bhikkhu catuhi paccayehi sakkaccam upatthahi, itare ekekam bhikkhum upatthahimsu. Jetthakapesakarassa bhariya assaddha appasanna micchaditthika maccharini bhikkhu na sakkaccam upatthati. So tam disva tassayeva kanitthabhaginim anetva attano gehe issariyam niyyadesi, sa saddha pasanna hutva sakkaccam bhikkhu patijaggi. Te sabbe pesakara vassam vutthanam bhikkhunam ekekassa ekekam satakamadamsu. Tattha maccharini jetthakapesakarassa bhariya padutthacitta attano samikam paribhasi "yam taya samananam sakyaputtiyanam danam dinnam annapanam, tam te paraloke guthamuttam pubbalohitanca hutva nibbattatu, sataka ca jalita ayomayapatta hontu"ti. Tattha jetthakapesakaro aparena samayena kalam katva vinjhataviyam anubhavasampanna rukkhadevata hutva nibbatti, tassa pana kadariya bhariya kalam katva tasseva vasanatthanassa avidure peti hutva nibbatti. Sa nagga dubbannarupa jighacchapipasabhibhuta tassa bhumadevassa santikam gantva aha "aham sami niccola ativiya jighacchapipasabhibhuta vicarami, dehi me vattham annapananca"ti. So tassa dibbam ularam annapanam upanesi. Tam taya gahitamattameva guthamuttam pubbalohitanca sampajjati, satakanca dinnam taya paridahitam pajjalitam ayomayapattam hoti. Sa mahadukkham anubhavanti tam chaddetva kandanti vicarati. Tena ca samayena annataro bhikkhu vutthavasso sattharam vanditum gacchanto mahata satthena saddhim vinjhatavim patipajji. Satthika rattim maggam gantva diva vane sandacchayudakasampannam padesam disva yanani muncitva muhuttam vissamimsu. Bhikkhu pana vivekakamataya thokam apakkamitva annatarassa sandacchayassa vanagahanapaticchannassa rukkhassa mule sanghatim pannapetva nipanno rattiyam maggagamanaparissamena kilantakayo niddam upaganchi, satthika vassamitva maggam patipajjimsu, so bhikkhu na patibujjhi. Atha sayanhasamaye utthahitva te apassanto annataram kummaggam patipajjitva ^1- anukkamena tassa devataya vasanatthanam sampapuni. Atha nam so devaputto disva manussarupena upagantva patisantharam katva attano vimanam pavesetva padabbhanjanadini datva payirupasanto nisidi. Tasmim ca samaye sa peti agantva "dehi me sami annapanam satakanca"ti aha, so tassa tani adasi, tani ca taya gahitamattani guthamuttapubbalohitapajjalitaayopattayeva ahesum. So bhikkhu tam disva sanjatasamvego tam devaputtam:- [54] "guthanca muttam rudhiranca pubbam paribhunjati kissa ayam vipako ayam nu kim kammamakasi nari ya sabbada lohitapubbabhakkha. [55] Navani vatthani subhani ceva muduni suddhani ca lomasani dinnanimissa kitaka bhavanti ayam nu kim kammamakasi nari"ti dvihi gathahi patipucchi. Tattha kissa ayam vipakoti kidisassa kammassa ayam vipako, yam esa idani paccanubhavatiti. Ayam nu kim kammamakasi nariti ayam itthi kim nu kho kammam pubbe akasi. Ya sabbada lohitapubbabhakkhati ya sabbakalam rudhirapubbameva bhakkhati @Footnote: ¹ Ma. ummaggam gahetva gacchanto Paribhunjati. Navaniti paccagghani tavadeva patubhutani. Subhaniti sundarani dassaniyani. Muduniti sukhasamphassani. Suddhaniti parisuddhavannani. Lomasaniti salomakani sukhasamphassani, sundaraniti ^1- attho. Dinnanimissa kitaka bhavantiti kitakakandakasadisani ^2- lohapattasadisani bhavanti. "kitaka ^3- bhavanti"ti va patho, khadakapanakavannani bhavantiti attho. Evam so devaputto tena bhikkhuna puttho taya purimajatiya katakammam pakasento:- [56] "bhariya mamesa ahu bhadante adayika maccharini kadariya sa mam dadantam samanabrahmananam akkosati ca paribhasati ca. [57] Guthanca muttam rudhiranca pubbam paribhunja tvam asucim sabbakalam etam te paralokasmim hotu vattha ca te kitakasama bhavantu etadisam duccaritam caritva idhagata cirarattaya khadati"ti dve gatha abhasi. Tattha adayikati kassaci kincipi adanasila. Maccharini kadariyati pathamam maccheramalassa sabhavena ^4- maccharini, taya ca ^5- punappunam asevanataya thaddhamaccharini, taya kadariya ahuti yojana. Idani tassa tameva kadariyatam dassento "sa mam dadantan"tiadimaha. Tattha etadisanti evarupam yathavuttavaciduccaritadim caritva. @Footnote: ¹ Ma. sukkaniti ² Ma. kitakasadisani ³ Ma. kitapa @⁴ Ma. maccharimattassa sabbhavena ⁵ Ma. tamyeva Idhagatati imam petalokam agata, petattabhavam upagata. Cirarattaya khadatiti cirakalam guthadimeva khadati. Tassa hi yenakarena akkuttham, tenevakarena pavattamanampi phalam. Yam uddissa akkuttham, ^1- tato annattha pathaviyam kamantakasankhate matthake asanipato viya attano upari patati. Evam so devaputto taya pubbe katakammam kathetva puna tam bhikkhum aha "atthi pana bhante koci upayo imam petalokato mocetun"ti. "atthi"ti ca vutte "kathetha bhante"ti. Yadi bhagavato ariyasamghassa ca ekasseva va bhikkhuno danam datva imissa uddisiyati, ayanca tam anumodati, evametissa ito dkkhato mutti bhavissatiti. Tam sutva devaputto tassa bhikkhuno panitam annapanam datva tam dakkhinam tassa petiya adisi, ^2- tavadeva sa peti suhita pinindriya dibbaharassa titta ahosi. Puna tasseva bhikkhuno hatthe dibbasatakayugam bhagavantam uddissa datva tanca dakkhinam petiya adisi, tavadeva ca sa dibbavatthanivattha dibbalankaravibhusita sabbakamasamiddha devaccharapatibhaga ahosi. So ca bhikkhu tassa devaputtassa iddhiya tadaheva savatthim patva jetavanam pavisitva bhagavato santikam upagantva vanditva tam satakayugam datva tam pavattim arocesi. Bhagavapi tamattham atthuppattim katva sampattaparisaya dhammam desesi, sa desana mahajanassa satthika ahositi. Mahapesakarapetivatthuvannana nitthita. ------------------ @Footnote: ¹ Si. akantam ² Si.,i. adasi

The Pali Atthakatha in Roman Book 31 page 45-49. http://84000.org/tipitaka/pitaka_item/read_rm.php?B=31&A=997&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=31&A=997&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=94 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=3125 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=3303 The Pali Tipitaka in Roman Character :- http://84000.org/tipitaka/read/roman_read.php?B=26&A=3303 Contents of The Tipitaka Volume 26 http://84000.org/tipitaka/read/?index_26