บาลีอรรถกถาเล่มที่ ๑๖

หน้าที่ ๑๓๑.

เสสปเทสุ ปเนตฺถ อยมธิปฺปาโย:- พฺราหฺมณา ตาว มนฺเต ลภิตฺวา ลทฺธปติฏฺฐา นาม โหนฺติ, คหปติกา ยงฺกิญฺจิ สิปฺปํ, อิตฺถี กุลทายชฺชสามิกํ ปุตฺตํ, โจรา ยงฺกิญฺจิ อาวุธสตฺถํ, สมณา สีลปริปุณฺณา ^๑- ลทฺธปติฏฺฐา นาม โหนฺติ. ตสฺมา มนฺตาธิฏฺฐานาติอาทีนิ วุตฺตานิ. พฺราหฺมณานญฺจ "ยญฺญํ ยชิสฺสามา"ติ จิตฺตํ อภินิวิสติ, พฺรหฺมโลเก ปตฺเต ปริโยสานปฺปตฺตา นาม โหนฺติ. ตสฺมา เต ยญฺญาภินิเวสา พฺรหฺมโลก- ปริโยสานาติ วุตฺตา. กมฺมนฺตกรณตฺถาย มโน เอเตสํ อภินิวิสตีติ กมฺมนฺตาภินิเวสา. กมฺเม นิฏฺฐิเต ปริโยสานปฺปตฺตา นาม โหนฺตีติ นิฏฺฐิตกมฺมนฺตปริโยสานา. ปุริสาธิปฺปายาติ ปุริเสสุ ปวตฺตอชฺฌาสยา. อลงฺการตฺถาย มโน อุปวิจรติ เอติสฺสาติ อลงฺการูปวิจารา. อสปตี ^๒- หุตฺวา เอกิกาว ฆเร วเสยฺยนฺติ เอวมสฺสา จิตฺตํ อภินิวิสตีติ อสปติอภินิเวสา. ^๓- ฆราวาสิสฺสริเย ลทฺเธ ปริโยสานปฺปตฺตา นาม โหนฺตีติ อิสฺสริยปริโยสานา. ปรภณฺฑสฺส อาทาเน อธิปฺปาโย เอเตสนฺติ อาทานาธิปฺปายา. คหเณ นิลียนฏฺฐาเน เอเตสํ มโน อุปวิจรตีติ คหณูปวิจารา. อนฺธการตฺถาย เอเตสํ จิตฺตํ อภินิวิสตีติ อนฺธการาภินิเวสา. อทสฺสนปฺปตฺตา ปริโยสานปฺปตฺตา โหนฺตีติ อทสฺสนปริโยสานา. อธิวาสนกฺขนฺติยํ จ สุจิภาวสีเล จ อธิปฺปาโย เอเตสนฺติ ขนฺติโสรจฺจาธิปฺปายา. อกิญฺจนภาเว นิคฺคหณภาเว จิตฺตํ เอเตสํ อภินิวิสตีติ อกิญฺจนาภินิเวสา. ^๔- นิพฺพานปฺปตฺตา ปริโยสานปฺปตฺตา โหนฺตีติ นิพฺพาน- ปริโยสานา. @เชิงอรรถ: ^๑ สี. สีเล ปริปุณฺณา ^๒ ฉ.ม. อสปตฺตี @^๓ ฉ.ม. อสปตฺตีภินิเวสา ^๔ ฉ.ม. อากิญฺจญฺญาภินิเวสา

อรรถกถาภาษาบาลีอักษรไทย เล่มที่ ๑๖ หน้า ๑๓๑. http://84000.org/tipitaka/pitaka_item/read_th.php?B=16&A=2953&modeTY=2&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=16&A=2953&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=323 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=8580 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=8534 The Pali Tipitaka in Roman Character :- http://84000.org/tipitaka/read/roman_read.php?B=22&A=8534 สารบัญพระไตรปิฎกเล่มที่ ๒๒ http://84000.org/tipitaka/read/?index_22