ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 14 : PALI ROMAN An.A. (manoratha.1)

page469.

Viharati .pe. Mettaya bhavitatta satta appatikula honti. Karuna. Mudita. Upekkhasahagatena cetasa ekam disam pharitva viharati .pe. Upekkhaya bhavitatta satta appatikula honti. Evam subhantveva adhimutto hotiti vimokkho"ti 1- vuttam. Sabbaso rupasannanantiadisu yam vattabbam, tampi 2- sabbam visuddhimagge vuttameva. [443] Pathavikasinam bhavetiti ettha pana sakalatthena kasinam, pathavieva kasinam pathavikasinam. Pathavikasinarammanassapi pathaviya nimittassapi 3- patibhaganimittassapi tam nimittam arammanam katva uppannajjhanassapi etam adhivacanam. Idam 4- pathavikasinarammanajjhanam adhippetam. Tam so 5- bhaveti. Apokasinadisupi eseva nayo. Imani pana kasinani bhaventena silani sodhetva suparisuddhe sile 6- patitthitena yvayam 7- dasasu palibodhesu palibodho atthi, tam upacchinditva kammatthanadayakam kalyanamittam upasankamitva attano cariyanukulavasena yam yassa sappayam, tantena gahetva kasinabhavanaya ananurupam viharam pahaya anurupe viharantena khuddakapalibodhupacchedam katva sabbam bhavanavidhanam aparihapentena bhavetabbani. Ayamettha sankhepo, vittharo pana visuddhimagge 8- vutto. Kevalam hi tattha vinnanakasinam nagatam, tam atthato akasakasine pavattam vinnanam. Tanca kho arammanavasena vuttam, na samapattivasena. Tam hi anantaram vinnanam 9- arammanam katva esa vinnanancayatanasamapattim bhavento vinnanakasinam bhavetiti vuccati. Imanipi dasa kasinani vattanipi honti vattapadakanipi vipassanapadakanipi ditthadhammasukhaviharatthanipi abhinnapadakanipi nirodhapadakanipi, lokiyaneva na pana lokuttaraniti. [453] Asubhasannam bhavetiti asubham 10- vuccati uddhumatakadisu dasasu arammanesu 11- uppanna pathamajjhanasahagata sanna, tam bhaveti bruheti vaddheti, anuppannam @Footnote: 1 khu.pati. 31/476/359 vimokkhakatha (sya) 2 cha.Ma. tam 3 cha.Ma. parikammapathaviyapi @uggahanimittassapi 4 cha.Ma. idha pana 5 cha.Ma. tam hesa 6 cha.Ma. parisuddhasile @7 cha.Ma. yvassa 8 visuddhi. 1/104 kammatthanaggahananiddesa (sya) 9 cha.Ma. anantam @vinnananti 10 cha.Ma. asubhasanna 11 Si. asubharammanesu

--------------------------------------------------------------------------------------------- page470.

Uppadeti, uppannam anurakkhatiti attho. Dasannam pana asubhanam bhavananayo sabbo visuddhimagge 1- vittharitoyeva. Maranasannam bhavetiti sammatimaranam 2- khanikamaranam samucchedamarananti tividhampi maranam arammanam katva uppannam sannam 3- bhaveti, anuppannam uppadeti, uppannam anurakkhatiti attho. Hettha vuttalakkhana va maranasatiyeva idha maranasannati vutta, tam bhaveti uppadeti vaddhetiti attho. Bhavananayo panassa visuddhimagge 4- vittharitoyeva. Ahare patikulasannam bhavetiti asitapitadibhede kavalinkarahare 5- gamanapatikuladini nava patikulani paccavekkhantassa uppajjanakasannam bhaveti, uppadeti vaddhetiti attho. Tassapi bhavananayo visuddhimagge vittharitoyeva. Sabbaloke anabhiratasannam 6- bhavetiti sabbasmimpi tedhatuke loke anabhiratasannam ukkanthitasannam bhavetiti attho. Aniccasannam bhavetiti pancannam upadanakkhandhanam uppadabbayannathattapariggahikam 7- pancasu khandhesu aniccanti uppajjanakasannam bhaveti. Anicce dukkhasannam bhavetiti anicce khandhapancake patipilanasankhatadukkhalakkhanapariggahikam 8- dukkhanti uppajjanakasannam bhavetiti. Dukkhe anattasannam bhavetiti paripilanatthena 9- dukkhe khandhapancake anupassanakarasankhataanattalakkhanapariggahikam 10- anattati uppajjanakasannam bhaveti. Pahanasannam bhavetiti pancavidham pahanam arammanam katva uppajjanakasannam bhaveti. Viragasannam bhavetiti pancavidhameva viragam arammanam katva uppajjanakasannam bhaveti. Nirodhasannam bhavetiti sankharanirodham arammanam katva uppajjanakasannam bhaveti. Nibbanam arammanam katva uppajjanakasannantipi vadanti. Ettha ca sabbaloke anabhiratasanna aniccasanna anicce dukkhasannati imahi tihi sannahi balavavipassana kathita, puna aniccasannam bhavetitiadikahi dasahi sannahi vipassanasamarambhova kathito. @Footnote: 1 visuddhi. 1/226 asubhakammatthananiddesa (sya) 2 cha.Ma. sammutimaranam @3 cha. uppajjanakasannam 4 visuddhi. 2/1 anussatikammatthananiddesa-maranassatikatha @(sya) 5 cha.Ma. kabalikare ahare 6 cha.Ma. anabhiratisannam. evamuparipi @7 cha.Ma. udayabbayannathattapariggahikam 8 Ma. patipilanasankhatam 9 cha.Ma. patipilanatthena @10 cha.Ma. avasavattanakarasankhata...

--------------------------------------------------------------------------------------------- page471.

[473] Buddhanussatintiadini vuttatthaneva. [483] Pathamajjhanasahagatanti pathamajjhanena saddhim gatam pavattam, pathamajjhanena sampayuttanti attho. Saddhindriyam bhavetiti pathamajjhanasahagatam katva saddhindriyam bhaveti visum bhaveti 1- bruheti vaddheti. Esa nayo sabbattha. Aparaaccharasanghatavaggavannana nitthita. -------------- @Footnote: 1 cha.Ma. visum bhavetiti patho na dissati

--------------------------------------------------------------------------------------------- page472.

19. Kayagatasativaggavannana [563] Cetasa phutoti 1- ettha duvidham pharanam apopharananca dibbacakkhupharananca. Tattha apokasinam samapajjitva apena pharanam apopharanam nama. Evam phutthepi 2- mahasamudde sabba samuddangama kunnadiyo antogadhava honti. Alokam pana vaddhetva dibbacakkhuna 3- sakalasamuddassa dassanam dibbacakkhupharanam nama. Evam phutthepi 4- mahasamuddangama kunnadiyo antogadhava honti. Antogadha tassati tassa bhikkhuno bhavana 5- abbhantaragatava honti. Vijjabhagiyati ettha sampayogavasena vijjam bhajantiti vijjabhaga, 6- vijjabhage vijjakotthase vattantitipi vijjabhagiya. Tattha vipassanananam manomayiddhi cha abhinnati attha vijja, 7- purimena atthena tahi sampayuttadhammapi vijjabhagiya. Pacchimena atthena tasu ya kaci eka vijja vijja, sesa vijjabhagiyati evam vijjapi vijjasampayuttadhammapi vijjabhagiyatveva veditabba. [564] Mahato samvegayati mahantassa samvegassa atthaya. Upari padadvayepi eseva nayo. Ettha ca mahasamvego nama vipassana, mahaattho nama cattaro magga, mahayogakkhemo nama cattari samannaphalani. Athava mahasamvego nama saha vipassanaya 8- maggo, mahaattho nama cattari samannaphalani, mahayogakkhemo nama nibbanam. Satisampajannayati satiya ca nanassa ca atthaya. Nanadassanapatilabhayati dibbacakkhunanaya. Ditthadhammasukhaviharayati imasmimyeva paccakkhaattabhave sukhaviharatthaya. Vijjavimuttiphalasacchikiriyayati vijjavimuttinam phalassa paccakkhakaranatthaya. Ettha ca vijjati maggapanna, vimuttiti tamsampayutta sesa dhamma. Tesam phalam nama arahattaphalam, tassa sacchikiriyayati attho. @Footnote: 1 ka. phutthoti 2 cha.Ma. phutepi (pali. phuta...) 3 ka. cakkhuna 4 cha.Ma. phutepi @mahasamudde sabba 5 cha.Ma. bhavanaya 6 cha.Ma. vijjabhagiya, atthasaliniyampana @vijjabhaginoti patho dissati 7 Ma. vijja vijja 8 Si. sahavipassanako

--------------------------------------------------------------------------------------------- page473.

[571] Kayopi passambhatiti namakayopi karajakayopi passambhati, vupasanto 1- hoti. Vitakkavicarapiti ete dhamma dutiyajjhanena vupasamanti 2- nama, idha pana olarikavupasamam sandhaya 3- vuttam. Kevalati sakala, sabbe niravasesati attho. Vijjabhagiyati vijjakotthasiya, te hettha vibhajitva dassitava. [574] Avijja pahiyatiti atthasu thanesu vattamulakam mahaandhakarakam mahatamo 4- annanam pahiyati. Vijja uppajjatiti arahattamaggavijja uppajjati. Asmimano pahiyatiti asmiti navavidho mano pahiyati. Anusayati satta anusaya. Samyojananiti dasa samyojanani. [575] Pannappabhedayati pannappabhedagamanattham. Anupadaparinibbanayati apaccayaparinibbanassa sacchikiriyatthaya. [577] 5- Anekadhatupativedho hotiti attharasannam dhatunam lakkhanapativedho hoti. Nanadhatupativedho hotiti tasamyeva attharasannam dhatunam nanabhavena lakkhanapativedho hoti. Anekadhatupatisambhida hotiti imina dhatubhedananam 6- kathitam. Dhatubhedananannama 7- "ima dhatuyo ussanna nama honti"ti 7- jananapanna. Tam panetam dhatubhedananam na sabbesam hoti, buddhanameva nippadesam hoti. Tam sammasambuddhena sabbaso na kathitam. Kasma? tasmim kathite attho natthiti. [584] Pannapatilabhayatiadini solasa padani patisambhidamagge "sappurisasamsevo saddhammassavanam yoniso manasikaro dhammanudhammapatipatti. Ime kho bhikkhave cattaro dhamma bhavita bahulikata pannapatilabhaya samvattanti .pe. Nibbedhikapannataya samvattanti"ti evam matikam thapetva vittharitaneva. Vuttam hetam:- 8- @Footnote: 1 cha.Ma. vupasantadaratho 2 cha.Ma. vupasammanti 3 Ma. vupasamatthaya @4 Si. bahalandhakarakarakam mahatamo, cha.Ma. bahalandhakaram mahatamam 5 cha.Ma. 576 @6 Ma. dhatubhede nanam, cha. dhatupabhedananam. evamuparipi 7-7 cha.Ma. imaya dhatuya @ussannaya idam nama hotiti 8 khu.pati. 31/664/569 mahapannakatha (sya)

--------------------------------------------------------------------------------------------- page474.

Pannapatilabhaya samvattantiti katamo pannapatilabho, catunnam magganananam catunnam phalanananam catunnam patisambhidanananam channam abhinnanananam tesattatinam nananam sattasattatinam nananam labho patilabho patti sampatti phassana sacchikiriya upasampada, pannapatilabhaya samvattantiti ayam pannapatilabho. (1) Pannavuddhiya samvattantiti katama pannavuddhi, sattannanca sekkhanam puthujjanakalyanakassa ca panna vaddhati, arahato panna vaddhitavaddhana, 1- pannavuddhiya samvattantiti ayam pannavuddhi. (2) Pannavepullaya samvattantiti katamam pannavepullam, sattannanca sekkhanam puthujjanakalyanakassa ca panna vepullam gacchati, arahato panna vepullam gata, pannavepullaya samvattantiti idam pannavepullam. (3) Mahapannataya samvattantiti katama mahapanna, mahante atthe parigganhatiti mahapanna, mahante dhamme .pe. Mahanta niruttiyo, mahantani patibhanani 2- mahante silakkhandhe, mahante samadhipannavimuttivimuttinanadassanakkhandhe, mahantani thanatthanani, mahanta viharasamapattiyo, mahantani ariyasaccani, mahante satipatthane, sammappadhane, iddhipade, mahantani indriyani, mahantani balani, mahante bojjhange, mahantam ariyamaggam, 3- mahantani samannaphalani, mahanta 4- mahaabhinnayo, mahantam paramattham 5- nibbanam parigganhatiti mahapanna, mahapannataya samvattantiti ayam mahapanna. (4) Puthupannataya samvattantiti katama puthupanna, puthunanakkhandhesu nanam pavattatiti puthupanna. Puthunanadhatusu, puthunanaayatanesu, puthunanapaticcasamuppadesu, puthunanasunnatamanupalabbhesu, puthunanaatthesu, dhammesu, niruttisu, @Footnote: 1 Ma. vaddhati, vaddhitavaddhana 2 cha.Ma. patibhanani. evamuparipi @3 Si. mahantam ariyam atthangikam maggam, cha.Ma. mahante ariyamagge 4 cha.Ma. mahantati @patho na dissata 5 ka. paramattham

--------------------------------------------------------------------------------------------- page475.

Patibhanesu, puthunanasilakkhandhesu, samadhipannavimuttivimuttinanadassanakkhandhesu, puthunanathanatthanesu, puthunanaviharasamapattisu, puthunanaariyasaccesu, puthunanasatipatthanesu, sammappadhanesu, iddhipadesu, indriyesu, balesu, bojjhangesu, puthunanaariyamaggesu, puthunanasamannaphalesu, puthunanaabhinnasu nanam pavattatiti puthupanna. Puthunanajanasadharane 1- dhamme samatikkamma 2- paramatthe 3- nibbane nanam pavattatiti puthupanna. Puthupannataya samvattantiti ayam puthupanna. (5) Vipulapannataya samvattantiti katama vipulapanna, vipule atthe parigganhati vipulapanna .pe. Vipulam paramattham nibbanam parigganhati vipulapanna, vipulapannataya samvattantiti ayam vipulapanna. (6) Gambhirapannataya samvattantiti katama gambhirapanna, gambhiresu khandhesu nanam pavattatiti gambhirapanna. Puthupannasadiso vittharo. Gambhire paramatthe 3- nibbane nanam pavattatiti gambhirapanna, gambhirapannataya samvattantiti ayam gambhirapanna. (7) Assamantapannataya 4- samvattantiti katama assamantapanna, yassa puggalassa atthavavatthanato atthapatisambhida adhigata hoti sacchikata phassita pannaya. Dhammaniruttipatibhanavavatthanato patibhanapatisambhida adhigata hoti sacchikata phassita pannaya, tassa atthe ca dhamme ca niruttiya ca patibhane ca na anno koci sakkoti abhisambhavitum, anabhisambhavaniyo ca so annehiti assamantapanno. Puthujjanakalyanakassa panna atthamakassa pannaya dure vidure suvidure na santike na samanta, puthujjanakalyanakam upadaya atthamako assamantapanno. Atthamakassa panna sotapannassa pannaya dure .pe. Atthamakam upadaya sotapanno @Footnote: 1 Ma. puthujjanasadharane 2 Ma. atikkamma 3 ka. paramatthe @4 cha.Ma. asamanta...,tikayam pana asamantapannati patho dissati

--------------------------------------------------------------------------------------------- page476.

Assamantapanno. Sotapannassa panna sakadagamissa pannaya. Sakadagamissa pannaya. Anagamissa panna arahato pannaya. Arahato panna paccekabuddhassa pannaya dure vidure suvidure na santike na samanta, arahantam upadaya paccekabuddho assamantapanno. Paccekabuddhanca sadevakanca lokam upadaya tathagato araham sammasambuddho aggo assamantapanno. Pannappabhedakusalo pabhinnanano .pe. Te panhanca abhisankharitva 1- tathagatam upasankamitva pucchanti gulhani ca paticchannani ca, kathita vissajjita ca te panha ca bhagavato honti. 2- Nidditthakarana, upakkhittaka ca te bhagavato sampajjanti. Athakho bhagava 3- tattha atirocati yadidam pannayati aggo assamantapanno, assamantapannataya samvattantiti ayam assamantapanna. (8) Bhuripannataya samvattantiti katama bhuripanna, ragam abhibhuyyatiti bhuripanna, abhibhavitati bhuripanna. Dosam, moham, kodham, upanaham, makkham palasam, 4- issam, macchariyam, mayam, satheyyam, thambham, sarambham, manam, atimanam, madam, pamadam, sabbe kilese, sabbe duccarite, sabbe abhisankhare, .pe. 5- Sabbe bhavagamikamme abhibhuyyatiti bhuripanna, abhibhavitati bhuripanna. Rago ari, tam arim maddani pannati bhuripanna, abhibhavitati bhuripanna, 6- doso moho .pe. Sabbe bhavagamikamma ari, tam arim maddani pannati bhuripanna. Bhuri vuccati pathavi, taya pathavisamaya vitthataya vipulaya pannaya samannagatoti bhuripanno. Apica pannaya etam adhivacanam bhuri medha parinayikati, bhuripannataya samvattantiti ayam bhuripanna. (9) Pannabahullaya samvattantiti katamam pannabahullam, idhekacco pannagaruko hoti pannacarito pannasayo pannadhimutto pannadhajo pannaketu pannadhipateyyo @Footnote: 1 cha.Ma. panham abhisankharitva abhisankharitva 2 cha.Ma. panha bhagavata, pali....bhagavata @3 Si. bhagavava 4 ka. palasam 5 cha.Ma. .pe. na dissati, khu.pati. 31/670/579 (sya) @6 pali.,cha.Ma. abhibhavitati bhuripannati ime patha na dissanti, khu.pati. 31/670/579

--------------------------------------------------------------------------------------------- page477.

Vicayabahulo pavicayabahulo okkhayanabahulo sampekkhayanabahulo 1- sampekkhayanadhammo vibhutaviharitaccarito 2- taggaruko tabbahulo tanninno tappono tappabbharo tadadhimutto tadadhipateyyo, yatha ganagaruko vuccati ganabahullikoti, civaragaruko, pattagaruko, senasanagaruko vuccati senasanabahullikoti, evamevam idhekacco pannagaruko hoti pannacarito .pe. Tadadhipateyyo, pannabahullaya samvattantiti idam pannabahullam. (10) Sighapannataya samvattantiti katama sighapanna, sigham sigham silani paripuretiti sighapanna. Sigham sigham indriyasamvaram, bhojane mattannutam, jagariyanuyogam, silakkhandham, samadhipannavimuttivimuttinanadassanakkhandham paripuretiti sighapanna. Sigham sigham thanatthanani pativijjhatiti, 3- viharasamapattiyo paripuretiti, 4- ariyasaccani pativijjhatiti. Satipatthane bhavetiti. 5- Sammappadhane iddhipade indriyani balani bojjhange ariyamaggam bhavetiti sighapanna. Sigham sigham samannaphalani sacchikarotiti sighapanna. Sigham sigham abhinnayo pativijjhatiti sighapanna. Sigham sigham paramattham nibbanam sacchikarotiti sighapanna, sighapannataya samvattantiti ayam sighapanna. (11) Lahupannataya samvattantiti katama lahupanna, lahum lahum silani paripuretiti lahupanna .pe. Lahum lahum paramattham nibbanam sacchikarotiti lahupanna, lahupannataya samvattantiti ayam lahupanna. (12) Hasapannataya samvattantiti katama hasapanna, idhekacco hasabahulo vedabahulo tutthibahulo pamujjabahulo silani paripuretiti hasapanna .pe. Paramattham nibbanam sacchikarotiti hasapanna, hasapannataya samvattantiti ayam hasapanna. (13) @Footnote: 1 cha.Ma. samokkhayanabahulo 2 cha.Ma. vibhutavihari taccarito @3 cha.Ma. pativijjhati. evamuparipi 4 cha.Ma. paripureti 5 cha.Ma. bhaveti, @khu.pati. 31/672/580

--------------------------------------------------------------------------------------------- page478.

Javanapannataya samvattantiti katama javanapanna, yankinci rupam atitanagata- paccuppannam, ya kaci vedana, ya kaci sanna, ye keci sankhara, yankinci vinnanam atitanagatapaccuppannam ajjhattam va bahiddha va olarikam va sukhumam va hinam va panitam va yam dure santike va, sabbam vinnanam aniccato khippam javatiti javanapanna, dukkhato, anattato khippam javatiti javanapanna. Cakkhum .pe. Jaramaranam atitanagatapaccuppannam aniccato, dukkhato, anattato khippam javatiti javanapanna. Rupam atitanagatapaccuppannam aniccam khayatthena, dukkham bhayatthena, anatta asarakatthenati tulayitva tirayitva vibhavayitva vibhutam katva rupanirodhe nibbane khippam javatiti javanapanna .pe. Jaramarananirodhe nibbane khippam javatiti javanapanna. Rupam .pe. Jaramaranam atitanagatapaccuppannam 1- aniccam sankhatam paticcasamuppannam 1- khayadhammam vayadhammam viragadhammam nirodhadhammanti tulayitva tirayitva vibhavayitva vibhutam katva jaramarananirodhe nibbane khippam javatiti javanapanna, javanapannataya samvattantiti ayam javanapanna. (14) Tikkhapannataya samvattantiti katama tikkhapanna, khippam kilese chindatiti tikkhapanna. Uppannam kamavitakkam, byapadavitakkam, vihimsavitakkam, uppannuppanne papake akusale dhamme nadhivaseti pajahati vinodeti byantikaroti anabhavam gametiti tikkhapanna. Uppannam ragam, dosam, moham .pe. Sabbe bhavagamikamme nadhivaseti pajahati vinodeti byantikaroti anabhavam gametiti tikkhapanna. Ekamhi asane cattaro ca ariyamagga cattari ca samannaphalani catasso ca patisambhidayo cha ca 2- abhinnayo adhigata honti sacchikata phassita pannayati tikkhapanna, tikkhapannataya samvattantiti ayam tikkhapanna. (15) @Footnote: 1-1 cha.Ma. ime patha na dissanti, khu.pati. 31/675/584 (sya) 2 cha.Ma. ca-sadda na @dissanti

--------------------------------------------------------------------------------------------- page479.

Nibbedhikapannataya samvattantiti katama nibbedhikapanna, idhekacco sabbasankharesu ubbegabahulo hoti uttasabahulo ukkanthitabahulo 1- aratibahulo anabhiratibahulo bahimukho na ramati sabbasankharesu, anibbiddhapubbam appadalitapubbam lobhakkhandham nibbijjhati padaletiti nibbedhikapanna, anibbiddhapubbam appadalitapubbam dosakkhandham, mohakkhandham, kodham, upanaham .pe. Sabbe bhavagamikamme nibbijjhati padaletiti nibbedhikapanna, nibbedhikapannataya samvattantiti ayam nibbedhikapanna. (16) Evam patisambhidamagge vuttanayenevettha attho veditabbo. Kevalam hi tattha bahuvacanam, idha ekavacananti ayamettha 2- viseso. Sesam tadisamevati. Ima ca pana solasa mahapanna lokiyalokuttaramissakabhavena 3- kathita. Kayagatasativaggavannana nitthita. ----------------------- @Footnote: 1 cha.Ma. ukkanthanabahulo, khu.pati. 31/677/585 (sya) 2 cha.Ma. ayameva @3 cha.Ma....missakava

--------------------------------------------------------------------------------------------- page480.

20. Amatavaggavannana [600-611] Amatante bhikkhave paribhunjantiti te maranavirahitam nibbanam paribhunjantiti attho. Nanu ca nibbanam lokuttaram, kayagatasati lokiya, kathantam paribhunjanta amatam paribhunjantiti? tam bhavetva adhigantabbato. Kayagatam hi satim bhavento amatam adhigacchati, abhavento nadhigacchati. Tasma evam vuttam. Etenupayena sabbattha attho veditabbo. Apicettha viraddhanti viraddhitam 1- nadhigatam. Araddhanti 2- paripunnam. Pamadimsuti pamajjanti. Pamutthanti pammuttham 3- vissaritam nattham va. Asevitanti adito sevitam. Bhavitanti vaddhitam. Bahulikatanti punappunam katam. Anabhinnatanti nataabhinnaya ajanitam. Aparinnatanti nataaparinnavaseneva 4- aparinnatam. Asacchikatanti appaccakkhakatam. 5- Sacchikatanti paccakkhakatam. 5- Sesam sabbattha uttanatthamevati. Amatavaggavannana nitthita. Manorathapuraniya anguttaranikayatthakathaya sahassasuttantaparimanassa ekakanipatassa samvannana nitthita. ----------------- @Footnote: 1 cha.Ma. viradhitam 2 Ma. aviraddhanti 3 Si. pammutthanti pamuttham, @cha.Ma. pamutthanti sammuttham 4 cha.Ma. nataparinna 5-5 cha.Ma. sacchikatanti


             The Pali Atthakatha in Roman Book 14 page 469-480. http://84000.org/tipitaka/pitaka_item/read_rm.php?B=14&A=11212&modeTY=2&pagebreak=1              อรรถกถาบาลีอักษรไทย :- http://84000.org/tipitaka/pitaka_item/read_th.php?B=14&A=11212&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=20&i=207              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=1059              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=1027              The Pali Tipitaka in Roman Character :- http://84000.org/tipitaka/read/roman_read.php?B=20&A=1027              Contents of The Tipitaka Volume 20 http://84000.org/tipitaka/read/?index_20

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]