อรรถกถาเล่มที่ ๑๔ ภาษาบาลีอักษรไทย
 องฺ.อ. (มโนรถ.๑)

ธมฺมํ ปสฺสติ, โส มํ ปสฺสติ. โย มํ ปสฺสติ, โส ธมฺมํ ปสฺสติ. ธมฺมํ หิ
วกฺกลิ ปสฺสนฺโต มํ ปสฺสติ, มํ ปสฺสนฺโต ธมฺมํ ปสฺสตี"ติ.
     สตฺถริ เอวํ  โอวทนฺเตปิ เถโร ทสพลสฺส ทสฺสนํ ปหาย เนว อญฺตฺถ คนฺตุํ
สกฺโกติ. ตโต สตฺถา "อยํ ภิกฺขุ น สํเวคํ อลภิตฺวา พุชฺฌิสฺสตี"ติ อุปกฏฺาย
วสฺสูปนายิกาย ราชคหํ คนฺตฺวา วสฺสูปนายิกทิวเส "อเปหิ วกฺกลี"ติ ตํ เถรํ
ปณาเมสิ. ๑- พุทฺธา จ นาม อาเทยฺยวจนา ๒- โหนฺติ, ตสฺมา เถโร สตฺถารํ
ปฏิปฺผริตฺวา าตุํ อสกฺโกนฺโต เตมาสํ ทสพลสฺส สมฺมุเข อาคนฺตุํ อวิสหนฺโต
"กินฺทานิ สกฺกา กาตุํ, ตถาคเตนมฺหิ ปณามิโต, สมฺมุขีภาวํ น ลภามิ, กึ มยฺหํ
ชีวิเตนา"ติ คิชฺฌกูฏปพฺพเต ปปาตฏฺานํ อภิรุหิ. สตฺถา ตสฺส กิลมนภาวํ ตฺวา
"อยํ ภิกฺขุ มม สนฺติกา อสฺสาสํ อลภนฺโต มคฺคผลานํ อุปนิสฺสยํ นาเสยฺยา"ติ
อตฺตานํ ทสฺเสตุํ โอภาสํ วิสฺสชฺเชสิ. อถสฺส สตฺถุ ทิฏฺกาลโต ปฏฺาย เอวํ
มหนฺตํ โสกสลฺลํ ปหีนํ. สตฺถา สุขตฬาเก โอฆํ อาหรนฺโต วิย วกฺกลิตฺเถรสฺส
พลวปีติโสมนสฺสํ อุปฺปาเทตุํ ธมฺมปเท คาถมาห:-
      "ปาโมชฺชพหุโล ภิกฺขุ     ปสนฺโน พุทฺธสาสเน
       อธิคจฺเฉ ปทํ สนฺตํ      สงฺขารูปสมํ สุขนฺ"ติ. ๓-
       วกฺกลิตฺเถรสฺส จ "เอหิ วกฺกลี"ติ หตฺถํ ปสาเรสิ. เถโร "ทสพโล เม
ทิฏฺโ, เอหีติ อวฺหานมฺปิ ๔- ลทฺธนฺ"ติ พลวปีตึ อุปฺปาเทตฺวา "กุโต คจฺฉามี"ติ
อตฺตโน คมนภาวํ ๕- อชานิตฺวาว ทสพลสฺส สมฺมุเข อากาเส ปกฺขนฺทิตฺวา ปมปาเทน
ปพฺพเต ิโตเยว สตฺถารา วุตฺตกถํ อาวชฺเชนฺโต อากาเสเยว ปีตึ วิกฺขมฺภิตฺวา
สห ปฏิสมฺภิทาหิ อรหตฺตํ ปตฺวา ตถาคตํ วนฺทมาโนว โอตริ. อปรภาเค สตฺถา
อริยคณมชฺเฌ นิสินฺโน เถรํ สทฺธาธิมุตฺตานํ อคฺคฏฺาเน เปสีติ.
                          ทุติยวคฺควณฺณนา.
@เชิงอรรถ: ๑ ฉ.ม. ปณาเมติ  ๒ ม. อเทฺวชฺฌวจนา  ๓ ขุ.ธ. ๒๕/๓๘๑/๘๓ วกฺกลิตฺเถรวตฺถุ
@๔ ฉ.ม. อวฺหายนมฺปิ  ๕ สี.,อิ. ปตนภาวํ

             อรรถกถาภาษาบาลีอักษรไทย เล่มที่ ๑๔ หน้า ๒๒๔.
http://84000.org/tipitaka/pitaka_item/read_th.php?B=14&A=5327&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=14&A=5327&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=20&i=147
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=644
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=628
             The Pali Tipitaka in Roman Character :-
http://84000.org/tipitaka/read/roman_read.php?B=20&A=628
             สารบัญพระไตรปิฎกเล่มที่ ๒๐
http://84000.org/tipitaka/read/?index_20