อรรถกถาเล่มที่ ๑๕ ภาษาบาลีอักษรไทย
 องฺ.อ. (มโนรถ.๒)

อตฺตานํ ผุสิตุํ น เทติ. สเจ นํ สา ผุสติ, กนฺทติ โรทติ. อถ นํ อยฺยโก
ปฏิชคฺคิ. ๑- ตํ อปรภาเค วุฑฺฒิปฺปตฺตํ อยฺยโก อาห "ตาต กสฺมา ตฺวํ มาตุ
หตฺเถน อตฺตานํ ผุสิตุํ น เทสิ. สเจปิ สา ตํ ผุสติ, มหาสทฺเทน โรทสิ
กนฺทสี"ติ อยฺยเกน ปุฏฺโ "อยฺยก ๒- เอสา มยฺหํ น มาตา, ปจฺจามิตฺตา เอสา"ติ
ตํ ปวุตฺตึ สพฺพํ อาโรเจสิ. โส ตํ อาลิงฺคิตฺวา โรทิตฺวา "เอหิ ตาต, กึ อมฺหากํ
อีทิเส าเน นิวาสกิจฺจนฺ"ติ ตํ อาทาย นิกฺขมิตฺวา เอกํ วิหารํ คนฺตฺวา
ปพฺพชิตฺวา อุโภปิ ตตฺถ วสนฺตา อรหตฺตํ ปาปุณึสุ.
     มหาสาวชฺโชติ โลกวชฺชวเสนปิ วิปากวชฺชวเสนปีติ ทฺวีหิ การเณหิ มหาสาวชฺโช.
กถํ? โทเสนปิ ๓- หิ ทุฏฺโ หุตฺวา มาตริปิ อปรชฺฌติ, ปิตริปิ ภาติกภคินิอาทีสุปิ
ปพฺพชิเตสุปิ. โส คตคตฏฺาเนสุ "อยํ ปุคฺคโล มาตาปิตูสุปิ อปรชฺฌติ,
ภาติกภคินิอาทีสุปิ, ปพฺพชิเตสุปี"ติ มหตึ ครหํ ลภติ. เอวํ ตาว โลกวชฺชวเสน
มหาสาวชฺโช. โทสวเสน ปน กเตน อนนฺตริยกมฺเมน ๔- กปฺปํ นิรเย ปจฺจติ.
เอวํ วิปากวชฺชวเสน มหาสาวชฺโชติ. ขิปฺปวิราคีติ ขิปฺปํ วิรชฺฌติ. โทเสน หิ
ทุฏฺโ มาตาปิตูสุปิ เจติเยปิ โพธิมฺหิปิ ปพฺพชิเตสุปิ อปรชฺฌิตฺวา "มยฺหํ ขมถา"ต
อจฺจยํ เทเสติ. ตสฺส สห ขมาปเนน ๕- ตํ กมฺมํ ปากติกเมว โหติ.
     โมโหปิ ทฺวีเหว การเณหิ มหาสาวชฺโช. กถํ? ๖- โมเหน หิ มูโฬฺห หุตฺวา
มาตาปิตูสุปิ เจติเยปิ โพธิมฺหิปิ ปพฺพชิเตสุปิ อปรชฺฌิตฺวา คตคตฏฺาเน ครหํ
ลภติ. เอวํ ตาว โลกวชฺชวเสน มหาสาวชฺโช. โมหวเสน ปน กเตน อนนฺตริยกมฺเมน
กปฺปํ นิรเย  ปจฺจตีติ. ๗- เอวํ วิปากวชฺชวเสนปิ มหาสาวชฺโช. ทนฺธวิราคีติ
สณิกํ วิรชฺชติ. โมเหน มูเฬฺหน หิ กตกมฺมํ สณิกํ มุจฺจติ. ยถา หิ อจฺฉจมฺมํ
สตกฺขตฺตุํปิ โธวิยมานํ น ปณฺฑรํ โหติ, เอวเมว โมเหน มูเฬฺหน กตกมฺมํ
สีฆํ น มุจฺจติ, สณิกเมว มุจฺจตีติ. เสสเมตฺถ อุตฺตานเมวาติ.
@เชิงอรรถ: ๑ ฉ.ม.,อิ. อยฺยโกว ปฏิชคฺคติ    ๒ ฉ.ม.,อิ. อยํ ปาโ น ทิสฺสติ
@๓ ฉ.ม.,อิ. โทเสน   ๔ ฉ.ม.,อิ. อานนฺตริยกมฺเมน.เอวมุปริปิ
@๕ ม.ขมเนน   ๖ ฉ.ม.,อิ. อยํ สทฺโท น ทิสฺสติ     ๗ ฉ.ม.ปจฺจติ

             อรรถกถาภาษาบาลีอักษรไทย เล่มที่ ๑๕ หน้า ๒๑๓.
http://84000.org/tipitaka/pitaka_item/read_th.php?B=15&A=4922&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=15&A=4922&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=20&i=508
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=5268
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=5379
             The Pali Tipitaka in Roman Character :-
http://84000.org/tipitaka/read/roman_read.php?B=20&A=5379
             สารบัญพระไตรปิฎกเล่มที่ ๒๐
http://84000.org/tipitaka/read/?index_20