|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
85. 11. Sunikkhittavimanavannana uccamidam manithunam vimananti sunikkhittavimanam. Tassa ka uppatti? bhagava savatthiyam viharati jetavane. Tena samayena ayasma mahamoggallano hettha vuttanayeneva devacarikam caranto tavatimsabhavanam upagato. Tasmim ca khane annataro devaputto attano vimanadvare thito ayasmantam mahamoggallanam disva sanjata- garavabahumano upasankamitva pancapatitthitena vanditva anjalim paggayha atthasi. So kira atite kassapasammasambuddhe parinibbute tassa sariradhatuyo pakkhipitva yojanike kanakathupe ca kate catasso parisa kalena kalam 1- upasankamitva gandhapuppha- dhupadihi cetiye pujam karonti, tattha annataro upasako annesu pupphapujam katva gatesu tehi pujitatthane dunnikkhittani pupphani disva tattheva tani sammadeva thapento sannivesavasena 2- dassaniyam pasadikam vibhattivisesayuttam 3- pupphapujam akasi. Katva ca pana etam arammanam ganhanto satthu 4- gune anussaritva pasannacitto tam punnam hadaye thapesi. So aparabhage kalam katva tasseva kammassa anubhavena tavatimsabhavane dvadasajonike kanakavimane nibbatti, mahanubhavo maha cassa parivaro ahosi. Tam sandhaya vuttam "tasmim ca khane annataro devaputto .pe. Atthasi"ti. Atha nam ayasma mahamoggallano yathaladdhasampattikittanamukhena katasucaritam kammam imahi gathahi pucchi:- [1282] "uccamidam manithunam vimanam samantato dvadasa yojanani @Footnote: 1 i. kale kale 2 Si.,i. sannivesavisesena 3 Si. bhattivisesayuttam @4 Si. bhagavato satthu--------------------------------------------------------------------------------------------- page415.
Kutagara sattasata ulara veluriyathambha rucakatthata subha. [1283] Tatthacchasi pivasi khadasi ca dibba ca vina pavadanti vaggum dibba rasa kamagunettha panca nariyo ca naccanti suvannachanna. [1284] Kena te'tadiso vanno kena te idha mijjhati uppajjanti ca te bhoga ye keci manaso piya. [1285] Pucchami tam deva mahanubhava manussabhuto kimakasi punnam kenasi evanjalitanubhavo vanno ca te sabbadisa pabhasati"ti. Sopi tassa attano katakammam imahi gathahi kathesi. Tam dassenta sangitikara ahamsu:- [1286] "so devaputto attamano moggallanena pucchito panham puttho viyakasi yassa kammassidam phalam. [1287] Dunnikkhittam malam sunikkhipitva patitthapetva sugatassa thupe mahiddhiko camhi mahanubhavo dibbehi kamehi samangibhuto.--------------------------------------------------------------------------------------------- page416.
[1288] Tena me'tadiso vanno tena me idha mijjhati uppajjanti ca me bhoga ye keci manaso piya. [1289] Akkhami te bhikkhu mahanubhava manussabhuto yamaham akasim tenamhi evanjalitanubhavo vanno ca me sabbadisa pabhasati"ti. #[1287] Tattha dunnikkhittam malanti cetiye pujakaranatthane nirantaratthapanadina racanavisesena atthapetva yathanikkhittataya na sutthu nikkhittam, vatena va paharitva 1- dunnikkhittam puppham. Sunikkhipitvati sutthu nikkhipitva racanavisesena dassaniyam pasadikam katva nikkhipiya. Patitthapetvati vibhattivisesadivasena puppham patitthapetva, tam va puppham nikkhipanto satthu cetiyam uddissa mama santane kusaladhammam patitthapetvati evam ettha attho datthabbo. Sesam vuttanayameva. Evam devaputtena attano sucaritakamme pakasite thero tassa dhammam desetva agantva bhagavato tamattham nivedesi. Bhagava tam atthupattim katva sampattamahajanassa dhammam desesi, desana mahajanassa satthika ahositi. Sunikkhittavimanavannana nitthita. Iti paramatthadipaniya khuddakatthakathaya vimanavatthusmim ekadasavatthupatimanditassa sattamassa sunikkhittavaggassa atthavannana nitthita. Nitthita ca purisavimanavannana. ------------- @Footnote: 1 i. patiharitva--------------------------------------------------------------------------------------------- page417.
Nigamakatha ettavata ca:- devatanam vimanadi- sampattim tassa karanam pakasayanti sattanam sabbalokahitavaha. Appakanampi karanam ya vibhaveti desana ularaphalatam citta- khettasampattiyo gato. Yam kathavatthukusala suparinnatavatthuka vimanavatthu icceva sangayimsu mahesayo. Tassa attham pakasetum poranatthakathanayam sannissaya samaraddha atthasamvannana maya. Ya tattha paramatthanam tattha tattha yatharaham pakasana paramattha- dipani nama namato. Sampatta parinitthanam anakulavinicchaya sa sattarasamattaya paliya bhanavarato. Iti tam sankharontena 1- yam tam adhigatam maya punnam tassanubhavena lokanathassa sasanam. Ogahetva visuddhaya siladipatipattiya sabbepi dehino hontu vimuttirasabhagino. @Footnote: 1 Si. iti nam samkarontena--------------------------------------------------------------------------------------------- page418.
Ciram titthatu lokasmim sammasambuddhasasanam tasmim sagarava niccam hontu sabbepi panino. Samma vassatu kalena devopi jagatipati saddhammanirato lokam dhammeneva pasasatuti. --------------- Iti badaratitthaviharavasina acariyadhammapalena kataya paramatthadipaniya khuddakatthakathaya vimanavatthuatthavannana nitthita. Vimanavatthuatthakatha samatta.The Pali Atthakatha in Roman Book 30 page 414-418. http://84000.org/tipitaka/pitaka_item/read_rm.php?B=30&A=8726&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=30&A=8726&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=85 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2940 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=3131 The Pali Tipitaka in Roman Character :- http://84000.org/tipitaka/read/roman_read.php?B=26&A=3131 Contents of The Tipitaka Volume 26 http://84000.org/tipitaka/read/?index_26
         |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]