อรรถกถาเล่มที่ ๓๖ ภาษาบาลีอักษรไทย
 ชา.อ.๒ เอกนิปาต(๒)

     ตตฺถ เวติ นิปาตมตฺตํ ฯ อนตฺถกุสเลนาติ อนตฺเถ อนายตเน
กุสเลน อตฺเถ อายตเน การเณ อกุสเลน วาติ อตฺโถ ฯ
อตฺถจริยาติ วุฑฺฒิกิริยา ฯ สุขาวหาติ เอวรูเปน อนตฺถกุสเลน
กายิกเจตสิกสุขสงฺขาตสฺส อตฺถสฺส จริยา น สุขาวหา น สกฺกา อาวหิตุนฺติ
อตฺโถ ฯ กึการณา ฯ เอกนฺเตเนว หิ หาเปติ อตฺถํ ทุมฺเมโธติ
พาลปุคฺคโล อตฺถํ กริสฺสามีติ อตฺถํ หาเปตฺวา อนตฺถเมว กโรติ ฯ
กปิ อารามิโก ยถาติ ยถา อาราเม นิยุตฺโต อารามรกฺขนโก มกฺกโฏ
อตฺถํ กริสฺสามีติ อนตฺถเมว กโรติ เอวํ โยโกจิ อนตฺถกุสโล เตน
น สกฺกา อตฺถจริยํ อาวหิตุํ โส ตญฺเว อตฺถํ หาเปติเยวาติ ฯ
เอวํ โส ปณฺฑิตปุริโส อิมาย คาถาย วานรเชฏฺกํ วิครหิตฺวา
อตฺตโน ปริสํ อาทาย อุยฺยานา นิกฺขมิ ฯ
     สตฺถาปิ น ภิกฺขเว เอส คามทารโก อิทาเนว อารามทูสโก
ปุพฺเพปิ อารามทูสโกเยวาติ อิมํ ธมฺมเทสนํ อาหริตฺวา อนุสนฺธึ
ฆเฏตฺวา ชาตกํ สโมธาเนสิ ตทา วานรเชฏฺโก
อารามทูสกคามทารโก อโหสิ ปณฺฑิตปุริโส ปน อหเมวาติ ฯ
                  อารามทูสกชาตกํ ฉฏฺ ฯ
                  ------------------

             อรรถกถาภาษาบาลีอักษรไทย เล่มที่ ๓๖ หน้า ๒๕.
http://84000.org/tipitaka/pitaka_item/read_th.php?B=36&A=493&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=36&A=493&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=46
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=305
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=303
             The Pali Tipitaka in Roman Character :-
http://84000.org/tipitaka/read/roman_read.php?B=27&A=303
             สารบัญพระไตรปิฎกเล่มที่ ๒๗
http://84000.org/tipitaka/read/?index_27