AtthaPali Vol.32

141. 4. Khitakattheragathavannana lahuko vata me kayoti ayasmato khitakattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto padumuttarassa bhagavato kale yakkhasenapati hutva nibbatto ekadivasam yakkhasamagame nisinno sattharam annatarasmim rukkhamule nisinnam disva upasankamitva sattharam vanditva ekamantam nisidi. Tassa sattha dhammam desesi. So dhammam sutva ularam pitisomanassam pavedento apphotento ^4- utthahitva sattharam vanditva padakkhinam katva pakkami. So tena punnakammena devamanussesu samsaranto imasmim buddhuppade savatthiyam brahmanakule nibbatti, khitakotissa namam ahosi. So vinnutam patto mahamoggallanattherassa mahiddhikabhavam sutva "iddhima bhavissami"ti pubbahetuna codiyamano pabbajitva bhagavato santike kammatthanam gahetva samathavipassanasu ^5- @Footnote: ¹ cha.Ma. pinito ² khu.dhamMa. 25/354/78 sakkadevarajavatthu @³ Si. visassa rasena ⁴ Si. apphothento ⁵ Ma. vipassanaya

--------------------------------------------------------------------------------------------- page326.

Kammam karonto na cirasseva chalabhinno ahosi. Tena vuttam apadane ^1- :- "padumo nama ^2- namena dipadindo narasabho pavana abhinikkhamma dhammam deseti cakkhuma. Yakkhanam samayo asi avidure mahesino yena kiccena sampatta ajjhapekkhimsu tavade. Buddhassa giramannaya amatassa ca desanam pasannacitto sumano apphotetva upatthahim. Sucinnassa phalam passa upatthanassa satthuno timsakappasahassesu duggatim nupapajjaham. Unatimse ^3- kappasate samalankatanamako sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva savisesam iddhisu vasibhavena anekavihitam iddhividham paccanubhonto iddhipatihariyena anusasanipatihariyena ca sattanam anuggaham karonto viharati. So bhikkhuhi "katham tvam avuso iddhi valanjesi"ti puttho tamattham acikkhanto:- [104] "lahuko vata me kayo phuttho ca pitisukhena vipulena tulamiva eritam malutena pilavativa me kayo"ti gatham abhasi. "udanavasena"ti vadantiyeva. @Footnote: ¹ khu.apa. 32/1/248 suparicariyattherapadana ² Si. padumuttaro nama ³ Si. unavise

--------------------------------------------------------------------------------------------- page327.

Tattha lahuko vata me kayoti nivaranadivikkhambhanena cuddasavidhena citta- paridamanena ^1- caturiddhipadakabhavanaya sutthu cinnavasibhavena ca me rupakayo sallahuko vata, yena addham ^2- mahabhutapaccayampi nama imam karajakayam cittavasena parinamemiti ^3- adhippayo. Phuttho ca pitisukhena vipulenati sabbatthakameva pharantena mahata ularena pitisahitena sukhena phuttho ca me kayoti yojana. Idanca yatha kayo lahuko ahosi, tam dassanattham vuttam. Sukhasannokkamanena hi saddhimyeva lahusannokkamanam hoti. Sukhassa pharanancettha tamsamutthanarupavasena datthabbam. Katham pana catutthajjhana- samangino pitisukhapharanam, samatikkantapitisukham hi tanti ce? saccametam, ^4- idam pana na catutthajjhanakkhanavasena vuttam, atha kho pubbabhagavasena. "pitisukhena"ti pana pitisahitasadisena sukhena, upekkha hi idha santasabhavataya nanavisesayogato ca sukhanti adhippetam. Tatha hi vuttam "sukhasannanca lahusannanca okkamati"ti. ^5- Padakajjhanarammanena rupakayarammanena va iddhicittena sahajatam sukhasannanca lahusannanca okkamati pavisati phusati sampapunatiti ayampi tattha attho. Tatha caha atthakathayam ^6- "sukhasanna nama upekkhasampayutta sanna. Upekkha hi santam sukhanti vuttam, sayeva sanna nivaranehi ceva vitakkadipaccanikehi ca vimuttatta lahusannatipi veditabba. Tam okkantassa panassa karajakayopi tulapicu viya sallahuko hoti. So evam vatakkhittatulapicuna viya sallahukena dissamanena ^7- kayena brahmalokam gacchati"ti. Tenaha "tulamiva eritam malutena, pilavativa me kayo"ti. Tassattho:- yadaham brahmalokam annam va iddhiya gantukamo homi, tada malutena vayuna eritam cittam tulapicu viya akasam langhantoyeva me kayo hotiti. Khitakattheragathavannana nitthita. @Footnote: ¹ Ma. cittaparidamena ² Si. aham, cha.Ma. dandham ³ Ma. parinametiti @⁴ Si. tanti sammatam ⁵ khu.patisam. 31/253/163 [thokam visadisam] @⁶ patisam-ttha. 2/273-pitthe ⁷ Ma. adissamanena ca

The Pali Atthakatha in Roman Book 32 page 325-327. http://84000.org/tipitaka/pitaka_item/read_rm.php?B=32&A=7235&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=7235&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=241 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5576 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5760 The Pali Tipitaka in Roman Character :- http://84000.org/tipitaka/read/roman_read.php?B=26&A=5760 Contents of The Tipitaka Volume 26 http://84000.org/tipitaka/read/?index_26