อรรถกถาเล่มที่ ๓๒ ภาษาบาลีอักษรไทย
 เถร.อ.๑ (ปรมตฺถที.๑)

           อฏฺารเส กปฺปสเต          ยํ พุทฺธมภิปูชยึ
           ทุคฺคตึ นาภิชานามิ           พุทฺธปูชายิทํ ผลํ.
           กิเลสา ฌาปิตา มยฺหํ ฯเปฯ    กตํ พุทฺธสฺส สาสนนฺ"ติ.
      อรหตฺตํ ปน ปตฺวา อตฺตโน ปฏิปตฺตึ ปจฺจเวกฺขิตฺวา สญฺชาตโสมนสฺโส
อุทานวเสน:-
    [๑๑๖] "ฉผสฺสายตเน หิตฺวา          คุตฺตทฺวาโร สุสํวุโต
           อฆมูลํ วเมตฺวาน ๑-         ปตฺโต เม อาสวกฺขโย"ติ
คาถํ อภาสิ.
      ตตฺถ ฉผสฺสายตเน หิตฺวาติ จกฺขุสมฺผสฺสาทีนํ ฉนฺนํ สมฺผสฺสานํ
อุปฺปตฺติฏฺานตาย "ผสฺสายตนานี"ติ ลทฺธนามานิ จกฺขาทีนิ ฉ อชฺฌตฺติกายตนานิ
ตปฺปฏิพทฺธสงฺกิเลสปฺปหานวเสน ปหาย. คุตฺตทฺวาโร สุสํวุโตติ ตโตเอว จกฺขุ-
ทฺวาราทีนํ คุตฺตตฺตา, ตตฺถ ปวตฺตนการํ อภิชฺฌาทีนํ ปาปธมฺมานํ ปเวสนนิวารเณน
สติกวาเฏน สุฏฺุ ปิหิตตฺตา คุตฺตทฺวาโร สุสํวุโต. อถวา มนจฺฉฏฺานํ
ฉนฺนํ ทฺวารานํ วุตฺตนเยน รกฺขิตตฺตา คุตฺตทฺวาโร, กายาทีหิ สุฏฺุ สญฺตตฺตา
สุสํวุโตติ เอวเมตฺถ อตฺโถ เวทิตพฺโพ. อฆมูลํ วเมตฺวานาติ อฆสฺส วฏฺฏทุกฺขสฺส
มูลภูตํ อวิชฺชาภวตณฺหาสงฺขาตํ โทสํ, สพฺพํ วา กิเลสโทสํ อริยมคฺคสงฺขาต-
วมนโยคปาเนน ๒- อุคฺคิริตฺวา สนฺตานโต พหิ กตฺวา, พหิกรณเหตุ วา. ปตฺโต
เม อาสวกฺขโยติ กามาสวาทโย อาสวา เอตฺถ ขียนฺติ, เตสํ วา ขเยน ปตฺตพฺโพติ
อาสวกฺขโย, นิพฺพานํ อรหตฺตญฺจ. โส อาสวกฺขโย ปตฺโต อธิคโตติ อุทานวเสน
อญฺ พฺยากาสิ.
                   ปาราปริยตฺเถรคาถาวณฺณนา นิฏฺิตา.
@เชิงอรรถ: ๑ ฉ.ม. วมิตฺวา        ๒ ม......วมนโยคปาทเนน

             อรรถกถาภาษาบาลีอักษรไทย เล่มที่ ๓๒ หน้า ๓๕๙.
http://84000.org/tipitaka/pitaka_item/read_th.php?B=32&A=8001&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=32&A=8001&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=26&i=253
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5639
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5813
             The Pali Tipitaka in Roman Character :-
http://84000.org/tipitaka/read/roman_read.php?B=26&A=5813
             สารบัญพระไตรปิฎกเล่มที่ ๒๖
http://84000.org/tipitaka/read/?index_26