อรรถกถาเล่มที่ ๓๘ ภาษาบาลีอักษรไทย
 ชา.อ.๔ ติก-ปญฺจกนิปาต

                       สีลวีมํสชาตกํ
     นตฺถิ โลเก รโห นามาติ อิทํ สตฺถา เชตวเน วิหรนฺโต
กิเลสนิคฺคหํ อารพฺภ กเถสิ ฯ
     วตฺถุ เอกาทสนิปาเต ปญฺจาลชาตเก ๑- อาวิภวิสฺสติ ฯ อยํ
ปเนตฺถ สงฺเขปตฺโถ ฯ ปญฺจสตา ภิกฺขู อนฺโตเชตวเน วสนฺตา
มชฺฌิมยามสมนนฺตเร กามวิตกฺกํ วิตกฺกยึสุ ฯ สตฺถา สพฺพรตฺตินฺทิวํ
สพฺพกาเล ยถา เอกจกฺขุโก จกฺขุํ เอกปุตฺโต ปุตฺตํ จามรี พาลํ
อปฺปมาเทน รกฺขติ เอวํ นิจฺจกาลํ ภิกฺขู โอโลเกติ ฯ โส
@เชิงอรรถ: ๑ ปานียชาตเก ฯ
รตฺติภาเค ทิพฺพจกฺขุนา เชตวเน โอโลเกนฺโต จกฺกวตฺติรญฺโ
อนฺโตนิเวสเน อุปฺปนฺนโจเร วิย เต ภิกฺขู ทิสฺวา คนฺธกุฏึ วิวริตฺวา
อานนฺทตฺเถรํ ปกฺโกสิตฺวา อานนฺท อนฺโตโกฏิสนฺถาเร ภิกฺขู
สนฺนิปาเตตฺวา คนฺธกุฏิทฺวาเร อาสนํ ปญฺเปหีติ อาห ฯ โส ตถา
กตฺวา สตฺถุ ปฏิเวเทสิ ฯ สตฺถา ปญฺตฺตาสเน นิสีทิตฺวา
สพฺพสงฺคาหิกวเสน อามนฺเตตฺวา ภิกฺขเว โปราณกปณฺฑิตา ปาปกรเณ
รโห นาม นตฺถีติ ปาปํ น กรึสูติ วตฺวา เตหิ ยาจิโต อตีตํ
อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
พฺราหฺมณกุเล นิพฺพตฺติตฺวา วยปฺปตฺโต ตตฺเถว พาราณสิยํ
ทิสาปาโมกฺขสฺส อาจริยสฺส สนฺติเก ปญฺจมาณวสตานํ เชฏฺโก หุตฺวา
สิปฺปํ อุคฺคณฺหติ ฯ อาจริยสฺส วยปฺปตฺตา ธีตา อตฺถิ ฯ โส
จินฺเตสิ อิเมสํ มาณวกานํ สีลํ วีมํสิตฺวา สีลสมฺปนฺนสฺเสว ตํ
ทสฺสามีติ ฯ โส เอกทิวสํ มาณเว อามนฺเตตฺวา ตาตา มยฺหํ
ธีตา วยปฺปตฺตา วิวาหมสฺสา กริสฺสามิ วตฺถาลงฺการํ ลทฺธุํ
วฏฺฏติ ตุมฺเห อตฺตโน าตกานํ อปสฺสนฺตานํ เถเนตฺวา
วตฺถาลงฺการํ อาหรถ เกนจิ อทิฏฺเมว คณฺหามิ ทสฺเสตฺวา อาภตํ
น คณฺหามีติ อาห ฯ เต สาธูติ สมฺปฏิจฺฉิตฺวา ตโต ปฏฺาย
าตกานํ อปสฺสนฺตานํ เถเนตฺวา วตฺถปิลนฺธนาทีนี อาหรนฺติ ฯ
อาจริโย อาภตาภตํ วิสุํ วิสุํ เปสิ ฯ โพธิสตฺโต น กิญฺจิ อาหริ ฯ
อถ นํ อาจริโย อาห ตฺวํ ปน ตาต คนฺตฺวา น กิญฺจิ
อาหรสีติ ฯ อาม อาจริยาติ ฯ กสฺมา ตาตาติ ฯ ตุมฺเห กสฺสจิ
ปสฺสนฺตสฺส อาภตํ น คณฺหถ อหมฺปิ ปาปกมฺมกรเณ รโห น ปสฺสามีติ
ทีเปนฺโต อิมา เทฺว คาถา อาห
       นตฺถิ โลเก รโห นาม     ปาปกมฺมํ ปกุพฺพโต
       ปสฺสนฺติ วนภูตานิ         ตํ พาโล มญฺเต รโห
       อหํ รโห น ปสฺสามิ       สุญฺ วาปิ น วิชฺชติ
       ยตฺถ สุญฺ ๑- น ปสฺสามิ   อสุญฺ โหติ ตํ มยาติ ฯ
     ตตฺถ รโหติ ปฏิจฺฉนฺนฏฺานํ ฯ วนภูตานีติ วเน นิพฺพตฺตภูตานิ ฯ
ตํ พาโลติ ตํ ปาปกมฺมํ รโห มยา กตนฺติ พาโล มญฺติ ฯ
สุญฺ วาปีติ ยํ วา านํ สตฺเตหิ สุญฺ ตุจฺฉํ ภเวยฺย ตมฺปิ
นตฺถีติ อาห ฯ
     อาจริโย ตสฺส ปสีทิตฺวา ตาต น มยฺหํ เคเห ธนํ นตฺถิ
อหํ ปน สีลสมฺปนฺนสฺส ธีตรํ ทาตุกาโม อิเม มาณวเก วีมํสนฺโต
เอวมกาสึ มม ธีตา ตุยฺหํเยว อนุจฺฉวิกาติ ธีตรํ อลงฺกริตฺวา
โพธิสตฺตสฺส อทาสิ ฯ เสสมาณวเก ตุมฺเหหิ อาภตาภตํ ตุมฺหากํ
เคหเมว เนถาติ อาห ฯ
     สตฺถา อิติ โข ภิกฺขเว เต ทุสฺสีลมาณวา อตฺตโน
ทุสฺสีลตาย ตํ อิตฺถึ น ลภึสุ อิตโร ปณฺฑิตมาณโว
สีลสมฺปนฺนตาย ลภีติ วตฺวา อภิสมฺพุทฺโธ หุตฺวา อิตรา เทฺว คาถา
อภาสิ
@เชิงอรรถ: ๑ อญฺ ฯ
       ทุชฺชจฺโจ จ สุชจฺโจ ๑- จ   จณฺโฑ ๒- จ สุขวจฺฉิโต ๓-
       เวชฺฌสนฺโธ จ สีลี จ ๔-    เต ธมฺมํ ชหุมตฺถิกา
       พฺราหฺมโณ จ กถํ ชเห      สพฺพธมฺมาน ปารคู
       โย ธมฺมํ อนุปาเลติ        ธิติมา สจฺจนิกฺกโมติ ฯ
     ตตฺถ ทุชฺชจฺโจติ อาทโย ฉ เชฏฺกมาณวา เตสํ นามํ คณฺหิ ฯ
อวเสสานํ นามํ อคฺคเหตฺวา สพฺพสงฺคาหิกวเสเนว เต ธมฺมํ
ชหุมตฺถิกาติ อาห ฯ ตตฺถ เตติ สพฺเพปิ เต มาณวา ฯ ธมฺมนฺติ
อิตฺถีปฏิลาภสภาวํ ฯ ชหุมตฺถิกาติ ชหุํ อตฺถิกาติ ฯ อยเมว วา
ปาโ ฯ มกาโร ปน พฺยญฺชนสนฺธิวเสน วุตฺโต ฯ อิทํ วุตฺตํ
โหติ สพฺเพปิ เต มาณวา ตาย อตฺถิกาว หุตฺวา อตฺตโน
ทุสฺสีลตาย ตํ อิตฺถีปฏิลาภสภาวํ ชหึสุ ฯ พฺราหฺมโณ จาติ อิตโร
ปน สีลสมฺปนฺโน พฺราหฺมโณ ฯ กถํ ชเหติ เกน การเณน ตํ
อิตฺถีปฏิลาภํ ชหิสฺสติ ฯ สพฺพธมฺมานนฺติ อิมสฺมึ าเน โลกิยานิ
ปญฺจ สีลานิ อฏฺ สีลานิ ตีณิ สุจริตานิ สพฺพธมฺมา นาม
เตสํ โส ปารคโตติ ปารคู ฯ ธมฺมนฺติ วุตฺตปฺปการเมว ธมฺมํ
โย ปาเลติ รกฺขติ ฯ ธิติมาติ สีลรกฺขนธิติยา สมนฺนาคโต ฯ
สจฺจนิกฺกโมติ สจฺจสภาวภูโต ๕- ยถาวุตฺเต สีลธมฺเม นิกฺกเมน
สมนฺนาคโต ฯ
     สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ
@เชิงอรรถ: ๑ อชจฺโจ ฯ  ๒ นนฺโท ฯ  ๓ สุขวจฺฉโน ฯ  ๔ วชฺโฌ อทฺธุวสีโล จ ฯ  ๕ สจฺเจ
@สภาวภูเต ฯ
สโมธาเนสิ ฯ สจฺจปริโยสาเน ตานิ ปญฺจ ภิกฺขุสตานิ อรหตฺเต
ปติฏฺหึสุ ฯ ตทา อาจริโย สารีปุตฺโต อโหสิ ฯ ปณฺฑิตมาณโว
ปน อหเมวาติ ฯ
                    สีลวีมํสชาตกํ ปญฺจมํ
                        -------

             อรรถกถาภาษาบาลีอักษรไทย เล่มที่ ๓๘ หน้า ๒๔๖-๒๕๐.
http://84000.org/tipitaka/pitaka_item/read_th.php?B=38&A=5120&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=38&A=5120&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=518
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2671
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2636
             The Pali Tipitaka in Roman Character :-
http://84000.org/tipitaka/read/roman_read.php?B=27&A=2636
             สารบัญพระไตรปิฎกเล่มที่ ๒๗
http://84000.org/tipitaka/read/?index_27