อรรถกถาเล่มที่ ๓๙ ภาษาบาลีอักษรไทย
 ชา.อ.๕ ฉกฺก-ทสกนิปาต

                      หลิทฺทราคชาตกํ
     สุตีติกฺขนฺติ อิทํ สตฺถา เชตวเน วิหรนฺโต ถูลกุมาริปโลภนํ
อารพฺภ กเถสิ ฯ วตฺถุ เตรสนิปาเต จุลฺลนารทชาตเก อาวีภวิสฺสติ ฯ
     อตีตวตฺถุมฺหิ ปน สา กุมาริกา ตสฺส ตาปสกุมารสฺส สีลํ
ภินฺทิตฺวา อตฺตโน วเส ิตภาวํ ตฺวา อิมํ วญฺเจตฺวา มนุสฺสปถํ
เนสฺสามีติ จินฺเตตฺวา รูปาทิกามคุณวิรหิเต อรญฺเ รกฺขิตสีลํ นาม
น มหปฺผลํ โหติ มนุสฺสปเถ รูปาทีนํ ปจฺจุปฏฺาเน มหปฺผลํ
โหติ เอหิ มยา สทฺธึ ตตฺถ คนฺตฺวา สีลํ รกฺขาหิ กินฺเต
อรญฺเนาติ วตฺวา ปมํ คาถมาห
        สุตีติกฺขํ อรญฺมฺหิ       ปนฺตมฺหิ สยนาสเน
        เย จ คาเม ตีติกฺขนฺติ   เต อุฬารตรา ตยาติ ฯ
     ตตฺถ สุตีติกฺขนฺติ สุฏฺุ อธิวาสนํ ฯ ตีติกฺขนฺตีติ สีตาทีนิ
อธิวาเสนฺติ ฯ
     ตํ สุตฺวา ตาปสกุมาโร ปิตา เม อรญฺ คโต ตสฺมึ
อาคเต ตํ อาปุจฺฉิตฺวา คมิสฺสามีติ อาห ฯ สา จินฺเตสิ ปิตา
กิรสฺส อตฺถิ สเจ มํ โส ปสฺสิสฺสติ กาชโกฏิยาว โปเถตฺวา
วินาสํ ปาเปสฺสติ มยา ปมเมว คนฺตพฺพนฺติ ฯ อถ นํ อาห
เตนหิ อหํ มคฺคสญฺ กุรุมานา ปมตรํ คจฺฉามิ ตฺวํ ปจฺฉา
อาคจฺฉาหีติ ฯ โส ตสฺสา คตกาเล เนว ทารูนิ อาหริ น ปานียํ
น ปริโภชนียํ อุปฏฺาเปสิ เกวลํ ปชฺฌายนฺโตว นิสีทิ ฯ ปิตุ
อาคมนกาเลปิ ปจฺจุคฺคมนํ นากาสิ ฯ อถ นํ ปิตา อิตฺถีนํ
วสงฺคโต เอโสติ ตฺวาปิ กสฺมา ตาต เนว ทารูนิ อาหริ น
ปานียํ น ปริโภชนียํ อุปฏฺาเปสิ ปชฺฌายนฺโตเยว ปน นิสินฺโนสีติ
อาห ฯ ตาปสกุมาโร ตาต อรญฺเ กิร รกฺขิตสีลํ น มหปฺผลํ
โหติ มนุสฺสปเถ มหปฺผลํ โหติ อหํ ตตฺถ คนฺตฺวา สีลํ
รกฺขิสฺสามิ สหาโย เม ปจฺฉา อาคจฺเฉยฺยาสีติ วตฺวา ปุรโต
คโต อหํ เตเนว สทฺธึ คมิสฺสามิ ตตฺถ ปน วสนฺเตน มยา
กถํรูโป ปุริโส เสวิตพฺโพติ  ปุจฺฉนฺโต ทุติยํ คาถมาห
        อรญฺา คามมาคมฺม      กึสีลํ กึวตํ อหํ
        ปุริสํ ตาต เสเวยฺยํ      ตํ เม อกฺขาหิ ปุจฺฉิโตติ ฯ
     อถสฺส ปิตา กเถนฺโต เสสคาถา อภาสิ
        โย เต วิสฺสาสเต ตาต   วิสฺสาสญฺจ ขเมยฺย เต
        สุสฺสูสี จ ตีติกฺขี จ       ตํ ภเชหิ อิโต คโต ฯ
        ยสฺส กาเยน วาจาย     มนสา นตฺถิ ทุกฺกฏํ
        โอรสีว ปติฏฺาย        ตํ ภเชหิ อิโต คโต ฯ
        โย จ ธมฺเมน จรติ      จรนฺโตปิ น มญฺติ
        วิสุทฺธการึ สปฺปญฺ       ตํ ภเชหิ อิโต คโต ฯ
        หลิทฺทราคํ กปิจิตฺตํ       ปุริสํ ราควิราคินํ
        ตาทิสํ ตาต มา เสวิ     นิมฺมนุสฺสมฺปิ เจ สิยา ฯ
        อาสีวิสํว กุปิตํ          มีฬฺหลิตฺตํ มหาปถํ
        อารกา ปริวชฺเชหิ       ยานีว วิสมํ ปถํ ฯ
        อนตฺถา ตาต วฑฺฒนฺติ     พาลํ อจฺจูปเสวโต
        มาสฺสุ พาเลน สงฺคจฺฉิ    อมิตฺเตเนว สพฺพทา ฯ
        ตํ ตาหํ ตาต ยาจามิ     กรสฺสุ วจนํ มม
        มาสฺสุ พาเลน สงฺคจฺฉิ    ทุกฺโข พาเลหิ สงฺคโมติ ฯ
     ตตฺถ โย เต วิสฺสาสเตติ โย ตว วิสฺสาเสยฺย ฯ ขเมยฺย
เตติ โย จ อตฺตนิ ตยา กตํ วิสฺสาสํ ขเมยฺย ฯ สุสฺสูสี จ
ตีติกฺขี จาติ ตว วจนํ สุสฺสูสาย เจว วจนาธิวาสเนน จ สมนฺนาคโต
โย ภเวยฺยาติ อตฺโถ ฯ โอรสีว ปติฏฺายาติ ยถา มาตุ โอรโส
ปุตฺโต ปติฏฺาติ เอวํ ปติฏฺาย ปติฏฺหิตฺวา อตฺตโน มาตรํ
วิย มญฺมาโน ตํ ภเชยฺยาสีติ วทติ ฯ โย จ ธมฺเมน จรตีติ
โย ติวิธสุจริตธมฺเมเนว อิริยติ ฯ น มญฺตีติ ตถา จรนฺโตปิ
จ อหํ ธมฺมํ จรามีติ มานํ น กโรติ ฯ วิสุทฺธการินฺติ วิสุทฺธานํ
ทสนฺนํ กุสลกมฺมปถานํ การกํ ฯ ราควิราคินนฺติ ราคินญฺจ วิราคินญฺจ
รชฺชิตฺวา ตํขณเมว วิรชฺชนสภาวํ ฯ นิมฺมนุสฺสมฺปิ เจ สิยาติ
สเจปิ สกลชมฺพุทีปตลํ นิมฺมนุสฺสํ โหติ โสเยเวโก มนุสฺโส ติฏฺติ
ตถาปิ ตาทิสํ มา เสวิ ฯ มหาปถนฺติ คูถมกฺขิตํ มคฺคํ วิย ฯ
ยานีวาติ ยาเนน คจฺฉนฺโต วิย ฯ วิสมนฺติ นินฺนอุณฺณตขาณุปาสาณาทิ-
วิสมํ ฯ พาลํ อจฺจูปเสวโตติ พาลํ อปญฺ อติเสวนฺตสฺส ฯ สพฺพทาติ
ตาต พาเลน สทฺธึ สํวาโส นาม อมิตฺตสํวาโส วิย สพฺพทา
นิจฺจกาลเมว ทุกฺโข ฯ ตํ ตาหนฺติ เตน การเณน ตํ อหํ ฯ
     โส เอวํ ปิตรา โอวทิโต ตาต อหํ มนุสฺสปถํ คนฺตฺวา
ตุมฺหาทิเส ปณฺฑิเต น ลภิสฺสามิ ตตฺถ คนฺตุํ ภายามิ อิเธว
ตุมฺหากํ สนฺติเก วสิสฺสามีติ อาห ฯ อถสฺส ปิตา ภิยฺโยปิ โอวาทํ
ทตฺวา กสิณปริกมฺมํ อาจิกฺขิ ฯ โส น จิรสฺเสว อภิญฺา จ
สมาปตฺติโย จ อุปฺปาเทตฺวา สทฺธึ ปิตรา พฺรหฺมโลกปรายโน อโหสิ ฯ
     สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ
สโมธาเนสิ ฯ สจฺจปริโยสาเน อุกฺกณฺิตภิกฺขุ โสตาปตฺติผเล
ปติฏฺหิ ฯ ตทา ตาปสกุมาโร อุกฺกณฺิตภิกฺขุ อโหสิ กุมาริกา
ถูลกุมาริกาว ปิตา ปน อหเมวาติ ฯ
                   หลิทฺทราคชาตกํ นวมํ ฯ

             อรรถกถาภาษาบาลีอักษรไทย เล่มที่ ๓๙ หน้า ๓๙๔-๓๙๗.
http://84000.org/tipitaka/pitaka_item/read_th.php?B=39&A=7955&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=39&A=7955&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=1283
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=5328
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=5383
             The Pali Tipitaka in Roman Character :-
http://84000.org/tipitaka/read/roman_read.php?B=27&A=5383
             สารบัญพระไตรปิฎกเล่มที่ ๒๗
http://84000.org/tipitaka/read/?index_27