อรรถกถาเล่มที่ ๒ ภาษาบาลีอักษรไทย
 วินย.อ. (สมนฺต.๒)

     {๒๓๐} จตุตฺถสิกฺขาปเท ฯ กาณมาตาติ กาณาย มาตา ฯ สา
กิรสฺสา ธีตา อภิรูปา ทสฺสนียา อโหสิ ฯ เย เย ตํ ปสฺสนฺติ
เต เต ราเคน กาณา โหนฺติ ราคนฺธา โหนฺตีติ อตฺโถ ฯ
ตสฺมา ปเรสํ กาณภาวกรณโต กาณาติ วิสฺสุตา อโหสิ ฯ
ตสฺสา วเสน มาตาปิสฺสา กาณมาตาติ ปากฏา ชาตา ฯ อาคตนฺติ
อาคมนํ ฯ กิสฺมึ วิยาติ กีทิสํ วิย ฯ ลชฺชนกํ วิย โหตีติ อธิปฺปาโย ฯ
ริตฺตหตฺถํ คนฺตุนฺติ ริตฺตา หตฺถา อสฺมึ คมเน ตทิทํ ริตฺตหตฺถํ ฯ
ตํ ริตฺตหตฺถํ คมนํ คนฺตุํ ลชฺชนกํ วิย โหตีติ วุตฺตํ โหติ ฯ
ปริกฺขยํ อคมาสีติ อุปาสิกา อริยสาวิกา ภิกฺขู ทิสฺวา สนฺตํ
อทาตุํ น สกฺโกติ ตสฺมา ตาว ทาเปสิ ยาว สพฺพํ ปริกฺขยํ
อคมาสิ ฯ ธมฺมิยา กถายาติ เอตฺถ กาณาปิ มาตุ อตฺถาย
เทสิยมานํ ธมฺมํ สุณนฺตี เทสนาปริโยสาเน โสตาปนฺนา อโหสิ ฯ
อุฏฺายาสนา ปกฺกามีติ อาสนโต อุฏฺหิตฺวา คโต ฯ โสปิ ปุริโส
สตฺถา กิร กาณมาตาย นิเวสนํ อคมาสีติ สุตฺวา กาณํ อาเนตฺวา
ปกติฏฺาเนเยว เปสิ ฯ {๒๓๑} อิมสฺมึ ปน วตฺถุสฺมึ อุปฺปนฺนมตฺเต
อปฺปญฺตฺเตเนว สิกฺขาปเท ปาเถยฺยวตฺถุ อุทปาทิ ฯ ตสฺมา
อนนฺตรเมว เจตํ ทสฺเสตุํ เตน โข ปน สมเยนาติ อาทิ วุตฺตํ ฯ
โสปิ จ อุปาสโก อริยสาวกตฺตา สพฺพเมว ทาเปสิ ฯ
เตน วุตฺตํ ปริกฺขยํ อคมาสีติ ฯ {๒๓๓} ยงฺกิญฺจิ ปหิณกตฺถายาติ
ปณฺณาการตฺถาย ปฏิยตฺตํ ยงฺกิญฺจิ อติรสกโมทกสกฺขลิกาทิ สพฺพํ
อิธ ปูโวเตฺวว สงฺขฺยํ คจฺฉติ ฯ ยงฺกิญฺจิ ปาเถยฺยตฺถายาติ มคฺคํ
คจฺฉนฺตานํ อนฺตรามคฺคตฺถาย ปฏิยตฺตํ ยงฺกิญฺจิ พทฺธสตฺตุอพทฺธ-
สตฺตุติลตณฺฑุลาทิ สพฺพํ อิธ มนฺโถเตฺวว สงฺขฺยํ คจฺฉติ ฯ ตโต เจ
อุตฺตรินฺติ สเจ ตติยปตฺตํ ถูปีกตํ คณฺหาติ ปูวคณนาย ปาจิตฺติยํ ฯ
     ทฺวิตฺติปตฺตปูเร ปฏิคฺคเหตฺวาติ มุขวฏฺฏิยา เหฏฺิมเลขาย
สมปูเร ปตฺเต คเหตฺวา ฯ อมุตฺร มยา ทฺวิตฺติปตฺตปูราติ เอตฺถ
สเจ เทฺว คหิตา อมุตฺร มยา เทฺว ปตฺตปูรา ปฏิคฺคหิตา ตฺวํ
เอกํ คณฺเหยฺยาสีติ วตฺตพฺพํ ฯ เตนาปิ อญฺ ปสฺสิตฺวา ปมํ
อาคเตน เทฺว ปตฺตปูรา คหิตา มยา เอโก มา ตฺวํ คณฺหีติ
วตฺตพฺพํ ฯ เยน ปมํ เอโก คหิโต ตสฺสาปิ ปรมฺปราโรจเน
เอเสว นโย ฯ เยน ปน สยเมว ตโย คหิตา เตน อญฺ
ทิสฺวา มา โข เอตฺถ ปฏิคฺคณฺหาติ วตฺตพฺพํ ฯ ปฏิกฺกมนํ
นีหริตฺวาติ อาสนสาลํ หริตฺวา ฯ อาสนสาลํ คจฺฉนฺเตน จ
ฉฑฺฑิตสาลา น คนฺตพฺพา ฯ ยตฺถ มหาภิกฺขุสงฺโฆ นิสีทติ ตตฺถ
คนฺตพฺพํ ฯ มหาปจฺจริยํ ปน วุตฺตํ ยา ลทฺธฏฺานโต อาสนฺนา
อาสนสาลา ตตฺถ คนฺตพฺพํ อตฺตโน สนฺทิฏฺสมฺภตฺตานํ วา
เอกนิกายิกานํ วา ทสฺสามีติ อญฺตฺถ คนฺตุํ น ลพฺภติ สเจ
ปนสฺส นิพทฺธนิสีทนฏฺานํ โหติ ทูรํปิ คนฺตุํ วฏฺฏตีติ ฯ
     สํวิภชิตพฺพนฺติ สเจ ตโย ปตฺตปูรา คหิตา เอกํ อตฺตโน เปตฺวา
เทฺว ปตฺตปูรา ภิกฺขุสงฺฆสฺส ทาตพฺพา ฯ สเจ เทฺว คหิตา เอกํ
อตฺตโน เปตฺวา เอโก สงฺฆสฺส ทาตพฺโพ ฯ ยถามิตฺตํ ปน
ทาตุํ น ลพฺภติ ฯ เยน เอโก คหิโต น เตน กิญฺจิ อกามา
ทาตพฺพํ ยถารุจึ กาตพฺพํ ฯ {๒๓๕} คมเน ปฏิปฺปสฺสทฺเธติ อนฺตรามคฺเค
อุปทฺทวํ วา ทิสฺวา อนตฺถิกตาย วา มยํ อิทานิ น เปสิสฺสาม
น คมิสฺสามาติ เอวํ คมเน ปฏิปฺปสฺสทฺเธ อุปจฺฉินฺเน ฯ าตกานํ
ปวาริตานนฺติ เอเตสํ พหุํปิ เทนฺตานํ ปฏิคฺคณฺหนฺตสฺส อนาปตฺติ ฯ
อฏฺกถาสุ ปน เตสํปิ ปาเถยฺยปหิณตฺถาย ปฏิยตฺตโต ปมาณเมว
วฏฺฏตีติ วุตฺตํ ฯ เสสํ อุตฺตานเมว ฯ ฉสฺสมุฏฺานํ กิริยา
โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ
ติจิตฺตํ ติเวทนนฺติ ฯ
                 กาณมาตาสิกฺขาปทํ จตุตฺถํ ฯ

             อรรถกถาภาษาบาลีอักษรไทย เล่มที่ ๒ หน้า ๓๙๖-๓๙๘.
http://84000.org/tipitaka/pitaka_item/read_th.php?B=2&A=8348&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=8348&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=2&i=494
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=2&A=10590
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=2&A=5789
             The Pali Tipitaka in Roman Character :-
http://84000.org/tipitaka/read/roman_read.php?B=2&A=5789
             สารบัญพระไตรปิฎกเล่มที่ ๑
http://84000.org/tipitaka/read/?index_2