อรรถกถาเล่มที่ ๓๗ ภาษาบาลีอักษรไทย
 ชา.อ.๓ ทุกนิปาตวณฺณนา

                       ๖ มจฺฉชาตกํ
     น มายมคฺคิ ตปตีติ อิทํ สตฺถา เชตวเน วิหรนฺโต
ปุราณทุติยิกปโลภนํ อารพฺภ กเถสิ ฯ
     ตญฺหิ ภิกฺขุํ สตฺถา สจฺจํ กิร ตฺวํ ภิกฺขุ อุกฺกณฺิโตติ
ปุจฺฉิตฺวา สจฺจํ ภนฺเตติ วุตฺเต เกน อุกฺกณฺาปิโตสีติ ปุฏฺโ
ปุราณทุติยิกายาติ อาห ฯ อถ นํ สตฺถา อยํ เต ภิกฺขุ อิตฺถี
อนตฺถการิกา, ปุพฺเพปิ ตฺวํ เอตํ นิสฺสาย สูเลน วิชฺฌิตฺวา องฺคาเรสุ
ปจิตฺวา ขาทิตพฺพตํ ปตฺโต ปณฺฑิเต นิสฺสาย ชีวิตํ ลภีติ วตฺวา
อตีตํ อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
ตสฺส ปุโรหิโต อโหสิ ฯ อเถกทิวสํ เกวฏฺฏา ชาเล ลคฺคํ มจฺฉํ
อุทฺธริตฺวา อุณฺหวาลุกาปิฏฺเ เปตฺวา องฺคาเรสุ นํ ปจิตฺวา
ขาทิสฺสามาติ สูลํ ตจฺเฉสุํ ฯ มจฺโฉ มจฺฉึ อารพฺภ ปริเทวมาโน
อิมา คาถา อโวจ
         น มายมคฺคิ ตปติ     น สูโล สาธุ ตจฺฉิโต,
         ยญฺจ มํ มญฺเต มจฺฉี  อญฺ โส รติยา คโต
         โส มํ ทหติ ราคคฺคิ   จิตฺตญฺจูปตเปติ มํ,
         ชาลิโน มุญฺจถยิรา,   น กาเม หญฺเต กฺวจีติ ฯ
     ตตฺถ น มายมคฺคีติ น มํ อยํ อคฺคิ ตปติ น ตาปํ ชเนติ
น โสจยตีติ อตฺโถ ฯ น สูโลติ อยํ สูโลปิ สาธุ ตจฺฉิโต มํ น
ตปติ น เม โสกํ อุปฺปาเทติ ฯ ยญฺจ มํ มญฺเต มจฺฉีติ ยํ
ปน มํ มจฺฉี เอวํ มญฺติ อญฺ มจฺฉึ โส ปญฺจกามคุณรติยา
คโตติ ตเทว มํ ตปติ โสจยติ มํ ทหติ ฯ โส มํ ทหตีติ โย
ปเนส ราคคฺคิ โส มํ ทหติ ฌาเปติ ฯ จิตฺตญฺจูปตเปติ มนฺติ
ราคสมฺปยุตฺตกํ มม จิตฺตเมว มํ อุปตาเปติ กิลเมติ วิเหเติ ฯ
ชาลิโนติ เกวฏฺเฏ อาลปติ ฯ เต หิ ชาลสฺส อตฺถิตาย ชาลิโนติ
วุจฺจนฺติ ฯ มุญฺจถยิราติ ปฏิมุญฺจถ เม ๑- สามิโนติ ยาจติ ฯ น
กาเม หญฺเต กฺวจีติ กาเม ปติฏฺิโต กาเมน นียมาโน สตฺโต
น กฺวจิ หญฺติ ฯ น หิ ตํ ตุมฺหาทิสา หนิตุํ อนุจฺฉวิกาติ
@เชิงอรรถ: ๑ มนฺติปิ ฯ
ปริเทวติ ฯ อถ วา กาเมติ เหตุวจเน ภุมฺมํ, กามเหตุ มจฺฉึ
อนุพนฺธมาโน นาม กฺวจิ ตุมฺหาทิเสหิ หญฺตีติ ปริเทวติ ฯ
     ตสฺมึ ขเณ โพธิสตฺโต นทีตีรํ คโต ตสฺส มจฺฉสฺส ปริเทวิตํ
สุตฺวา เกวฏฺเฏ อุปสงฺกมิตฺวา ตํ มจฺฉํ โมเจติ ฯ
     สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ
สโมธาเนสิ ฯ สจฺจปริโยสาเน อุกฺกณฺิโต ภิกฺขุ โสตาปตฺติผเล
ปติฏฺหิ ฯ ตทา มจฺฉี ปุราณทุติยิกา อโหสิ, อุกฺกณฺิตภิกฺขุ
มจฺโฉ, ปุโรหิโต ปน อหเมวาติ ฯ
                     มจฺฉชาตกํ ฉฏฺ ฯ
                        -------

             อรรถกถาภาษาบาลีอักษรไทย เล่มที่ ๓๗ หน้า ๒๓๖-๒๓๘.
http://84000.org/tipitaka/pitaka_item/read_th.php?B=37&A=4673&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=37&A=4673&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=281
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=1632
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=1619
             The Pali Tipitaka in Roman Character :-
http://84000.org/tipitaka/read/roman_read.php?B=27&A=1619
             สารบัญพระไตรปิฎกเล่มที่ ๒๗
http://84000.org/tipitaka/read/?index_27