AtthaPali Vol.32

page517.

Taham cittakalim brumiti tam tasma pamattabhavato cittakalim cittakalakannim aham kathayami. Punapi tam brumi kathemi cittadubbhakam cittasankhatassa attano bahukarassa ^1- santanassa anatthavahanato cittadubbhim. "cittadubbhaga"tipi pathanti. Cittasankhataalakkhika appapunnati attho. Kinti bruhiti ce? aha "sattha te Dullabho laddho, manatthe mam niyojayi"ti. Kappanam asankheyyampi nama buddha- sunno loko hoti, satthari uppannepi manussattasaddhapatilabhadayo ^2- dullabhaeva, laddhesu ca tesu satthapi aladdhoyeva ^3- hoti. Evam dullabho sattha idani taya laddho, tasmim laddhe sampatipi anatthe ahite ayatim ca anatthavahe dukkhavahe akusale mam ma niyojesiti. Evam thero attano cittam ovadantoeva vipassanam vaddhetva arahattam papuni. Tena vuttam apadane ^4- :- "padumo nama sambuddho cittakute vasi tada disvana tam aham buddham sayambhum aparajitam. ^5- Ankolam pupphitam disva ocinitvanaham tada upagantvana sambuddham pujesim padumam jinam. ^6- Ekatimse ito kappe ^7- yam kammamakarim tada ^8- duggatim nabhijanami buddhapujayidam phalam. Kilesa jhapita mayham .pe. katam buddhassa sasanan"ti. Anupamattheragathavannana nitthita. --------------- @Footnote: ¹ cha.Ma. bahupakarassa ² Si., i. manussattalabhapatilabhadayo ³ cha.Ma. dullabhoyeva @⁴ khu.apa. 32/16/399 ankolapupphiyattherapadana ⁵ pali. upaganchaham @⁶ Si. pujayim padumanayakam, cha.Ma. pujayim padumam jinam ⁷ Si. sattatimsamhi kappamhi @⁸ cha.Ma. yam pupphamabhipujayim

The Pali Atthakatha in Roman Book 32 page 517. http://84000.org/tipitaka/pitaka_item/read_rm.php?B=32&A=11568&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=11568&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=304 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6024 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6154 The Pali Tipitaka in Roman Character :- http://84000.org/tipitaka/read/roman_read.php?B=26&A=6154 Contents of The Tipitaka Volume 26 http://84000.org/tipitaka/read/?index_26