Atthakatha Book 26 : PALI ROMAN
U.A. (paramatthadi.)

page164.
Darakam bhagavantam bhikkhusamghanca vandapesi. Satta me vassaniti satta me
samvaccharani, accantasamyogavasena cetam upayogavacanam. Lohitakumbhiyam vutthaniti matu
kucchiyam attano gabbhavasadukkham sandhaya vadati. Annanipi evarupani satta
puttaniti "annepi evarupe satta putte"ti vattabbe lingavipallasavasena
vuttam "evarupani"ti. Evam satta vassani gabbhadharanavasena sattaham mulhagabbhataya
ca mahantam dukkham papetva uppajjanakaputteti attho. Etena matugamanam
puttalolataya puttalabhena titti natthiti dasseti.
    Etamattham viditvati etam sattadivasadhikani satta samvaccharani gabbhadharanadivasena
pavattam mahantam dukkham ekapade visaritva 1- puttalolatavasena taya
vuttamattham viditva. Imam udananti imam cittasukhappamatto viya pamattapuggale
itthakarena vancetva tanhasinehassa mahanatthakarabhavadipakam 2- udanam udanesi.
    Tattha asatanti amadhuram asundaram anittham. Satarupenati itthasabhavena.
Piyarupenati piyayitabbabhavena. Sukhassa rupenati sukhasabhavena. Idam vuttam hoti:-
yasma asatam appiyam dukkhameva samanam sakalampi vattagatam sankharajatam
appahinavipallasatta ayonisomanasikarena ittham viya piyam viya sukham viya ca hutva
upatthahamanam sativippavasena pamattapuggalam ativattati abhibhavati ajjhottharati,
tasma imampi suppavasam punapi sattakkhattum evarupam asatam appiyam dukkham
satadipatirupakena dukkhena puttasankhatapemavatthusukhena 3- ajjhottharatiti.
                       Atthamasuttavannana nitthita.
                        ----------------
@Footnote: 1 Si. viditva, Ma. ekantamadena vissaritva
@2 Si. pahanakaranubhavadipakam, ka. pahanatthakarabhavadipakam  3 ka.... pemavattadukkhena


             The Pali Atthakatha in Roman Book 26 page 164.
http://84000.org/tipitaka/pitaka_item/read_rm.php?B=26&A=3671&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=26&A=3671&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=25&i=59
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=1870
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=1875
             The Pali Tipitaka in Roman Character :-
http://84000.org/tipitaka/read/roman_read.php?B=25&A=1875
             Contents of The Tipitaka Volume 25
http://84000.org/tipitaka/read/?index_25