อรรถกถาเล่มที่ ๑๔ ภาษาบาลีอักษรไทย
 องฺ.อ. (มโนรถ.๑)

ทฺวินฺนํปิ ชนานํ วจนมตฺเตเนว น กโรม ชินภาสิตํ สุตฺตํ อาหรถา"ติ อาหํสุ.
สุตฺตํ อาหริตุํ น ภาโรติ ๑- "อิเม จ สุภทฺท ภิกฺขู สมฺมา วิหเรยฺยุํ, อสุญฺโ
โลโก อรหนฺเตหิ อสฺสาติ ๒- ปฏิปตฺติมูลกํ มหาราช สตฺถุสาสนํ ปฏิปตฺติยํ สาริตํ ๓-
ปฏิปตฺติยํ ธรนฺตํ ๔- ติฏฺตี"ติ ๕- สุตฺตํ อาหรึสุ. อิมํ สุตฺตํ สุตฺวา
ธมฺมกถิกา อตฺตโน วาทปนตฺถาย อิมํ สุตฺตํ อาหรึสุ:-
            "ยาว ติฏฺนฺติ สุตฺตนฺตา       วินโย ยาว ทิปฺปติ
             ตาว ทกฺขนฺติ ๖- อาโลกํ     สุริเย อพฺภุฏฺิเต ยถา.
             สุตฺตนฺเตสุ อสนฺเตสุ         ปมุฏฺเ วินเยปิ จ
             ตโม ภวิสฺสติ โลเก         สุริเย อฏฺงฺคเต ยถา.
             สุตฺตนฺเต รกฺขิเต สนฺเต      ปฏิปตฺติ โหติ รกฺขิตา
             ปฏิปตฺติยํ ิโต ธีโร         โยคกฺเขมา น ธํสตี"ติ.
      อิมสฺมึ สุตฺเต อาหเฏ ปํสุกูลิกตฺเถรา ตุณฺหี อเหสุํ, ธมฺมกถิกตฺเถรานํเยว
วจนํ ปุรโต อโหสิ. ยถา หิ ควสตสฺส วา ควสหสฺสสฺส วา อนฺตเร ปเวณิปาลิกาย
เธนุยา อสติเยว วํโส ปเวณิ ๗- น ฆฏียติ, เอวเมว ๘- อารทฺธวิปสฺสกานํ ภิกฺขูนํ
สเตปิ สหสฺเสปิ สํวิชฺชมาเน ปริยตฺติยา อสติ อริยมคฺคปฏิเวโธ นาม น โหติ.
ยถา จ นิธิกุมฺภิยา ชานนตฺถาย ปาสาณปิฏฺเ  อกฺขเรสุ ปิเตสุ ๙- ยาว อกฺขรา
ธรนฺติ, ตาว นิธิกุมฺภิโย นฏฺา นาม น โหนฺติ, ๑๐-  เอวเมว ปริยตฺติยา ธรมานาย
สาสนํ อนฺตรหิตํ นาม น โหตีติ.
                    ทุติยปมาทาทิวคฺควณฺณนา นิฏฺิตา.
                           ทสโม วคฺโค.
@เชิงอรรถ: ๑ ม. น ครูติ  ๒ ที.ม. ๑๐/๒๑๔/๑๓๓ สุภทฺทปริพฺพาชกวตฺถุ
@๓ ฉ.ม.,อิ. ปฏิปตฺติสารกํ  ๔ ฉ.ม. ปฏิปตฺติยา ธรนฺตาย
@๕ มิลินฺท. ๗/๑๓๖ สทฺธมฺมนฺตรปญฺห (ปริวตฺติตโปตฺถเก)  ๖ ม. รกฺขนฺติ  ๗ ม. สา
@ปเวณิ  ๘ ฉ.ม. เอวเมวํ. เอวมุปริปิ  ๙ สี. อุปนิพทฺเธสุ
@๑๐ ฉ.ม. นิธิกุมฺภิ....โหติ

             อรรถกถาภาษาบาลีอักษรไทย เล่มที่ ๑๔ หน้า ๘๔.
http://84000.org/tipitaka/pitaka_item/read_th.php?B=14&A=1969&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=14&A=1969&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=20&i=99
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=387
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=413
             The Pali Tipitaka in Roman Character :-
http://84000.org/tipitaka/read/roman_read.php?B=20&A=413
             สารบัญพระไตรปิฎกเล่มที่ ๒๐
http://84000.org/tipitaka/read/?index_20