อรรถกถาเล่มที่ ๑๑ ภาษาบาลีอักษรไทย
 สํ.อ. (สารตฺถ.๑)

สพฺพทโท โหตีติ สพฺเพสํเยว พลาทีนํ ทายโก โหติ. เทฺว ตโย คาเม
ปิณฺฑาย จริตฺวา กิญฺจิ อลทฺธา อาคตสฺสาปิ สีตลาย โปกฺขรณิยา นฺหายิตฺวา
ปติสฺสยํ ๑- ปวิสิตฺวา มุหุตฺตํ มญฺเจ นิปชฺชิตฺวา อุฏฺาย นิสินฺนสฺสาปิ กาเย
พลํ อาหริตฺวา ปกฺขิตฺตํ วิย โหติ. พหิ วิจรนฺตสฺส จ กาเย วณฺณายตนํ วาตาตเปหิ
ฌายติ, ปติสฺสยํ ปวิสิตฺวา ทฺวารมฺปิธาย มุหุตฺตํ นิปนฺนสฺส จ วิสภาคสนฺตติ
วูปสมติ, สภาคสนฺตติ โอกฺกมติ, วณฺณายตนํ อาหริตฺวา ปกฺขิตฺตํ วิย โหติ. พหิ
วิจรนฺตสฺส ปาเท กณฺฏโก วิชฺฌติ, ขาณุ ปหรติ, สิรึสปาทิปริสฺสโย ๒-  เจว
โจรภยํ จ อุปฺปชฺชติ, ปติสฺสยํ ปวิสิตฺวา ทฺวารมฺปิธาย นิปนฺนสฺส สพฺเพ เต
ปริสฺสยา น โหนฺติ, ธมฺมํ สชฺฌายนฺตสฺส ธมฺมปีติสุขํ, กมฺมฏฺานํ มนสิกโรนฺตสฺส
อุปสมสุขํ อุปฺปชฺชติ. ตถา พหิ วิจรนฺตสฺส จ เสทา มุญฺจนฺติ, อกฺขีนิ
ผนฺทนฺติ, เสนาสนํ ปวิสนกฺขเณ กูเป โอติณฺโณ วิย โหติ, มญฺจปีาทีนิ น
ปญฺายนฺติ. มุหุตฺตํ นิสินฺนสฺส ปน อกฺขิปสาโท อาหริตฺวา ปกฺขิตฺโต วิย โหติ,
ทฺวารกวาฏวาตปานมญฺจปีาทีนิ ปญฺายนฺติ. เตน วุตฺตํ "โส จ สพฺพทโท
โหติ, โย ททาติ อุปสฺสยนฺ"ติ.
     อมตํ ทโท จ โส โหตีติ ปณีตโภชนสฺส ปตฺตํ ปูเรนฺโต วิย
อมรทานํ นาม เทติ. โย ธมฺมมนุสาสตีติ โย ธมฺมํ อนุสาสติ, อฏฺกถํ
กเถติ, ปาลึ วาเจติ, ปุจฺฉิตปญฺหํ วิสฺสชฺเชติ, กมฺมฏฺานํ อาจิกฺขติ, ธมฺมสฺสวนํ
กโรติ, สพฺโพเปส ธมฺมมนุสาสติ นาม. สพฺพทานานญฺจ อิทํ ธมฺมทานเมว
อคฺคนฺติ เวทิตพฺพํ. วุตฺตมฺปิ เจตํ:-
                 "สพฺพทานํ ธมฺมทานํ ชินาติ
                  สพฺพรสํ ธมฺมรโส ชินาติ
                  สพฺพรตึ ธมฺมรติ ชินาติ
                  ตณฺหกฺขโย สพฺพทุกฺขํ ชินาตี"ติ ๓-
                        ทุติยํ.
@เชิงอรรถ: ๑ ม. อุปสฺสยํ  ๒ ฉ.ม. สรีสปาทิปริสฺสโย  ๓ ขุ. ธมฺม. ๒๕/๓๕๔/๗๘ สกฺกเทวราชวตฺถุ

             อรรถกถาภาษาบาลีอักษรไทย เล่มที่ ๑๑ หน้า ๘๑.
http://84000.org/tipitaka/pitaka_item/read_th.php?B=11&A=2127&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=2127&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=15&i=137
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=923
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=822
             The Pali Tipitaka in Roman Character :-
http://84000.org/tipitaka/read/roman_read.php?B=15&A=822
             สารบัญพระไตรปิฎกเล่มที่ ๑๕
http://84000.org/tipitaka/read/?index_15