ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 49 : PALI ROMAN Apa.A.1 (visuddha.1)

page333.

[445] Yava yattakam kalam jino nuppajjati, tava tattakam kalam buddhoti vacanam natthiti attho. [446] Accayena ahorattanti aho ca ratti ca ahorattam, bahunam samvaccharanam atikkamenati attho. Sesam suvinneyyameva. [454] Mantaniputtoti mantaninamaya kappakadhituya putto, masapunnataya divasapunnataya punnoti laddhanamoti attho. Tassa satthussa savako hessati bhavissatiti sambandho. [455] Evam kittayi so buddhoti 1- so padumuttaro bhagava evam imina pakarena sunandam sundarakarena somanassadayakam kittayi byakaranamadasiti attho. Sabbam janam sakalajanasamuham sadhukam hasayanto somanassam karonto sakam balam attano balam dassayanto pakatam karontoti sambandho. [456] Tato anantaram attano anubhavam annapadesena dassento katanjalitiadimaha. Tada tasmim buddhuppadato purimakale sunandam tapasam katanjaliputa sabbe jana namassantiti sambandho. Buddhe karam karitvanati evam so sabbajanapujitopi samano "pujitomhi"ti manam akatva buddhasasane adhikam kiccam katva attano gatim jatim sodhesi parisuddhamakasiti attho. [457] Sutvana munino vacanti tassa sammasambuddhassa vacam, gathabandhasukhattham akarassa rassam katva "vacan"ti vuttam. "anagatamhi addhane gotamo nama namena sattha loke bhavissati"ti imam munino vacanam sutva yatha yena pakarena gotamam bhagavantam passami, tatha tena pakarena karam adhikakiccam punnasambharam kassami 2- karissamiti me mayham sankappo cetanamanasikaro ahu ahositi sambandho. [458] Evaham cintayitvanati "aham karam karissami"ti evam cintetva. Kiriyam cintayim mamati "maya kidisam punnam kattabbam nu kho"ti kiriyam @Footnote: 1 pali. evam kittayi sambuddho. 2 pali. karissami.

--------------------------------------------------------------------------------------------- page334.

Kattabbakiccam cintayinti attho. Kyaham kammam acaramiti aham kidisam punnakammam acarami puremi nu khoti attho. Punnakkhette anuttareti uttaravirahite sakalapunnassa bhajanabhute ratanattayeti attho. [459] Ayanca pathiko bhikkhuti ayam bhikkhu sarabhannavasena ganthapathapathanato vacanato "pathiko"ti laddhanamo bhikkhu. Buddhasasane sabbesam pathinam pathakavacakanam antare vinaye ca agganikkhitto aggo iti thapito, tam thanam tena bhikkhuna 1- pattatthanantaram aham patthaye patthemiti attho. 1- [460] Tato param attano punnakaranupayam dassento idam me amitam bhogantiadimaha. Me mayham amitam pamanavirahitam bhogarasim akkhobham khobhetum asakkuneyyam sagarupamam sagarasadisam tena bhogena tadisena dhanena buddhassa aramam mapayeti sambandho. Sesam uttanatthameva. [474] Bhikkhusamghe nisiditva sambuddho tena sutthu mapitam karitam samgharamam patiggahetva tassaramassanisamsadipakam idam vacanam abravi kathesiti sambandho. [475] Katham? yo soti yo samgharamadayako tapaso sumapitam Kutilenamandapapasadahammiyapakaradina sutthu sajjitam samgharamam buddhassa 2- padasi pakarena somanassasampayuttacittena adasi. Tamaham kittayissamiti tam tapasam aham pakatam karissami, uttanim karissamiti attho. Sunatha mama bhasatoti bhasantassa mayham vacanam sunatha, ohitasota avikkhittacitta manasi karothati attho. [476] Tena dinnaramassa phalam dassento hatthi assa ratha pattitiadimaha. Tam suvinneyyameva. [477] Samgharamassidam phalanti idam ayatim anubhavitabbasampattisankhatam itthaphalam samgharamadanassa phalam vipakanti attho. @Footnote: 1-1 Si. patitthitam thanantaram aham patthayim patthesinti attho. 2 Si., i., Ma. @samghassa

--------------------------------------------------------------------------------------------- page335.

[478] Chalasitisahassaniti chasahassani asitisahassani samalankata sutthu alankata sajjita nariyo itthiyo vicittavatthabharanati vicittehi anekarupehi vatthehi abharanehi ca samannagata. Amuttamanikundalati olambitamuttaharamanikancitakannati attho. [479] Tasam itthinam rupasobhatisayam vannento alarapamhatiadimaha. Tattha alarani mahantani akkhini manigulasadisani yasam itthinam ta alarapamha bhamaranamiva mandalocanati attho. Hasula hasapakati, lilavilasati attho. Susannati sundarasannitabbasariravayava. Tanumajjhimati khuddakaudarapadesa. Sesam uttanameva. [484] Tassa dhammesu dayadoti tassa gotamassa bhagavato dhammesu dayado dhammakotthasabhagi. Orasoti urasi jato, sithiladhanitadi- dasavidhabyanjanabuddhisampannam kanthataluotthadipancatthane ghattetva desitadhammam sutva sotapattimaggadimaggapatipatiya sabbakilese khepetva arahatte thitabhavena urasi jataputtoti attho. Dhammanimmitoti dhammena samena adandena asatthena nimmito pakato bhavissasiti attho. Upali nama namenati kincapi so matu namena mantaniputtanamo, anuruddhadihi pana saha gantva pabbajitatta khattiyanam upasamipe allino yutto kayacittehi samangibhutoti upaliti namena satthu savako hessati bhavissatiti attho. [485] Vinaye paramim patvati vinayapitake kotim pariyosanam patva papunitva. Thanatthane ca kovidoti karanakarane ca dakkho chekoti attho. Jinasasanam dharentoti jinena vuttanusasanim jinassa pitakattayam vacanasavanacintanadharanadivasena dharento, sallakkhentoti attho. Viharissatinasavoti nikkileso catuhi iriyapathehi aparipatantam attabhavam harissati pavattessatiti attho.

--------------------------------------------------------------------------------------------- page336.

[487] Aparimeyyupadayati anekasatasahasse adim katva. Patthemi tava sasananti "gotamassa bhagavato sasane vinayadharanam aggo bhaveyyan"ti tuyham sasanam patthemi icchamiti attho. So me atthoti so etadaggat- thanantarasankhato attho me maya anuppattoti attho. Sabbasamyojanakkhayoti sabbesam samyojananam khayo maya anuppattoti sambandho, nibbanam adhigatanti attho. [488] Rajadandena tajjito pilito sulavuto sule avuto avunito poso puriso sule satam madhurasukham avindanto nanubhavanto parimuttimva parimocanameva icchati yathati sambandho. [489-90] Mahavira viranamantare viruttama aham bhavadandena jatidandena tajjito pilito kammasulavuto kusalakusalakammasulasmim avuto santo samvijjamano pipasavedanaya pipasaturabhavena attito abhibhuto dukkhapito bhave satam samsare sukham na vindami na labhami. Ragaggidosaggi- mohaggisankhatehi, narakaggikapputthanaggidukkhaggisankhatehi va tihi aggihi dayhanto parimuttim parimuccanupayam gavesami pariyesami tathevati sambandho. Yatha rajadandam ito gato patto parimuttim gavesati, tatha aham bhavadandappatto parimuttim gavesamiti sambandho. [491-2] Puna samsarato mocanam upamopameyyavasena dassento yatha visadotiadimaha. Tattha visena sappavisena a samantato damsiyittha dattho hotiti visado, sappadatthoti attho. Atha va visam halahalavisam adati gilatiti visado, visakhadakoti attho. Yo puriso visado, tena tadisena visena paripilito, tassa visassa vighataya vinasaya upayanam upayabhutam agadam osadham gaveseyya pariyeseyya, tam gavesamano visaghatakam visanasakam agadam osadham passeyya dakkheyya. So tam attano dittham osadham pivitva visamha visato parimutatiya parimocanakarana sukhi assa bhaveyya yathati sambandho.

--------------------------------------------------------------------------------------------- page337.

[493] Tathevahanti yatha yena pakarena so naro visahato, savisena sappena dattho visakhadako va osadham pivitva sukhi bhaveyya, tatheva tena pakarena aham avijjaya mohena sam sutthu pilito. Saddhammagadamesahanti aham saddhammasankhatam osadham esam pariyesantoti attho. [494-5] Dhammagadam gavesantoti samsaradukkhavisassa vinasaya dhammosadham gavesanto. Addakkhim sakyasasananti sakyavamsapabhavassa gotamassa sasanam addakkhinti attho. Aggam sabbosadhanam tanti 1- sabbesam osadhanam antare tam sakyasasanasankhatam dhammosadham aggam uttamanti attho. Sabbasallavinodananti ragasalladinam sabbesam sallanam vinodanam vupasamakaram dhammosadham 2- dhammasankhatam osadham pivitva sabbam visam sakalasamsaradukkhavisam samuhanim nasesinti sambandho. Ajaramaranti tam dukkhavisam samuhanitva ajaram jaravirahitam amaram maranavirahitam sitibhavam ragaparilahadivirahitatta sitalabhutam nibbanam aham phassayim paccakkhamakasinti sambandho. [496] Puna kilesatassa upamam dassento yatha bhutattitotiadimaha. Tattha yatha yena pakarena bhutattito bhutena yakkhena attito pilito poso puriso bhutaggahena yakkhaggahena pilito dukkhito bhutasma yakkhaggahato parimuttiya mocanatthaya bhutavejjam gaveseyya. [497] Tam gavesamano ca bhutavijjaya sutthu kovidam chekam bhutavejjam passeyya, so bhutavejjo tassa yakkhaggahitassa purisassa avesabhutam vihane vinaseyya, samulanca mulena saha ayatim anasevakam katva vinasaye viddhamseyyati sambandho. [498] Mahavira viruttama tamaggahena kilesandhakaraggahena pilito aham tatheva tena pakareneva tamato kilesandhakarato parimuttiya mocanatthaya nanalokam pannaalokam gavesamiti sambandho. @Footnote: 1 pali. aggasabbosathanantam. 2 pali. dhammosatham.

--------------------------------------------------------------------------------------------- page338.

[499] Atha tadanantaram kilesatamasodhanam kilesandhakaranasakam sakyamunim addasanti attho. So sakyamuni me mayham tamam andhakaram kilesatimiram bhutavejjova bhutakam yakkhaggahitam iva vinodesi duri akasiti sambandho. [500] So aham evam vimutto samsarasotam samsarapavaham sam sutthu chindim chedesim, tanhasotam tanhamahogham nivarayim niravasesam appavattim akasinti attho. Bhavam ugghatayim sabbanti kamabhavadikam sabbam navabhavam ugghatayim vinasesinti attho. Mulato vinasento bhutavejjo iva mulato ugghatayinti sambandho, [501] Tato nibbanapariyesanaya upamam dassento yathatiadimaha. Tattha garum bhariyam nagam gilatiti garulo. Garum va nagam lati adadatiti garulo, garularaja. Attano bhakkham sakagocaram pannagam pakarena parahattham na gacchatiti pannagoti laddhanamam nagam gahanatthaya opatati avapatati samanta samantato yojanasatam satayojanappamanam mahasaram mahasamuddam attano pakkhavatehi vikkhobheti aloleti yathati sambandho. [502] So supanno vihangamo vehasagamanasilo pannagam nagam gahetva adhosisam olambetva vihethayam tattha tattha vividhena hethanena hethento adaya dalham gahetva yena kamam yattha gantukamo, tattha pakkamati gacchatiti sambandho. [503] Bhante mahavira yatha garulo bali balava pannagam gahetva pakkamati, tatha eva aham asankhatam paccayehi akatam nibbanam gavesanto patipattipuranavasena pariyesanto dose sakaladiyaddhakilesasahasse vikkhalayim visesena samucchedappahanena sodhesim ahanti sambandho. [504] Yatha garulo pannagam gahetva bhunjitva viharati. Tatha aham dhammavaram uttamadhammam dittho passanto etam santipadam nibbanapadam anuttaram uttaravirahitam maggaphalehi adaya gahetva valanjetva viharamiti sambandho.

--------------------------------------------------------------------------------------------- page339.

[505] Idani nibbanassa dullabhabhavam dassento asavati nama latatiadimaha. Tattha sabbesam devanam asa iccha etissam latayam atthiti asavati nama lata cittalatavane anekavicittahi latahi gahanibhute vane uyyane jata nibbattati attho. Tassa lataya vassasahassena vassasahassaccayena ekam phalam nibbattate ekam phalam ganhati. [506] Tam devati tam asavatim latam tava duraphalam 1- tattakam cirakalam atikkamitva phalam ganhantam samvijjamanam deva tavatimsadevata payirupasanti bhajanti sa asavati nama latuttama latanam antare uttamalata evam devanam piya ahositi sambandho. [507] Satasahassupadayati satasahassasamvaccharam adim katva. Taham paricare muniti monam vuccati nanam, bhante muni nanavanta sabbannu aham tam bhagavantam paricare payirupasami. Sayam patam namassamiti sayanhasamayanca pubbanhasamayancati dvikkhattum namassami panamam karomi. Yatha deva tavatimsa deva viya asavatilatam sayam patanca payirupasantiti sambandho. [508] Avanjha paricariyati yasma buddhadassanahetu nibbanappatti ahosi, tasma buddhaparicariya vattapatipattikiriya avanjha atuccha namassana panamakiriya ca amogha atuccha. Tatha hi duragatam durato samsaraddhanato agatampi santam samvijjamanam khanoyam ayam buddhuppadakkhano na viradhayi natikkami, mam atikkamitva na gatoti attho. [509] Buddhadassanahetu nibbanappatto aham ayatim uppajjanakabhave mama patisandhim vicinanto upaparikkhanto na passamiti sambandho. Nirupadhi khandhupadhikilesupadhihi virahito vippamutto sabbakilesehi vinabhuto upasanto kilesaparilahabhavena santamanaso carami ahanti sambandho. [510] Puna attano buddhadassanaya upamam dassento yathapi padumam namatiadimaha. Suriyaramsena suriyaramsisamphassena yatha padumam nama api @Footnote: 1 pali. tavaduraphale.

--------------------------------------------------------------------------------------------- page340.

Pupphati vikasati mahavira viruttama aham tatha eva buddharamsena buddhena bhagavata desitadhammaramsippabhavena pupphitoti attho. [511-12] Puna buddhadassanena nibbanadassanam dipento yatha balakatiadimaha. Tattha balakayonimhi balakajatiyam sada sabbasmim kale puma puriso yatha na vijjati. Pume avijjamane katham balakanam gabbhaggahanam hotiti ce? meghesu gajjamanesu saddam karontesu meghagajjanam sutva ta balakiniyo sada sabbakale gabbham ganhanti andam dharentiti attho. Yava yattakam kalam megho na gajjati megho saddam na karoti, tava tattakam kalam ciram cirakalena gabbham andam dharenti. Yada yasmim kale megho pavassati pakarena gajjitva vassati vutthidharam paggharati, tada tasmim kale bharato gabbhadharanato parimuccanti andam patentiti attho. [513] Tato param upameyyasampadam dassento padumuttarabuddhassatiadimaha. Padumuttarassa buddhassa dhammameghena voharaparamatthadesanasankhatameghena gajjato gajjantassa desentassa dhammameghassa saddena ghosanusarena aham tada dhammagabbham vivattupanissayam danasiladipunnasambharagabbham aganhim gahesim tathati sambandho. [514] Satasahassupadaya kappasatasahassam adim katva punnagabbham danasiladipunnasambharam aham dharemi puremi. Yava dhammamegho dhammadesana na gajjati buddhena na desiyati, tava aham bharato samsaragabbhabharato nappamuccami na mocemi na visum bhavamiti sambandho. [515] Bhante sakyamuni sakyavamsappabhava yada yasmim kale suddhodanamaharajassa tava pitu ramme ramaniye kapilavatthave kapilavatthunamake nagare tuvam dhammameghena gajjati ghoseti, tada tasmim kale aham bharato samsaragabbhabharato parimuccim mutto ahosinti sambandho.

--------------------------------------------------------------------------------------------- page341.

[516] Tato param attana adhigate maggaphale dassento sunnatantiadimaha. Tattha attaattaniyadinam abhavato sunnatam vimokkhanca ragadosamohasabbakilesanimittanam abhavato animittam vimokkhanca tanhapanidhissa abhavato appanihitam vimokkhanca ariyamaggam adhiganchim bhavesinti sambandho. Caturo ca phale sabbeti cattari samannaphalani sabbani sacchi akasinti attho. Dhammevam vijatayim ahanti 1- aham evam sabbadhamme jatam gahanam vijatayim viddhamsesinti attho. Dutiyabhanavaravannana nitthita. 2- [517] Tato param attana adhigatavisesameva dassento aparimeyyupadayati- adimaha. Tattha na parimeyyoti aparimeyyo, samvaccharagananavasena pametum sankhatum asakkuneyyoti attho. Tam aparimeyyam kappam upadaya adim katva tava sasanam tuyham sasanam "anagate gotamassa bhagavato sasane vinayadharanam aggo bhaveyyan"ti evam patthemi. Atitatthe vattamanavacanam, patthesinti attho. So me atthoti so patthanasankhato attho me maya anuppatto nipphaditoti attho. Anuttaram santipadam nibbanam anuppattam adhigatanti sanbandho. [518] So aham adhigatatta 3- vinaye vinayapitake paramim patto pariyosanappatto. Yathapi pathiko isiti yatha padumuttarassa bhagavato sasane vinayadharanam aggo isi bhikkhu pathiko pakato ahosi, tathevahanti attho. Na me samasamo atthiti vinayadharitaya me maya samasamo samano anno na atthiti attho. Sasanam ovadanusasanisankhatam sasanam dharemi puremiti attho. [519] Punapi attano visesam dassento vinaye khandhake capitiadimaha. Tattha vinayeti ubhatovibhange. Khandhaketi mahavaggaculavagge. Tikacchede cati tikasamghadisesatikapacittiyadike ca. Pancameti parivare ca. Ettha etasmim sakale vinayapitake mayham vimati dvelhakam natthi na samvijjati. Akkhareti @Footnote: 1 pali. dhammam vijati tampiham. 2 cha.Ma. samatta. 3 i., Ma. adhigatatto.

--------------------------------------------------------------------------------------------- page342.

Vinayapitakapariyapanne akaradike akkhare. Byanjaneti kakaradike byanjane va me vimati samsayo natthiti sambandho. [520] Niggahe patikamme cati papabhikkhunam niggahe ca sapattikanam bhikkhunam parivasadanadike patikamme ca thanatthane 1- ca karane ca akarane ca kovido chekoti attho. Osarane ca tajjaniyadikammassa patippassaddhivasena osarane pavesane ca. Vutthapane ca apattito vutthapane nirapattikarane ca chekoti sambandho. Sabbattha paramim gatoti sabbasmim vinayakamme pariyosanam patto, dakkho chekoti attho. [521] Vinaye khandhake capiti vuttappakare vinaye ca khandhake ca padam suttapadam 2- nikkhipitva patthapetva. Ubhato vinivethetvati vinayato khandhakato cati ubhayato nibbattetva vijatetva nayam aharitva. Rasatoti kicacato. Osareyyam osaranam karomiti attho. [522] Niruttiya ca kusaloti "rukkho pato kumbho mala cittan"tiadisu voharesu cheko. Atthanatthe ca kovidoti atthe vaddhiyam anatthe haniyam ca kovido dakkhoti attho. Anannatam maya natthiti vinayapitake sakale va pitakattaye maya anannatam aviditam apakatam kinci natthiti attho. Ekaggo satthu sasaneti buddhasasane ahameva eko vinayadharanam aggo settho uttamoti attho. [523] Rupadakkhe aham ajjati ajja etarahi kale sakyaputtassa bhagavato sasane pavacane aham rupadakkhe rupadassane vinayavinicchayadassane sabbam kankham sakalam samsayam vinodemi vinasemiti sambandho. Chindami sabbasamsayanti "ahosim nu kho ahamatitamaddhanan"tiadikam 3- kalattayam arabbha uppannam sabbam solasavidham kankham chindami vupasamemi sabbaso viddhamsemiti attho. [524] Padam anupadancapiti padam pubbapadanca anupadam parapadanca akkharam ekekamakkharanca byanjanam sithiladhanitadidasavidham byanjanavidhananca. @Footnote: 1 pali. thanathane. 2 Si., i. yuttapadam. @3 Ma. mu. 12/18/11, sam.ni. 16/20/26, khu. maha. 29/810/509 (sya.).

--------------------------------------------------------------------------------------------- page343.

Nidaneti tena samayenatiadike nidane ca. Pariyosaneti nigamane. Sabbattha kovidoti sabbesu chasu thanesu chekoti attho. [525] Tato param bhagavatoyeva gune pakasento yathapi raja balavatiadimaha. Tattha yatha balava thamabalasampanno senabalasampanno va raja param paresam patirajunam senam nigganhitva nissesato gahetva palapetva va tape tapeyya santapeyya dukkhapeyya. Vijinitvana sangamanti sangamam parasenaya samagamam yuddham vijinitva visesena jinitva jayam patva. Nagaram tattha mapayeti tattha tasmim vijitatthane nagaram pasadahammiyadivibhusitam vasanatthanam mapaye karapeyyati attho. [526] Pakaram parikhancapiti tattha mapitanagare pakaram sudhadhavalaittha- kamayapakaranca karayeti sambandho. Parikhancapi kaddamaparikham udakaparikham sukkhaparikhanca api karaye. Esikam dvarakotthakanti nagarasobhanattham ussapita- esikathambhanca mahantam kotthakanca catubhumakadidvarakotthakanca karaye. Attalake ca vividheti catubhumakadibhede atiuccaattalake ca vividhe nanappakarake bahu karaye karapeyyati sambandho. [527] Singhatakam caccarancati 1- na kevalam pakaradayo karaye, singhatakam catumaggasandhinca caccaram antaravithim ca karayeti sambandho. Suvibhattantarapananti sutthu vibhattam vibhagato kotthasavantam antarapanam anekapanasahassam karapeyyati attho. Karayeyya 2- sabham tatthati tasmim mapitanagare sabham dhammadhikaranasalam karaye. Atthanatthavinicchayam vaddhinca avaddhinca 3- vinicchayakaranattham vinicchayasalam karayeti sambandho. [528] Nigghatattham amittananti patirajunam patibahanattham. Chiddachiddanca janitunti dosanca adosanca janitum. Balakayassa rakkhayati hatthiassarathapattisankhatassa balakayassa senasamuhassa arakkhanatthaya so @Footnote: 1 pali. paccuranca. 2 pali. karapeyYu. 3 Si. vajjan ca avajjanca.

--------------------------------------------------------------------------------------------- page344.

Nagarasamiko raja senapaccam senapatim senanayakam mahamattam thapeti thanantare patitthapetiti attho. [529] Arakkhatthaya bhandassati jataruparajatamuttamaniadirajabhandassa arakkhanatthaya samantato gopanatthaya me mayham bhandam ma vinassiti nidhanakusalam rakkhane kusalam chekam naram purisam bhandarakkham bhandarakkhantam so raja bhandagare thapetiti sambandho. [530] Mamatto hoti yo rannoti 1- yo pandito ranno mamatto mamako pakkhapato hoti. Vuddhim 2- yassa ca icchatiti assa ranno vuddhim ca virulhim yo icchati kameti, tassa itthambhutassa raja adhikaranam vinicchayadhipaccam deti mittassa mittabhavassapatipajjitunti sambandho. [531] Uppatesuti ukkapatadisadahadiuppatesu ca. Nimittesuti musikacchinnadisu "idam nimittam subham, idam nimittam asubhan"ti evam nimittajananasatthesu ca. Lakkhanesu cati itthipurisanam hatthapadalakkhanajananasatthesu ca kovidam chekam ajjhayakam anekesam sissanam byakaranavacakam mantadharam vedattayasankhatamantadharakam panditam so raja porohicce purohitatthanantare thapetiti sambandho. [532] Etehangehi sampannoti etehi vuttappakarehi angehi avayavehi sampanno samangibhuto so raja "khattiyo"ti pavucacati kathiyatiti sambandho. Sada rakkhanti rajananti ete senapaccadayo amacca sada sabbakalam tam rajanam rakkhanti gopenti. Kimiva? cakkavakova dukkhitam dukkhappattam sakanatim rakkhanto cakkavako pakkhi ivati attho. [533] Tatheva tavam mahavirati viruttama yatha so raja senapaccadiangasampanno nagaradvaram thaketva pativasati, tatheva tuvam hatamittova 3- nihatapaccatthiko khattiyo iva sadevakassa lokassa saha devehi pavattamanassa @Footnote: 1 pali. samaggo hoti so ranno. 2 ka. vuddhim. 3 cha.Ma. hatamitto.

--------------------------------------------------------------------------------------------- page345.

Lokassa dhammaraja dhammena samena raja dasaparamitadhammaparipuranena rajabhutatta "dhammaraja"ti pavuccati kathiyatiti sambandho. [534] Titthiye niharitvanati dhammarajabhavena patipakkhabhute sakalatitthiye niharitva nissesena haritva nibbisevanam katva sasenakam marancapi senaya saha vasavattimarampi niharitva. Tamandhakaram vidhamitvati tamasankhatam mohandhakaram vidhamitva viddhamsetva. Dhammanagaram sattatimsabodhipakkhiya- dhammasankhatam, khandhayatanadhatupaticcasamuppadabalabojjhangagambhiranayasamantapatthana- dhammasankhatam va nagaram amapayi nimmini patitthapesiti attho. [535] Silam pakarikam 1- tatthati tasmim patitthapite dhammanagare catuparisuddhisilam pakaram. Nanam te dvarakotthakanti te tuyham sabbannutannana- asayanusayananaanagatamsananaatitamsananadikameva nanam dvarakotthakanti attho. Saddha te esika virati bhante asithilaparakkama te tuyham dipankapadamulato pabhuti sabbannutannanakarana saddahanasaddha ussapitaalankaraalankatathambhoti attho. Dvarapalo ca samvaroti te tuyham chadvarikasamvaro rakkhavaranagutti dvarapalo dvararakkhakoti attho. [536] Satipatthanamattalanti te tuyham catusatipatthanaattalamundacchadanam 2- panna te caccaram muneti bhante mune nanavanta te tuyham patihariyadianekavidha panna 3- caccaram maggasamodhanam nagaravithiti attho. Iddhipadanca singhatanti tuyham chandaviriyacittavimamsasankhata cattaro iddhipada singhatam catumaggasandhi. Dhammavithi sumapitanti 4- sattatimsabodhipakkhiyadhammasankhataya vithiya sutthu mapitam sajjitam, tam dhammanagaranti attho. [537] Suttantam abhidhammancati tava tuyham ettha dhammanagare suttantam abhidhammam vinayanca kevalam sakalam suttageyyadikam navangam buddhavacanam dhammasabha dhammadhikaranasalati attho. @Footnote: 1 cha.Ma. pakarakam. 2 Si., i....mandalacchadanam. 3 Si. nanam. 4 pali. sumapita.

--------------------------------------------------------------------------------------------- page346.

[538] Sunnatam animittancati anattanupassanavasena patiladdham sunnataviharanca aniccanupassanavasena patiladdham animittaviharanca. Viharancappanihitanti dukkhanupassanavasena patiladdham appanihitaviharanca. Anenjancati 1- acalam aphanditam catusamannaphalasankhatam anenjaviharanca. Nirodho cati sabbadukkhanirodham nibbananca. Esa dhammakuti tavati esa sabbanavalokuttaradhammasankhata tava tuyham dhammakuti vasanagehanti attho. [539] Pannaya aggo nikkhittoti pannavasena pannavantanam aggo. Iti bhagavata nikkhitto thapito thero patibhane ca pannaya kattabbe kicce, yuttamuttapatibhane va kovido cheko namena sariputtoti pakato tava tuyham dhammasenapati taya desitassa pitakattayadhammasamuhassa dharanato pati padhano hutva senakiccam karotiti attho. [540] Cutupapatakusaloti bhante muni cutupapate cutiya upapattiya ca kusalo cheko. Iddhiya paramim gatoti "ekopi hutva bahudha hoti, bahudhapi hutva eko hoti"tiadina 2- vuttaya iddhippabhedaya paramim pariyosanam gato patto namena kolito nama moggallanatthero porohicco tava tuyham purohitoti sambandho. [541] Poranakavamsadharoti bhante mune nanavante poranassa vamsassa dharako, paramparajananako va uggatejo patakatejo durasado asadetum ghattetum dukkho asakkuneyyoti attho. Dhutavadigunenaggoti 3- tecivarikangadini terasa dhutangani vadati ovadatiti dhutavadigunena dhutanganena aggo settho mahakassapatthero tava 4- tuyham akkhadasso voharakarane padhanoti attho. [542] Bahussuto dhammadharoti bhante mune bahunam caturasitidhammakkhandhasahassanam sutatta bhagavata bhikkhusamghato ca uggahitatta bahussuto anekesam @Footnote: 1 pali. anejo ca. 2 di. Si. 9/238/78, khu. pati. 31/102/115. @3 pali. dhutavadigune aggo... 4 pali. tvam.

--------------------------------------------------------------------------------------------- page347.

Chasatasahassasankhyanam agamadhammanam satipatthanadinanca paramatthadhammanam dharanato dhammadharo anando. Sabbapathi ca sasaneti buddhasasane sabbesam pathinam pathantanam sajjhayantanam bhikkhunam aggo setthoti sabbapathi namena anando nama thero. Dhammarakkho tavati 1- tava tuyham dhammassa pitakattayadhammabhandassa arakkho rakkhako palako, dhammabhandagarikoti attho. [543] Ete sabbe atikkammati bhagava bhagyava sammasambuddho ete sariputtadayo mahanubhavepi there atikkamma vajjetva mamamyeva pamesi 2- pamanam akasi manasi akasiti attho. Vinicchayam me padasiti vinayannuhi panditehi desitam pakasitam vinaye vinicchayam dosavicaranam me mayham bhagava padasi pakarena adasi, mayhameva bharam akasiti sambandho, [544] Yo koci vinaye panhanti yo koci bhikkhu buddhasavako vinayanissitam panham mam pucchati, tattha tasmim pucchitapanhe me mayham cintana vimati kankha natthi. Tanhevattham 3- tam eva pucchitam attham aham kathemiti sambandho. [545] Yavata buddhakhettamhiti yavata yattake thane buddhassa anakhette tam mahamunim sammasambuddham thapetva vinaye vinayapitake vinayavinicchayakarane va madiso maya sadiso natthi, ahameva aggo, bhiyyo mamadhiko kuto bhavissatiti sambandho. [546] Bhikkhusamghe nisiditva bhikkhusamghamajjhe nisinno gotamo bhagava evam gajjati sihanadam karoti. Katham? vinaye ubhatovibhange, khandhakesu mahavaggaculavaggesu, ca-saddena parivare upalissa upalina samo sadiso natthiti evam gajjati. [547] Yavatati yattakam buddhabhanitam buddhena desitam navangam suttageyyadisatthusasanam satthuna pakasitam sabbam vinayogadham 4- tam vinaye antopavittham vinayamulakam iccevam passino passantassa. @Footnote: 1 pali. dhammarakkho tavam. 2 pali. maheSi. 3 pali. tannevattham. 4 pali. @vinayekathitam.

--------------------------------------------------------------------------------------------- page348.

[548] Mama kammam saritvanati gotamo sakyapungavo sakyavamsappadhano mama kammam mayham pubbapatthanakammam atitamsananena saritvana paccakkhato natva bhikkhusamghamajjhe gato "etadaggam bhikkhave mama savakanam bhikkhunam vinayadharanam yadidam upali"ti 1- mam etadagge thane thapesiti sambandho. [549] Satasahassupadayati satasahassakappe adim katva yam imam thanam apatthayim patthesim, so me attho maya anuppatto adhigato patiladdho vinaye paramim gato kotim pattoti attho. [550] Sakyanam sakyavamsarajunam nandijanano somanassakarako aham pure pubbe kappako asim ahosim, tam jatim tam kulam tam yonim vijahitva visesena jahitva chaddetva mahesino sammasambuddhassa putto jato sakyaputtoti sankhyam gato sasanadharanatoti attho. [551] Tato param attano dasakule nibbattanapadanam dassento ito dutiyake kappetiadimaha. Tattha ito bhaddakappato hettha dutiye kappe namena anjaso nama khattiyo eko raja anantatejo sankhyatikkantatejo amitayaso pamanatikkantaparivaro mahaddhano anekakotisatasahassadhanava bhumipalo pathavipalako rakkhako ahositi sambandho. [552] Tassa rannoti tassa tadisassa rajino putto aham candano nama khattiyo khattiyakumaro ahosinti sambandho. So aham jatimadena ca yasamadena ca bhogamadena ca upatthaddho 2- thambhito unnatoti attho. [553] Nagasatasahassaniti satasahassahatthino matanga matangakule jata tidha pabhinna akkhikannakosasankhatehi tihi thanehi pabhinna madagalita 3- sabbalankarabhusita sabbehi hatthalankarehi alankata sada sabbakalam mam parivarentiti sambandho. @Footnote: 1 an. ekaka. 20/228/25. 2 pali. patthaddho. 3 Ma. yadagalino.

--------------------------------------------------------------------------------------------- page349.

[554] Sabalehi paretohanti tada tasmim kale aham sabalehi attano senabalehi pareto parivarito uyyanam gantukamako icchanto sirikam nama nagam hatthim aruyha abhiruhitva nagarato nikkhaminti sambandho. [555] Caranena ca sampannoti silasamvaradipannarasacaranadhammena samannagato guttadvaro pihitacakkhadichadvaro susamvuto sutthu rakkhitakayacitto devalo nama sambuddho paccekasambuddho mama mayham purato sammukhe agacchi papuniti attho. [556] Pesetva sirikam naganti tam agatam paccekabuddham disva aham sirikam nama nagam abhimukham pesetva buddham asadayim ghatesim padussesinti attho. Tato sanjatakopo soti 1- tato tasma maya ativa piletva pesitatta so hatthinago mayi sanjatakopo padam attano padam nuddharate 2- na uddharati, niccalova hotiti attho. [557] Nagam dutthamanam 3- disvati dutthamanam kuddhacittam nagam disva aham buddhe paccekabuddhe kopam akasim dosam uppadesinti attho. Vihesayitva 4- sambuddhanti devalam paccekasambuddham vihesayitva vihethetva aham uyyanam agamasinti sambandho. [558] Satam tattha na vindamiti tasmim asadane satam na vindami. Asadananimittam madhuram sukham na labhamiti attho. Siro pajjalito yathati siro mama silam pajjalito yatha pajjalamanam viya hotiti attho. Parilahena dayhamiti paccekabuddhe kopassa katatta pacchanutapaparilahena dayhami unhacitto homiti attho. [559] Sasagarantati teneva papakammabalena sasagaranta sagarapariyosana sakalamahapathavi me mayham aditta viya jalita viya hoti @Footnote: 1 pali. sanjatakopo va. 2 pali. nuddharako. @3 pali. runnamanam. si, i. rutthamanam. 4 pali. vihethayitva.

--------------------------------------------------------------------------------------------- page350.

Khayatiti attho. Pitu santikupagammati evam bhaye uppanne aham attano pituranno santikam upagamma upagantva idam vacanam abravim kathesinti attho. [560] Asivisamva kupitanti asivisam sabbam kupitam kuddham iva jalamanam aggikkhandham iva mattam tidha pabhinnam dantim dantavantam kunjaram uttamam hatthim iva ca agatam yam paccekabuddham sayambhum sayameva buddhabhutam aham asadayim ghattesinti sambandho. [561] Asadito maya buddhoti so paccekabuddho maya asadito ghattito ghoro annehi ghattetum asakkuneyyatta ghoro uggatapo pakatatapo jino panca mare jitava evamgunasampanno paccekabuddho maya ghattitoti attho. Pura sabbe vinassamati tasmim paccekabuddhe kataanadarena sabbe mayam vinassama vividhenakarena nassama, bhasma viya bhavamati attho. Khamapessama tam muninti tam paccekabuddham munim yava na vinassama, tava khamapessamati sambandho. [562] No ce tam nijjhapessamati attadantam damitacittam samahitam ekaggacittam tam paccekabuddham no ce nijjhapessama khamapessama. Orena sattadivasa 1- sattadivasato orabhage sattadivase anatikkamitava sampunnam rattham me sabbam vidhamissati vinassissati. [563] Sumekhalo kosiyo cati etesu mekhaladayo cattaro rajano isayo asadayitva ghattetva anadaram katva saratthaka 2- saharatthajanapadavasihi duggata vinasam gatati attho. [564] Yada kuppanti isayoti yada yasmim kale sannata kayasannamadihi sannata santa brahmacarino uttamacarino setthacarino isayo kuppanti domanassa bhavanti tada sasagaram sapabbatam sadevakam lokam vinasentiti sambandho. @Footnote: 1 pali. sattame divase. 2 pali. sasenaka.

--------------------------------------------------------------------------------------------- page351.

[565] Tiyojanasahassamhiti tesam isinam anubhavam natva te khamapetum accayam aparadham desanatthaya pakasanatthaya tiyojanasahassappamane padese purise sannipatayinti sambandho. Sayambhum upasankaminti sayambhum paccekabuddham upasankamim samipam agamasinti attho. [566] Allavatthati maya saddhim rasibhuta sabbe jana allavattha udakena tintavatthauttarasanga allasira tintakesa panjalikata muddhani kataanjaliputa buddhassa paccekamunino pade padasamipe nipatitva nipajjitva idam vacanamabravunti "khamassu tvam mahavira"tiadikam vacanam abravum kathesunti attho. [567] Mahavira viruttama bhante paccekabuddha maya tumhesu annanena katam aparadham khamassu tvam vinodehi, ma manasi karohiti attho. Jano janasamuho tam bhagavantam abhi visesena yacati. Parilaham dosamohehi katacittadukkhaparilaham amhakam vinodehi tanum karohi, no amhakam rattham sakalaratthajanapadavasino ma vinasaya ma vinasehiti attho. [568] Sadevamanusa sabbeti sabbe manusa sadeva sadanava paharadadihi asurehi saha sarakkhasa ayomayena kutena mahamuggarena sada sabbakalam me siram mayham matthakam bhindeyyum padaleyyum. [569] Tato param buddhanam khamitabhavanca kopabhavanca pakasento dake 1- aggi na santhatitiadimaha. Tattha yatha udake aggi na santhati na patitthati, yatha bijam sele silamaye pabbate na viruhati, yatha agade osade kimi panako na santhati. Tatha kopo cittappakopo dummanata buddhe patividdhasacce paccekabuddhe na jayati na uppajjatiti attho. [570] Punapi buddhanam anubhavam pakasento yatha ca bhumitiadimaha. Tattha yatha ca bhumi pathavi acala niccala, tatha buddho acaloti attho. Yatha @Footnote: 1 pali. udake.

--------------------------------------------------------------------------------------------- page352.

Sagaro mahasamuddo appameyyo pametum pamanam gahetum asakkuneyyo, tatha buddho appameyyoti attho. Yatha akaso aphutthakaso anantako pariyosanarahito, evam tatha buddho akkhobhiyo 1- khobhetum aloletum asakkuneyyoti attho. [571] Tato param paccekabuddhassa khamanavacanam dassento sada khanta 2- mahaviratiadimaha. Tattha mahavira uttamaviriyavanta buddha tapassino papanam tapanato "tapo"ti laddhanamena viriyena samannagata khanta ca khantiya ca sampanna khamita ca paresam aparadham khamita mahita sada sabbakalam bhavantiti sambandho. Khantanam khamitanancati tesam buddhanam khantanam khantiya yuttanam khamitanam paraparadhakhamitanam sahitananca gamanam chandadihi agatigamanam na vijjatiti attho. [572] Iti idam vacanam vatva sambuddho paccekasambuddho parilaham sattanam uppannadaham vinodayam vinodayanto mahajanassa purato sannipatitassa sarajakassa mahato janakayassa sammukhato tada tasmim kale nabham akasam abbhuggami ugganchiti attho. [573] Tena kammenaham dhirati 3- dhira dhitisampanna aham tena kammena paccekabuddhe katena anadarakammena imasmim pacchimattabhave 4- hinattam lamakabhavam rajunam kappakakammakaranajatim ajjhupagato sampattoti attho. Samatikkamma tam jatinti tam parayattajatim sam sutthu atikkamma atikkamitva. Pavisim abhayam puranti bhayarahitam nibbanapuram nibbanamahanagaram pavisim pavittho asinti attho. [574] Tadapi mam mahavirati viruttama tadapi tasmim paccekabuddhassa asadanasamaye api sayambhu paccekabuddho parilaham asadanahetu uppannam kayacittadaratham vinodesi duriakasi. Dayhamanam tato eva pacchanutapena @Footnote: 1 pali. ukhobhiya. 2 pali. attadanta. 3 pali. vira. 4 cha.Ma. pacchimattabhave.

--------------------------------------------------------------------------------------------- page353.

Kukkuccena dayhamanam santapantam mam susanthitam dosam dosato dassane sutthu santhitam disva khamapayi tam aparadham adhivasesiti sambandho. [575] Ajjapi mam mahavirati viruttama ajjapi tuyham samagamakale api tihaggibhi ragaggidosaggimohaggisankhatehi va nirayaggipetaggisamsaraggi- sankhatehi va tihi aggihi dayhamanam dukkhamanubhavantam mam bhagava sitibhavam domanassavinasena santakayacittasankhatam sitibhavam nibbanameva va apapayi sampapesi. Tayo aggi vuttappakare te tayo aggi nibbapesi vupasamesiti sambandho. [576] Evam attano hinapadanam bhagavato dassetva idani annepi tassa savane niyojetva ovadanto "yesam sotavadhanatthi"tiadimaha. Tattha yesam tumhakam sotavadhanam sotassa avadhanam thapanam atthi vijjati, te tumhe bhasato bhasantassa mama vacanam sunatha manasi karotha. Attham tumham 1- pavakkhamiti yatha yena pakarena mama maya dittham padam nibbanam, tatha tena pakarena nibbanasankhatam paramattham tumhakam pavakkhamiti sambandho. [577] Tam dassento sayambhum tam vimanetvatiadimaha. Tattha sayambhum sayameva bhutam ariyaya jatiya jatam santacittam samahitam paccekabuddham vimanetva anadaram katva tena kammena katenakusalena ajja imasmim vattamanakale aham nicayoniyam parayattajatiyam kappakajatiyam jato nibbatto amhi bhavami. [578] Ma kho khanam viradhethati buddhuppadakkhanam vo tumhe ma viradhetha galitam 2- ma karotha, hi saccam khanatita buddhuppadakkhanam atita atikkanta satta socare socanti, "mayam alakkhika dummedha bhavama"ti evam socantiti attho. Sadatthe attano atthe vuddhiyam vayameyyatha viriyam karotha. Vo tumhehi khano buddhuppadakkhano samayo patipadito nipphadito pattoti attho. [579] Tato param samsaragatanam adinavam upamaupameyyavasena dassento ekaccananca vamanantiadimaha. Ekaccanam kesanci puggalanam vamanam uddham @Footnote: 1 pali. tuyham. 2 Si. aphalam.

--------------------------------------------------------------------------------------------- page354.

Uggiranam ekaccanam virecanam adhopaggharanam eke ekaccanam halahalam visam mucchakaranavisam 1- ekaccanam puggalanam osadham rakkhanupayam bhagava evam patipatiya akkhasiti sambandho. [580] Vamanam patipannananti patipannanam maggasamanginam vamanam samsarachaddanam samsaramocanam bhagava akkhasiti sambandho. Phalatthanam phale thitanam virecanam samsarapaggharanam akkhasi. Phalalabhinam phalam labhitva thitanam nibbanaosadham akkhasi. Gavesinam manussadevanibbanasampattim gavesinam pariyesantanam pannakkhettabhutam samgham akkhasiti sambandho. [581] Sasanena viruddhananti sasanassa patipakkhanam halahalam kutuhalam papam akusalam akkhasiti sambandho. Yatha asivisoti assaddhanam katapapanam puggalanam samsare dukkhavahanato asivisasadisam yatha asiviso ditthamattena 2- bhasmakaranato ditthaviso 3- sappo attana dattham naram jhapeti dayhati dukkhapeti. Tam naram tam assaddham katapapam naram halahalavisam evam jhapeti catusu apayesu dayhati sosesiti sambandho. [582] Sakim pitam halahalanti visam halahalam pitam sakim ekavaram jivitam uparundhati 4- naseti. Sasanena sasanamhi virajjhitva 5- aparadham katva puggalo kappakotimhi kotisankhye kappepi dayhati nijjhayatiti attho. [583] Evam assaddhanam puggalanam phalavipakam dassetva idani buddhanam anubhavam dassento khantiyatiadimaha. Tattha yo buddho vamanadini 6- akkhasi, so buddho khantiya khamanena ca avihimsaya sattanam avihimsanena ca mettacittavataya ca mettacittavantabhavena ca sadevakam saha devehi vattamanam lokam tareti 7- atikkamapeti nibbapeti, tasma karana buddha vo tumhehi aviradhiya virujjhitum na sakkuneyya, buddhasasane patipajjeyyathati attho. @Footnote: 1 i. munchakaranavisam. 2 i. datthamattena. 3 pali. dutthaviso, i. datthaviso. @4 pali. uparuddheti. 5 pali. virujjhitva. 6 Si., i. vamanadihi. 7 pali. @tarati.

--------------------------------------------------------------------------------------------- page355.

[584] Labhe ca alabhe ca na sajjanti na bhajanti na lagganti. Sammanane adarakarane ca vimanane anadarakarane ca acala pathavisadisa buddha bhavanti, tasma karana te buddha tumhehi na virodhiya na virodhetabba virujjhitum asakkuneyyati attho. [585] Buddhanam majjhattatam dassento devadattetiadimaha. Tattha vadhakavadhakesu sabbesu sattesu samako samamanaso muni buddhamuniti attho. [586] Etesam patigho 1- natthiti etesam buddhanam patigho candikkam dosacittatam natthi na samvijjati ragomesam na vijjatiti imesam buddhanam ragopi rajjanam alliyanam na vijjati na upalabbhati, tasma karana, vadhakassa ca orasassa cati sabbesam samako samacitto buddho hotiti sambandho. [587] Punapi buddhanamyeva anubhavam dassento panthe disvana kasavantiadimaha. Tattha milhamakkhitam guthasammissam kasavam kasavena rajitam civaram isiddhajam ariyanam dhajam parikkharam panthe magge chadditam disvana passitva anjalim katva dasangulisamodhanam anjaliputam sirasi katva sirasa sirena vanditabbam isiddhajam arahattaddhajam buddhapaccekabuddhasavakadipakam civaram namassitabbam manetabbam pujetabbanti attho. [588] Abbhatitati abhiatthangata nibbuta. Ye ca buddha vattamana idani jata ca ye buddha anagata ajata abhuta anibbatta apatubhuta ca ye buddha. Dhajenanena sujjhantiti anena isiddhajena civarena ete buddha sujjhanti visuddha bhavanti sobhanti. Tasma tena karanena ete buddha namassiya namassitabba vanditabbati attho. "etam namassiyan"tipi patho. Tassa etam isiddhajam namassitabbanti attho. [589] Tato param attano gunam dassento satthukappantiadimaha. Tattha satthukappam buddhasadisam suvinayam sundaravinayam sundarakarena dvarattayadamanam @Footnote: 1 pali. patigham.

--------------------------------------------------------------------------------------------- page356.

Hadayena cittena aham dharemi savanadharanadina paccavekkhamiti attho, vinayam vinayapitakam namassamano vandamano vinaye adaram kurumano viharissami sabbada sabbasmim kale vasam kappemiti attho. [590] Vinayo asayo mayhanti vinayapitakam mayham okasabhutam savanadharanamanasikaranauggahaparipucchapavattanavasena okasabhutam gehabhutanti attho. Vinayo thanacankamanti vinayo mayham savanadikiccakaranena thitatthananca cankamanatthananca. Kappemi vinaye vasanti vinayapitake vinayatantiya savanadharanapavattanavasena vasam sayanam kappemi karomi. Vinayo mama 1- gocaroti vinayapitakam mayham gocaro aharo bhojanam niccam dharanamanasikaranaseseanati attho. [591] Vinaye paramippattoti sakale vinayapitake paramim pariyosanam patto. Samathe capi kovidoti parajikadisattapattikkhandhanam samathe vupasame ca vutthane ca kovido cheko adhikaranasamathe va:- "vivadam anuvadanca apattadhikaranam tatha kiccadhikarananceva caturadhikarana mata"ti vuttadhikaranesu ca:- "sammukha sativinayo amulhapatinnakaranam yebhuyya tassapapiyya tinavattharako tatha"ti evam vuttesu ca sattasu adhikaranasamathesu atikovido chekoti attho. Upali tam mahavirati bhante mahavira catusu asankhyeyyesu kappasatasahassesu sabbannutannanadhigamaya viriyavanta satthuno devamanussanam anusasakassa tam tava pade padayuge upali bhikkhu vandati panamam karotiti attho. [592] So aham pabbajitva sambudadham namassamano panamam kurumano dhammassa ca tena bhagavata desitassa navalokutataradhammassa sudhammatam sundaradhammabhavam @Footnote: 1 pali. mayham.

--------------------------------------------------------------------------------------------- page357.

Janitva dhammanca namassamano gamato gamam purato puram nagarato nagaram vicarissamiti sambandho. [593] Kisesa jhapita mayhanti maya patividdhaarahattamaggananena mayham cittasantanagata sabbe diyaddhasahassasankha kilesa jhapita sosita visosita viddhamsita. Bhava sabbe samuhatati kamabhavadayo sabbe nava bhava maya samuhata sam sutthu uhata khepita viddhamsita. Sabbasava parikkhinati kamasavo bhavasavo ditthasavo avijjasavoti sabbe cattaro asava parikkhina parisamantato khayam papita. Idani 1- imasmim arahattappattakale punabbhavo punappatti sankhato bhavo bhavanam jati natthiti attho. [594] Uttari somanassavasena udanam udanento svagatantiadimaha. Tattha buddhasetthassasa uttamabuddhassa santike samipe ekanagare va mama agamanam svagatam sutthu agamanam sundaragamanam vata ekantena asi ahositi sambandho. Tisso vijjati pubbenivasadibbacakkhuasavakkhayavijja anuppatta sampatta, paccakkham katati attho. Katam buddhassa sasananti buddhena bhagavata desitam anusitthi sasanam katam nipphaditam vattapatipattim puretva kammatthanam manasi karitva arahattamaggananadhigamena sampaditanti attho. [595] Patisambhida catassoti atthapatisambhidadayo catasso pannayo sacchikata paccakkham kata vimokkhapi ca atthimeti cattari maggananani cattari phalanananiti ime atthavimokkha samsarato muccanupaya sacchikatati sambandho. Chalabhinna sacchikatati:- "iddhividham dibbasotam cetopariyananakam pubbenivasanananca dibbacakkhasavakkhayan"ti ima cha abhinna sacchikata paccakkham kata, imesam nananam sacchikaranena buddhassa sasanam katanti attho. @Footnote: 1 pali. dani.

--------------------------------------------------------------------------------------------- page358.

Itthanti imina hettha vuttappakarena. Sudanti padapuranamatte nipato. Ayasma upali theroti thirasiladigunayutto savako ima pubbacaritapadanadipika gathayo abhasittha kathayitthati attho. Upalittherapadanavannana nitthita. -------------


             The Pali Atthakatha in Roman Book 49 page 333-358. http://84000.org/tipitaka/pitaka_item/read_rm.php?B=49&A=8321&modeTY=2&pagebreak=1              อรรถกถาบาลีอักษรไทย :- http://84000.org/tipitaka/pitaka_item/read_th.php?B=49&A=8321&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=32&i=8              เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=801              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1106              The Pali Tipitaka in Roman Character :- http://84000.org/tipitaka/read/roman_read.php?B=32&A=1106              Contents of The Tipitaka Volume 32 http://84000.org/tipitaka/read/?index_32

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]