อรรถกถาเล่มที่ ๑๓ ภาษาบาลีอักษรไทย
 สํ.อ. (สารตฺถ.๓)

    อเสจนโก จ สุโข จ วิหาโรติ เอตฺถ ปน นาสฺส เสจนนฺติ
อสจนโก, อนาสิตฺตโก อพฺโพกิณฺโณ ปาฏิเยกฺโก, อาเวณิโก, นตฺถิ เอตฺถ
ปริกมฺเมน วา อุปจาเรน วา สนฺตตา, อาทิสมนฺนาหารโต ๑- ปภุติ อตฺตโน
สภาเวเนว สนฺโต จ ปณีโต จาติ อตฺโถ. เกจิ "อเสจนโกติ อนาสิตฺตโก
โอชวนฺโต, สภาเวเนว มธุโร"ติ วทนฺติ. เอวมยํ อเสจนโก จ อปฺปิตปฺปิตกฺขเณ
กายิกเจตสิกสุขปฺปฏิลาภาย สํวตฺตนโต สุโข จ วิหาโร จาติ ๒- เวทิตพฺโพ.
    อุปฺปนฺนุปฺปนฺเนติ อวิกฺขมฺภิเต. ปาปเกติ ลามเก. อกุสเล ธมฺเมติ
อโกสลฺลสมฺภูเต ธมฺเม. านโส อนฺตรธาเปตีติ ขเณเนว อนฺตรธาเปติ วิกฺขมฺเภติ.
วูปสเมตีติ สุฏฺุ อุปสเมติ, นิพฺเพธภาคิยตฺตา อนุปุพฺเพน อริยมคฺควุทฺธิปฺปตฺโต
สมุจฺฉินฺทติ, ปฏิปฺปสฺสมฺเภตีติ วุตฺตํ โหติ. คิมฺหานํ ปจฺฉิเม มาเสติ
อาสาฬฺหมาเส. อูหตํ รโชชลฺลนฺติ อฏฺมาเส วาตาตปสุกฺขาย โคมหึสาทิปาทปฺ-
ปหารสมฺภินฺนาย ปวิยา อุทฺธํ หตํ อูหตํ อากาเส สมุฏฺิตํ รชํ จ เรณุํ
จ. มหาอกาลเมโฆติ สพฺพํ นภํ อชฺโฌตฺถริตฺวา อุฏฺิโต อาสาฬฺหชุณฺหปกฺเข
สกลํ อฑฺฒมาสํ วสฺสนกเมโฆ. โส หิ อสมฺปตฺเต วสฺสกาเล อุปฺปนฺนตฺตา
อกาลเมโฆติ อิธ อธิปฺเปโต. านโส อนฺตรธาเปติ วูปสเมตีติ ขเณเนว
อทสฺสนํ เนติ ปวิยํ สนฺนิสีทาเปติ. เอวเมว โขติ โอปมฺมนิทสฺสนเมตํ. ตโต
ปรํ วุตฺตนยเมว.

             อรรถกถาภาษาบาลีอักษรไทย เล่มที่ ๑๓ หน้า ๓๕๐.
http://84000.org/tipitaka/pitaka_item/read_th.php?B=13&A=7623&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=13&A=7623&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=19&i=1348
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=19&A=7794
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=19&A=7863
             The Pali Tipitaka in Roman Character :-
http://84000.org/tipitaka/read/roman_read.php?B=19&A=7863
             สารบัญพระไตรปิฎกเล่มที่ ๑๘
http://84000.org/tipitaka/read/?index_19