|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Tam bhagavati tam desanam bhagava asesam sakalam abhijanati. Tam bhagavatoti tam desanam bhagavato asesam abhijanato. Uttari abhinneyyam natthiti uttari abhijanitabbam natthi, ayam nama ito anno dhammo va puggalo va yam bhagava na janatiti idam natthi. Yadabhijanam anno samano vati yam tumhehi anabhinnatam tam anno samano va brahmano va abhijananto bhagavata bhiyyobhinnataro assa, adhikatarapanno bhaveyya. Yadidam iddhividhasuti ettha yadidanti nipatamattam. Iddhividhasu bhagavata uttaritaro natthi. Atitabuddhapi hi imava dve iddhiyo desesum. Anagatapi imava desessanati. Tumhepi tesam nanena samsandetva 1- imava desayittha. Iti bhagavava iddhividhasu anuttaroti dassento "iminapi karanena evam pasanno aham bhante bhagavati"ti dipeti. Ettavata ye dhammasenapati dvatthane nisiditva solasa aparapariyadhamme sammasi, teva dassita honti. Annathasatthugunadassanavannana [160] Idani aparenapi akarena bhagavato gune dassento yantam bhanteti adimaha. Tattha saddhena kulaputtenati saddha kulaputta nama atitanagatapaccuppanna bodhisatta. Tasma yam sabbannubodhisattena pattabbanti vuttam hoti. Kim pana tena pattabbam. Nava lokuttaradhamma. Araddhaviriyenati adisu "viriyam thamo"ti adini sabbaneva viriyavevacanani. Tattha araddhaviriyenati paggahitaviriyena. Thamavatati thamasampannena thiraviriyena. Purisathamenati tena thamavata yam purisathamena pattabbanti vuttam hoti. Anantarapadadvayepi eseva nayo. Purisadhoreyhanati ya asamadhurehi buddhehi vahitabba dhura, tam dhuram vahanasamatthena mahapurisena. Anuppattam tam bhagavatati tam sabbam atitanagatabuddhehi pattabbam, tam 2- sabbameva anuppattam, bhagavata 3- ekagunopi uno natthiti dasseti. @Footnote: 1 cha.Ma. samsanditva 2 cha.Ma., i. tam na dissati 3 cha.Ma., i. bhagavato--------------------------------------------------------------------------------------------- page85.
Kamesu kamasukhallikanuyoganti vatthukamesu kamasukhanuyogam. 1- Yatha anne keniyajatiladayo samanabrahghana "ko janati paralokam. Sukho imissa paribbajikaya mudukaya lomasaya bahaya samphasso"ti temolibandhahi 2- paribbajikahi paricarenti sampattam sampattam rupadiarammanam anubhavamana kamasukhamanuyutta, na evamanuyuttoti dasseti. Hinanti lamakam. Gammanti gamavasinam dhammam. Pothujjanikanti puthujjanehi sevitabbam. Anariyanti na niddosam. Na va ariyehi sevitabbam. Anatthasanhitanti anatthayuttam. 3- Attakilamathanuyoganti attano atapanaparitapananuyogam. Dukkhanti dukkhayuttam, dukkhamam va. Yatha eke samanabrahmana kamasukhallikanuyogatam 4- parivajjessamati kayakilamatham anudhavanti, tato muccissamati kamasukham anudhavanti, na evam bhagava. Bhagava pana ubho ete ante vajjetva ya sa "atthi bhikkhave majjhima patipada tathagatena abhisambuddha cakkhukarani"ti evam vutta sammapatipatti, tameva patipanno. Tasma "na ca attakilamathanuyogan"ti adimaha. Abhicetasikananti abhicetasikanam, kamavacaracittani atikkamitva thitananti attho. Ditthadhammasukhaviharananti imasmimyeva attabhave sukhaviharanam. Potthapadasuttantasminhi sappitikadutiyajjhanaphalasamapatti kathita. 5- Pasadikasuttante saha maggena vipassanapadakajjhanam. Dasuttarasuttante catutthajjhanikaphalasamapatti. Imasmim sampasadaniye ditthadhammasukhaviharajjhanani kathitani. Nikamalabhiti yathakamalabhi. Akicchalabhiti adukkhalabhi. Akasiralabhiti vipulalabhi. Anuyogadanappakaravannana [161] Ekissa lokadhatuyati dasasahassilokadhatumhi. 6- Tini hi khettani jatikhettam anakhettam visayakhettam. Tattha jatikhettam nama @Footnote: 1 cha.Ma. kamasukhallikanuyogam 2 cha.Ma. molibandhahi 3 cha.Ma. anatthasamyuttam @4 cha.Ma. kamasukhallikanuyogam 5 di.Si. 9/429/190 @6 cha.Ma., i. dasasahassilokadhatuya--------------------------------------------------------------------------------------------- page86.
Dasasahassilokadhatu. Sa hi tathagatassa matu kucchim okkamanakale nikkhamanakale sambodhikale dhammacakkappavattane ayusamkharossajjane parinibbane ca kampati. Kotisatasahassacakkavalam pana anakhettam nama. Atanatiyaparittamoraparittadhajaggaparittaratanaparittadinanhi ettha ana pavattati. Visayakhettassa pana parimanam natthi, buddhananhi "yavatakam nanam, tavatakam neyyam, yavatakam neyyam, tavatakam nanam, nanapariyantikam neyyam, neyyapariyantikam nanan"ti vacanato avisayo nama natthi. Imesu pana tisu khettesu thapetva imam cakkavalam annasmim cakkavale buddha uppajjantiti suttam natthi, na uppajjantiti 2- pana atthi. Tini pitakani vinayapitakam suttantapitakam abhidhammapitakam. Tisso sangitiyo mahakassapattherassa sangiti, yasattherassa sangiti, moggaliputtatissattherassa sangititi. Ima tisso sangitiyo arulhe tepitake buddhavacane "imam cakkavalam muncitva annattha buddha uppajjanti"ti suttam natthi, na uppajjantiti pana atthi. Apubbam acarimanti apure apaccha ekato na uppajjanti, pure va paccha va uppajjantiti vuttam hoti. Tattha bodhipallanke "bodhim appatva na utthahissami"ti nisinnakalato patthaya yava matu kucchismim patisandhiggahanam, tava pureti na veditabbam. Bodhisatsassa hi patisandhiggahane dasasahassacakkavalakampaneneva khettapariggaho kato. Annassa buddhassa uppattipi nivarita hoti. Parinibbanato patthaya ca yava sasapamattapi dhatuyo titthanti, tava pacchati na veditabbam. Dhatusu hi thitasu buddha thitava honti. Tasma etthantare annassa buddhassa uppatti nivaritava hoti. Dhatuparinibbane pana jate annassa buddhassa uppatti na nivarita. @Footnote: 2 cha.Ma. nuppajjanti evamuparipi--------------------------------------------------------------------------------------------- page87.
Tipitakaantaradhanakatha tini hi 1- antaradhanani nama pariyattiantaradhanam, pativedhaantaradhanam, patipattiantaradhananti. Tattha pariyattiti tini pitakani. Pativedhoti saccapativedho. Patipattiti patipada. Tattha pativedho ca patipatti ca hotipi na hotipi. Ekasminhi kale pativedhakara bhikkhu bahu honti, esa bhikkhu puthujjanoti angulim pasaretva dassetabbo hoti. Imasmimyeva dipe ekavaram puthujjanabhikkhu nama nahosi. Patipattipurakapi kadaci bahu honti, kadaci appa honti. 2- Iti pativedho ca patipatti ca hotipi na hotipi. Sasanatthitiya pana pariyatti pamanam. Pandito hi tepitakam sutva dvepi pureti. Yatha amhakam bodhisatto alarassa santike pancabhinna satta ca samapattiyo nibbattetva nevasannanasannayatanasamapattiya parikammam pucchi, so na janamiti aha. Tato uddakassa 3- santikam gantva adhigatavisesam samsanditva nevasannanasannayatanassa parikammam pucchi, so acikkhi, tassa vacanasamanantarameva mahasatto tam jhanam sampadesi, evameva pannava bhikkhu pariyattim sutva dvepi pureti. Tasma pariyattiya thitaya sasanam thitam hoti. Yada pana sa antaradhayati, tada pathamam abhidhammapitakam nassati. Tattha patthanam sabbapathamam antaradhayati. Anukkamena paccha dhammasangaho, tasmim antarahite itaresu dvisu pitakesu thitesupi sasanam thitameva hoti. Tattha suttantapitake antaradhayamane pathamam anguttaranikayo ekadasakato patthaya yava ekaka antaradhayati, tadanantaram samyuttanikayo cakkapeyyalato patthaya yava oghatarana antaradhayati. Tadanantaram majjhimanikayo indriyabhavanato patthaya yava mulapariyaya antaradhayati. Tadanantaram dighanikayo dasuttarato patthaya yava brahmajala antaradhayati. Ekissapi dvinnampi gathanam puccha addhanam gacchati, sasanam dharetum na sakkoti sabhiyapuccha @Footnote: 1 cha.Ma., i. hi na dissati 2 cha.Ma., i. honti na dissati 3 cha.Ma., i. udakassa--------------------------------------------------------------------------------------------- page88.
Alavakapuccha viya ca. Eka kira kassapabuddhakalika antara sasanam dharetum nasakkhi. 1- Dvisu pana pitakesu antarahitesupi vinayapitake thite sasanam titthati. Parivarakkhandhakesu antarahitesu ubhatovibhange thite thitameva hoti. Ubhatovibhange antarahite matikayapi thitaya thitameva hoti. Matikaya antarahitaya patimokkhapabbajjaupasampadasu thitasu sasanam titthati. Lingam addhanam gacchati. Setavatthasamanavamso pana kassapabuddhakalato patthaya sasanam dharetum nasakkhi. Patisambhidappattehi vassasahassam atthasi. Chalabhinnehi vassasahassam. Tevijjehi vassasahassam. Sukkhavipassakehi vassasahassam. Patimokkhehi vassasahassam atthasi. Pacchimakassa pana saccapativedhato pacchimakassa silabhedato ca patthaya sasanam osakkitannama hoti. Tato patthaya annassa buddhassa uppatti na nivarita. Sasanaantarahitavannana tini parinibbanani nama kilesaparinibbanam khandhaparinibbanam dhatuparinibbananti. Tattha kilesaparinibbanam bodhipallanke ahosi. Khandhaparinibbanam kusinarayam. Dhatuparinibbanam anagate bhavissati. Sasanassa kira osakkanakale imasmim tambapannidipe 2- dhatuyo sannipatitva mahacetiyam gamissanti. Mahacetiyato nagadipe rajayatanacetiyam. Tato mahabodhipallankam gamissanti. Nagabhavanatopi devalokatopi brahmalokatopi dhatuyo mahabodhipallankameva gamissanti. Sasapamattapi dhatu 3- na antaradhayissati. 4- Sabba dhatuyo mahabodhipallanke rasibhuta 5- suvannakhandho viya ekaghana hutva chabbanna ramsiyo 6- visajjessanti. Ta dasasahassilokadhatum pharissanti, tato dasasahassacakkavaladevata sannipatitva "ajja sattha parinibbati, ajja sasanam osakkati, pacchimadassanam @Footnote: 1 cha.Ma., i. nasakkhimsu 2 cha.Ma., i. tambapannidipe 3 cha.Ma., i. dhatuyo @4 cha.Ma. antara nassissanti, i. antarayam nassissati 5 cha.Ma., i. rasibhuta @6 cha.Ma. chabbannarasmiyo--------------------------------------------------------------------------------------------- page89.
Idani idam amhakan"ti dasabalassa parinibbutadivasato mahantataram karunnam karissanti. Thapetva anagamikhinasave avasesa sakabhavena santharetum 1- na sakkhissanti. Dhatusu tejodhatu utthahitva yava brahmaloka uggacchissati. Sasapamattayapi dhatuya sati ekajala 2- bhavissati. Dhatusu pariyadanam gatasu upacchijjissati. Evam mahantam anubhavam dassetva dhatusu antarahitasu sasanam antarahitam nama hoti. Yava evam na antaradhayati, tava acarimam nama hoti. Evam apubbam acarimam uppajjeyyum, netam thanam vijjati. Kasma pana apubbam acarimam na uppajjantiti. Anacchariyatta. Buddha hi acchariyamanussa. Yathaha "ekapuggalo bhikkhave loke uppajjamano uppajjati acchariyamanusso. Katamo ekapuggalo, tathagato araham sammasambuddho"ti. Yadi ca dve va cattaro va attha va solasa va ekato uppajjeyyum, anacchariya bhaveyyum. Ekasmim hi vihare dvinnam cetiyanampi labhasakkaro ularo na hoti. Bhikkhupi bahutaya na acchariya jata, evam buddhapi bhaveyyum, tasma na uppajjanti. Desanaya ca visesabhavato. Yanhi satipatthanadibhedam dhammam eko desesi 3- annena uppajjitvapi sova desetabbo siya, tato anacchariyo siya. Ekasmim pana dhammam desente desanapi acchariya hoti, vivadabhavato 4- ca. Bahusu hi buddhesu uppannesu bahunam acariyanam antevasika viya amhakam buddho pasadiko, amhakam buddho madhurassaro labhi punnavati vivadeyyum. Tasmapi evam na uppajjanti. Apicetam karanam milindarannapi putthena nagasenattherena vittharitameva. Vuttanhi tattha:- 5- bhante nagasena bhasitampi hetam bhagavata "bhagavata "atthanametam bhikkhave anavakaso, yam ekissa lokadhatuya dve arahanto sammasambuddha apubbam acarimam uppajjeyyam, netam thanam vijjati"ti desayanta ca bhante nagasena sabbepi tathagata sattatimsa bodhipakkhiye dhamme desenti, kathayamana @Footnote: 1 cha.Ma. sandharetum, i. Si. santhatum 2 i. ekajalo 3 cha.Ma., i. deseti @4 cha.Ma., i. vivadabhavato 5 milinda. 312--------------------------------------------------------------------------------------------- page90.
Ca cattari ariyasaccani kathenti, sikkhapenta ca tisu sikkhasu sikkhapenti, anusasamana ca appamadapatipattim 1- anusasanti. Yadi bhante nagasena sabbesampi tathagatanam ekuddeso 2- eka katha 3- ekam sikkhapadam eka anusandhi, 4- kena karanena dve tathagata ekakkhane nuppajjanti. Ekenapi tava buddhuppadena ayam loko obhasajato, yadi dutiyo buddho bhaveyya, dvinnam pabhaya ayam loko bhiyyoso mattaya obhasajato bhaveyya, ovadanta 5- ca dve tathagata sukham ovadeyyum, anusasamana ca sukham anusaseyyum, tattha me karanam dassehi, 6- yathaham nissamsayo bhaveyyan"ti. Ayam maharaja dasasahassilokadhatu ekabuddhadharani, ekasseva tathagatassa gunam dhareti, yadi dutiyo buddho uppajjeyya, nayam dasasahassilokadhatu dhareyya, caleyya kampeyya nameyya onameyya vinameyya vikireyya vidhameyya viddhamseyya, na thanamupagaccheyya. Yatha maharaja nava ekapurisasandharani bhaveyya, ekasmim purise abhirulhe samupadika 7- bhaveyya, atha dutiyo puriso agaccheyya tadiso ayuna vannena vayena pamanena kisathulena sabbangapaccangena, so tam navam abhiruheyya, apinu kho 8- sa maharaja nava dvinnampi dhareyyati. Na hi bhante, caleyya kampeyya nameyya onameyya vinameyya vikireyya vidhameyya viddhamseyya, na thanamupagaccheyya osideyya udaketi. Evameva kho maharaja ayam dasasahassilokadhatu ekabuddhadharani, ekasseva tathagatassa gunam dhareti, yadi dutiyo buddho uppajjeyya, nayam dasasahassilokadhatu dhareyya .pe. Na thanamupagaccheyya. Yatha va pana maharaja puriso sukhito 9- yavadattham bhojanam bhunjeyya chadentam yavakanthamabhipurayitva, so tato 10- pinito paripunno nirantaro tandikato anonamitadandajato punadeva tavatakam bhojanam bhunjeyya, api nu kho so maharaja puriso sukhito bhaveyyati. Na hi bhante, sakim bhuttova @Footnote: 1 cha.Ma. appamadapatipattiyam 2 cha.Ma. ekuddeso na dissati @3 cha.Ma. eka desana eka katha 4 cha.Ma. ekanusasani 5 cha.Ma. ovadamana @6 cha.Ma. desehi 7 cha.Ma. sanava samupadika 8 cha.Ma., i. kho na dissati @9 cha.Ma., i. sukhitoti na dissati 10 cha.Ma., i. dhato--------------------------------------------------------------------------------------------- page91.
Mareyyati, 1- evameva kho maharaja ayam dasasahassilokadhatu ekabuddhadharani .pe. Na thanamupagaccheyyati. Kim nu kho bhante nagasena atidhammabharena pathavi calatiti. Idha maharaja dve sakata ratanaparipuritava 2- bhaveyyum yava mukhasama, ekassa sakatassa 3- ratanam gahetva ekamhi sakate akireyyum, api nu kho tam maharaja sakatam dvinnampi sakatanam ratanam dhareyyati. Na hi bhante, nabhipi tassa caleyya, 4- arapi tassa bhijjeyyum, nemipi tassa opateyya, akkhopi tassa bhijjeyyati. Kim nu kho maharaja atiratanabharena sakatam bhijjatiti. Ama bhanteti. Evameva kho maharaja atidhammabharena pathavi calati. Apica maharaja imam karanam buddhabalaparidipanaya osaritam annampi tattha patirupam 5- karanam sunohi, yena karanena dve sammasambuddha ekakkhane nuppajjanti. Yadi maharaja dve sammasambuddha ekakkhane uppajjeyyum, tesam parisayapi vivado uppajjeyya "tumhakam buddho amhakam buddho"ti, ubhato pakkhajata bhaveyyum. Yatha maharaja dvinnam balavamaccanam parisaya vivado uppajjeyya "tumhakam amacco amhakam amacco"ti, ubhato pakkhajata honti, emeva kho maharaja yadi dve sammasambuddha ekakkhane uppajjeyyum, tesam parisayapi vivado uppajjeyya "tumhakam buddho amhakam buddho"ti, ubhato pakkhajata bhaveyyum, idam tava maharaja pathamam 6- karanam sunohi, 7- yena karanena dve sammasambuddha ekakkhane nuppajjanti. Aparampi maharaja uttarikaranam sunohi, yena karanena dve sammasambuddha ekakkhane nuppajjanti, yadi maharaja dve sammasambuddha ekakkhane uppajjeyyum, "aggo buddho"ti yam vacanam, tam miccha bhaveyya, "jettho buddho"ti, "settho buddho"ti, "visittho buddho"ti, "uttamo buddho"ti, "pavaro buddho"ti, "asamo buddho"ti, "asamasamo buddho"ti, @Footnote: 1 Ma. bhayatto vameyyati 2 cha.Ma., i. ratanapurita 3 cha.Ma. ekasma sakatato @4 cha.Ma., i. phaleyya 5 cha.Ma., i. abhirupam 6 cha.Ma., ekam @7 cha.Ma. sunohiti na dissati--------------------------------------------------------------------------------------------- page92.
"appatisamo buddho"ti, "appatibhago buddho"ti, "appatipuggalo buddho"ti yam vacanam, tam miccha bhaveyya. Imampi kho tvam maharaja karanam atthato sampaticcha, yena karanena dve sammasambuddha ekakkhane nuppajjanti. Apica kho maharaja buddhanam bhagavantanam sabhavapakatika 1- esa, yam ekoyeva buddho loke uppajjati. Kasma? karanamahantatta 2- sabbannubaddhagunanam, yam annampi maharaja mahantam hoti, varam 3- tam ekamyeva hoti. Pathavi maharaja mahanta, 4- sa ekayeva. Sagaro mahanto, so ekoyeva. Sineru giriraja settho 5- mahanto, so ekoyeva. Akaso mahanto, so ekoyeva. Sakko mahanto, so ekoyeva. Maro mahanto, so ekoyeva. Brahma 6- mahanto, so ekoyeva. Tathagato araham sammasambuddho mahanto, so ekoyeva lokasmim. Yattha so uppajjati 7- tattha annesam okaso na hoti, tasma maharaja tathagato araham sammasambuddho ekoyeva loke uppajjatiti. Sukathito bhante nagasena panho opammehi karanehiti. Dhammassa canudhammanti navavidhassa lokuttaradhammassa anudhammam pubbabhagapatipadam. Sahadhammikoti sakarano. Vadanuvadoti vadoyeva. Acchariyaabbhutavannana [162] Ayasma udayiti tayo thera udayi nama loludayi 8- kaludayi mahaudayiti. Idha mahaudayi adhippeto. Tassa kira imam suttam adito patthaya yava pariyosana sunantassa abbhantare pancavanna piti uppajjitva padapitthito patthaya 9- sisamatthakam gacchati, sisamatthakato padapitthim ogacchati, 10- ubhato patthaya majjham otarati, majjhato patthaya ubhato @Footnote: 1 cha.Ma., i. sabhavapakati @2 cha.Ma. kasma karana? mahantataya, i. karanamahantataya @3 cha.Ma. varanti na dissati, i. varam tanti na dissati 4 cha.Ma. mahanti @5 cha.Ma. setthoti na dissati 6 cha.Ma. mahabrahma @7 cha.Ma., i. yattha te uppajjanti 8 cha.Ma., i. laludayi @9 cha.Ma., i. patthayati na dissati 10 cha.Ma., i. agacchati--------------------------------------------------------------------------------------------- page93.
Gacchati. So nirantaram pitiya phutthasariro balavasomanassena dasabalassa gunam kathento acchariyam bhantetiadimaha. Appicchatati nittanhata. Santutthitati catusu paccayesu tihakarehi santoso. Sallekhatati sabbakilesanam sallekhitabhavo. Yatra hi namati yo hi 1- nama. Nevattanam 2- patukarissatiti attano gune na avikarissati. Patakam parihareyyunti "ko amhehi sadiso atthi"ti vadanta patakam ukkhipitva nalandam vicareyyum. Passa kho tvam udayi tathagatassa appicchatati passa udayi yadisi tathagatassa appicchatati therassa vacanam sampaticchanto aha. Kim pana bhagava neva attanam patukaroti, na attano gunam kathetiti ce. Na na katheti. Appicchatadihi kathetabbam, civaradihetu 3- na katheti. Tenevaha "passa kho tvam udayi tathagatassa appicchata"tiadi. Bujjhanakasattam pana agamma veneyyavasena katheti. Yathaha:- "na me acariyo atthi sadiso me na vijjati sadevakasmim lokasmim natthi me patipuggalo"ti. Evam tathagatassa gunadipika bahu gathapi suttantapi vittharetabba. [163] Abhikkhanam bhaseyyasiti punappunam bhaseyyasi. Pubbanhe 4- va me kathitanti ma majjhantikadisu 5- na kathayittha. Ajja va me kathitanti ma paradivasadisu na kathayitthati attho. Pavedesiti kathesi. Imassa veyyakaranassati niggathakatta idam suttam "veyyakaranan"ti vuttam. Adhivacananti namam. Idam pana "iti hidan"ti patthaya padam sangitikarehi thapitam. Sesam sabbattha uttanamevati. Iti sumangalavilasiniya dighanikayatthakathaya sampasadaniyasuttavannana nitthita. ------------ @Footnote: 1 cha.Ma., i. hi saddo na dissati 2 cha.Ma., i. na attanam 3 cha.Ma. civaradihetum @4 cha.Ma. pubbanhasamaye 5 cha.Ma. majjhanhikadisuThe Pali Atthakatha in Roman Book 6 page 84-93. http://84000.org/tipitaka/pitaka_item/read_rm.php?B=6&A=2095&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=6&A=2095&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=11&i=73 เนื้อความพระไตรปิฎกฉบับหลวง :- http://84000.org/tipitaka/read/r.php?B=11&A=2130 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=11&A=2262 The Pali Tipitaka in Roman Character :- http://84000.org/tipitaka/read/roman_read.php?B=11&A=2262 Contents of The Tipitaka Volume 11 http://84000.org/tipitaka/read/?index_11
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]