อรรถกถาเล่มที่ ๓๒ ภาษาบาลีอักษรไทย
 เถร.อ.๑ (ปรมตฺถที.๑)

      อรหตฺตํ ปน ปตฺวา ๑- "อนฺธปุถุชฺชนานํ ปฏิปตฺติโต วิธุรา อริยานํ
ปฏิปตฺตี"ติ อิมสฺส อตฺถสฺส ทสฺสนวเสน ๒- อญฺ พฺยากโรนฺโต:-
     [๗๖] "อุปฺปตนฺเตสุ นิปเต         นิปตนฺเตสุ อุปฺปเต
           วเส อวสมาเนสุ          รมมาเนสุ โน รเม"ติ
คาถํ อภาสิ.
      ตตฺถ อุปฺปตนฺเตสูติ อุณฺณมนฺเตสุ, สตฺเตสุ มานุทฺธจฺจถมฺภสารมฺภาทีหิ
อตฺตุกฺกํสเนน อนุปสนฺเตสุ. นิปเตติ นเมยฺย, เตสญฺเว ปาปธมฺมานํ ปริวชฺชเนน ๓-
นิวาตวุตฺติ ภเวยฺย. นิปตนฺเตสูติ โอณมนฺเตสุ, หีนาธิมุตฺติกตาย โกสชฺเชน จ
คุณโต นิหียมาเนสุ. อุปฺปเตติ อุณฺณเมยฺย, ปณีตาธิมุตฺติกตาย วิริยารมฺเภน จ
คุณโต อุสฺสุกฺเกยฺย. ๔- อถวา อุปฺปตนเตสูติ อุฏฺหนฺเตสุ, กิเลเสสุ ปริยุฏฺาน-
วเสน สีสํ อุกฺขิปนฺเตสุ. นิปเตติ ปฏิสงฺขานพเลน ๕- ยถา เต น อุปฺปชฺชนฺติ, ตถา
อนุรูปปจฺจเวกฺขณาย นิปเตยฺย, วิกฺขมฺเภยฺย เจว สมุจฺฉินฺเทยฺย จ. นิปตนฺเตสูติ
ปริปตนฺเตสุ, อโยนิโสมนสิกาเรสุ วิริยปโยคมนฺทตาย วา ยถารทฺเธสุ สมถ-
วิปสฺสนาธมฺเมสุ หายมาเนสุ. อุปฺปเตติ โยนิโสมนสิกาเรน วิริยารมฺภสมฺปทาย จ
เต อุปฏฺาเปยฺย อุปฺปาเทยฺย วฑฺเฒยฺย จ. วเส อวสมาเนสูติ สตฺเตสุ มคฺค-
พฺรหฺมจริยวาสํ อริยวาสญฺจ อวสนฺเตสุ สยํ ตํ วาสํ วเสยฺยาติ. อริเยสุ วา
กิเลสวาสํ ทุติยกวาสํ อวสนฺเตสุ เยน วาเสน เต อวสมานา นาม โหนฺติ,
สยํ ตถา วเส. รมมาเนสุ โน รเมติ สตฺเตสุ กามคุณรติยา กิเลสรติยา รมนฺเตสุ
สยํ ตถา โน รเม น รเมยฺย, อริเยสุ วา นิรามิสาย ฌานาทิรติยา รมมาเนสุ
สยมฺปิ ตถา รเม, ตโต อญฺถา ปน กทาจิปิ โน รเม นาภิรเมยฺย วาติ อตฺโถ.
                    ปิยญฺชหตฺเถรคาถาวณฺณนา นิฏฺิตา.
@เชิงอรรถ: ๑ สี. ปตฺวา เถโร   ๒ สี. ทสฺสนวเสน อนวเสเสน   ๓ สี. ปริวิวชฺชเนน
@๔ สี. คุณโต อุปฺปเตยฺย อุกฺกํเสยฺย  ๕ สี. ปฏิสงฺขานวเสน

             อรรถกถาภาษาบาลีอักษรไทย เล่มที่ ๓๒ หน้า ๒๖๓.
http://84000.org/tipitaka/pitaka_item/read_th.php?B=32&A=5872&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=32&A=5872&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=26&i=213
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5418
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5638
             The Pali Tipitaka in Roman Character :-
http://84000.org/tipitaka/read/roman_read.php?B=26&A=5638
             สารบัญพระไตรปิฎกเล่มที่ ๒๖
http://84000.org/tipitaka/read/?index_26