อรรถกถาเล่มที่ ๔ ภาษาบาลีอักษรไทย
 ที.อ. (สุมงฺคล.๑)

                           สีลกฺขนฺธวณฺณนา
      [๔๕๐-๔๕๓] ตโต เถเรน "อริยสฺส สีลกฺขนฺธสฺสา"ติ เตสุ
ทสฺสิเตสุ ปุน "กตโม ปน โส โภ อานนฺท อริโย สีลกฺขนฺโธ"ติ เอเกกํ
ปุจฺฉิ. เถโรปิสฺส พุทฺธุปฺปาทํ ทสฺเสตฺวา ตนฺติธมฺมํ ทสฺเสนฺโต ๑- อนุกฺกเมน
ภควตา วุตฺตนเยเนว สพฺพํ วิสฺสชฺเชสิ. ตตฺถ อตฺถิ เจเวตฺถ อุตฺตรึ กรณียนฺติ
เอตฺถ ภควโต สาสเน น สีลเมว สาโร, เกวลญฺเจตํ ปติฏฺามตฺตเมว โหติ.
อิโต อุตฺตรึ ปน อญฺปิ กตฺตพฺพํ อตฺถิเยวาติ ทสฺเสติ. อิโต พหิทฺธาติ
พุทฺธสาสนโต พหิทฺธา.
                          สมาธิกฺขนฺธวณฺณนา
      [๔๕๔] กถญฺจ มาณว ภิกฺขุ อินฺทฺริเยสุ คุตฺตทฺวาโร โหตีติ
อิทมายสฺมา อานนฺโท "กตโม ปน โส โภ อานนฺท อริโย สมาธิกฺขนฺโธ"ติ
เอวํ สมาธิกฺขนฺธํ ปุฏฺโปิ เย เต "สีลสมฺปนฺโน อินฺทฺริเยสุ คุตฺตทฺวาโร
สติสมฺปชญฺเน สมนฺนาคโต สนฺตุฏฺโ"ติ เอวํ สีลานนฺตรํ อินฺทฺริยสํวราทโย
สีลสมาธีนํ อนฺตเร อุภินฺนํปิ อุปการกธมฺมา อุทฺทิฏฺา, เต นิทฺทิสิตฺวา ๒-
สมาธิกฺขนฺธํ ทสฺเสตุกาโม อารภิ. เอตฺถ จ รูปชฺฌานาเนว อาคตานิ, น
อรูปชฺฌานานิ, อาเนตฺวา ปน ทีเปตพฺพานิ. จตุตฺถชฺณาเนน หิ อสงฺคหิตา
อรูปสมาปตฺติ นาม นตฺถิเยว.
      [๔๗๑-๔๘๐] อตฺถิ เจเวตฺถ อุตฺตริ กรณียนฺติ เอตฺถ ภควโต
สาสเน น จิตฺเตกคฺคตามตฺตเกเนว ปริโยสานปฺปตฺติ นาม อตฺถิ, อิโตปิ อุตฺตริ
ปุน อญฺ กาตพฺพํ อตฺถิเยวาติ ทสฺเสติ. นตฺถิ เจเวตฺถ อุตฺตริกรณียนฺติ เอตฺถ
ภควโต สาสเน อิโต อุตฺตริ กาตพฺพํ นาม นตฺถิเยว, อรหตฺตปริโยสานํ หิ
ภควโต สาสนนฺติ ทสฺเสติ. เสสํ สพฺพตฺถ อุตฺตานตฺถเมวาติ.
                  อิติ สุมงฺคลวิลาสินิยา ทีฆนิกายฏฺกถาย
                        สุภสุตฺตวณฺณนา นิฏฺิตา.
                              ทสมํ.
                       ------------------
@เชิงอรรถ: ๑ ฉ.ม. เทเสนฺโต          ๒ ม. อุทฺทิสิตฺวา

             อรรถกถาภาษาบาลีอักษรไทย เล่มที่ ๔ หน้า ๓๒๑.
http://84000.org/tipitaka/pitaka_item/read_th.php?B=4&A=8402&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=4&A=8402&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=9&i=314
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=9&A=6777
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=9&A=4965
             The Pali Tipitaka in Roman Character :-
http://84000.org/tipitaka/read/roman_read.php?B=9&A=4965
             สารบัญพระไตรปิฎกเล่มที่ ๙
http://84000.org/tipitaka/read/?index_9