อรรถกถาเล่มที่ ๓๕ ภาษาบาลีอักษรไทย
 ชา.อ.๑ เอกนิปาต(๑)

รุกฺขํ มุญฺจิตฺวา อิโต ปลายนฺตา จตสฺโส ทิสา ภชถ ฯ วงฺกงฺคาติ
สกุเณ อาลปติ ฯ เต หิ อุชุคฺคํ คลํ กทาจิ วงฺกํ กโรนฺติ
ตสฺมา วงฺกงฺคาติ วุจฺจนฺติ ฯ วงฺกา วา เนสํ อุโภสุ ปสฺเสสุ
ปกฺขา ชาตาติปิ วงฺกงฺคา ฯ ชาตํ สรณโต ภยนฺติ อมฺหากํ
อวสฺสยรุกฺขโตเยว ภยํ นิพฺพตฺตํ เอถ อญฺตฺถ คจฺฉามาติ ฯ
     โพธิสตฺตสฺส วจนกรา ปณฺฑิตา สกุณา เตน สทฺธึ
เอกปฺปหาเรเนว อุปฺปติตฺวา อญฺตฺถ คตา ฯ เย ปน อปณฺฑิตา
เต เอวเมวํ อาหํสุ เอส พินฺทุมตฺเต อุทเก กุมฺภีเล ปสฺสตีติ ฯ
ตสฺส วจนํ อคเหตฺวา ตตฺเถว วสึสุ ฯ ตโต นจิรสฺเสว
โพธิสตฺเตน จินฺติตากาเรเนว อคฺคิ นิพฺพตฺติตฺวา ตํ รุกฺขํ อคฺคเหสิ ฯ
ธูเมสุ จ ชาลาสุ จ อุฏฺิตาสุ ธูมนฺธา สกุณา อญฺตฺถ คนฺตุํ
นาสกฺขึสุ อคฺคิมฺหิ ปติตฺวา วินาสํ ปาปุณึสุ ฯ
     สตฺถา เอวํ ภิกฺขุ ปุพฺเพ ติรจฺฉานคตาปิ รุกฺขคฺเค วสนฺตา
อตฺตโน สปฺปายาสปฺปายํ ชานึสุ ตฺวํ กสฺมา น อญฺาสีติ อิมํ
ธมฺมเทสนํ อาหริตฺวา สจฺจานิ ปกาเสสิ ฯ สจฺจปริโยสาเน โส
ภิกฺขุ โสตาปตฺติผเล ปติฏฺหิ ฯ สตฺถาปิ อนุสนฺธึ ฆเฏตฺวา
ชาตกํ สโมธาเนสิ ตทา โพธิสตฺตสฺส วจนกรา สกุณา
พุทฺธปริสา อเหสุํ ปณฺฑิตสกุโณ ปน อหเมวาติ ฯ
                     สกุณชาตกํ ฉฏฺ ฯ
                     ------------

             อรรถกถาภาษาบาลีอักษรไทย เล่มที่ ๓๕ หน้า ๓๒๓.
http://84000.org/tipitaka/pitaka_item/read_th.php?B=35&A=6650&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=35&A=6650&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=36
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=241
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=238
             The Pali Tipitaka in Roman Character :-
http://84000.org/tipitaka/read/roman_read.php?B=27&A=238
             สารบัญพระไตรปิฎกเล่มที่ ๒๗
http://84000.org/tipitaka/read/?index_27