อรรถกถาเล่มที่ ๕๒ ภาษาบาลีอักษรไทย
 จริยา.อ. (ปรมตฺถที.)

     อิติ มหาสตฺโต "สเจ มยฺหํ ปกฺขานํ อตฺถิภาโว, เต จ ปสาเรตฺวา
อากาเส อปตนภาโว, ปาทานํ อตฺถิภาโว, เต จ อุกฺขิปิตฺวา อวญฺจนภาโว,
มาตาปิตูนํ มํ กุลาวเกเยว ฉฑฺเฑตฺวา ปลาตภาโว จ สจฺจสภาวภูโต เอว,
ชาตเวท เอเตน สจฺเจน ตฺวํ อิโต ปฏิกฺกมา"ติ กุลาวเก นิปนฺโนว สจฺจกิริยํ
อกาสิ. ตสฺส สห สจฺจกิริยาย โสฬสกรีสมตฺเต าเน ชาตเวโท ปฏิกฺกมิ.
ปฏิกฺกมนฺโต จ น ฌายมาโนว ๑- อรญฺ คโต, อุทเก ปน โอปิลาปิตอุกฺกา วิย
ตตฺเถว นิพฺพายิ. เตน วุตฺตํ:-
       [๘๒] "สห สจฺเจ กเต มยฺหํ      มหาปชฺชลิโต สิขี
            วชฺเชสิ โสฬสกรีสานิ       อุทกํ ปตฺวา ยถา สิขี"ติ.
     สา ปเนสา โพธิสตฺตสฺส วฏฺฏกโยนิยํ ตสฺมึ สมเย พุทฺธคุณานํ อาวชฺชนปุพฺพิกา
สจฺจกิริยา อนญฺสาธารณาติ อาห "สจฺเจน เม สโม นตฺถิ, เอสา เม
สจฺจปารมี"ติ. เตเนว หิ ตสฺส านสฺส สกเลปิ อิมสฺมึ กปฺเป อคฺคินา
อนภิภวนียตฺตา ตํ กปฺปฏฺิยปาฏิหาริยํ นามํ ชาตํ.
     เอวํ มหาสตฺโต สจฺจกิริยวเสน อตฺตโน ตตฺถ วาสีนํ สตฺตานญฺจ โสตฺถึ
กตฺวา ชีวิตปริโยสาเน ยถากมฺมํ คโต. ตทา มาตาปิตโร เอตรหิ มาตาปิตโร
อเหสุํ, วฏฺฏกราชา ปน โลกนาโถ.
     ตสฺส เหฏฺา วุตฺตนเยเนว เสสปารมิโยปิ ยถารหํ นิทฺธาเรตพฺพา. ตถา
ทาวคฺคิมฺหิ ตถา เภรวากาเรน อวตฺถริตฺวา อาคจฺฉนฺเต ตสฺมึ วเย เอกโก หุตฺวาปิ
สารทํ อนาปชฺชิตฺวา สจฺจาทิธมฺมคุเณ พุทฺธคุเณ จ อนุสฺสริตฺวา อตฺตโน เอว
อานุภาวํ นิสฺสาย สจฺจกิริยาย ตตฺถ วาสีนมฺปิ สตฺตานํ โสตฺถิภาวาปาทนาทโย
อานุภาวา วิภาเวตพฺพาติ.
                     วฏฺฏโปตกจริยาวณฺณนา นิฏฺิตา.
                           -----------
@เชิงอรรถ: ๑ สี. นชฺฌายมาโนว

             อรรถกถาภาษาบาลีอักษรไทย เล่มที่ ๕๒ หน้า ๒๗๔.
http://84000.org/tipitaka/pitaka_item/read_th.php?B=52&A=6075&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=52&A=6075&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=33&i=237
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=33&A=9323
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=33&A=12094
             The Pali Tipitaka in Roman Character :-
http://84000.org/tipitaka/read/roman_read.php?B=33&A=12094
             สารบัญพระไตรปิฎกเล่มที่ ๓๓
http://84000.org/tipitaka/read/?index_33