อรรถกถาเล่มที่ ๓๒ ภาษาบาลีอักษรไทย
 เถร.อ.๑ (ปรมตฺถที.๑)

อุปกฺกิตวาทโจทนาย อตฺตโน กามราคาปนยนํ สนฺธาย วทติ. ภควา หิ อายสฺมนฺตํ
นนฺทตฺเถรํ ปมํ ชนปทกลฺยาณึ อุปาทาย "ยถายํ มกฺกฏี, เอวํ กกุฏปาทินิโย
อุปาทาย ชนปทกลฺยาณี"ติ มหติยา อาณิยา ขุทฺทกํ อาณึ นีหรนฺโต ฉฑฺฑโก
วิย, สิเนหปาเนน สรีรํ กิเลเทตฺวา ๑- วมนวิเรจเนหิ โทสํ นีหรนฺโต ภิสกฺโก วิย
จ กกุฏปาทินิทสฺสเนน ชนปทกลฺยาณิยํ ๒- วิรตฺตจิตฺตํ กาเรตฺวา ปุน อุปกฺกิตวาเทน
กกุฏปาทินีสุปิ จิตฺตํ วิราเชตฺวา สมฺมเทว สมถวิปสฺสนานุโยเคน อริยมคฺเค
ปติฏฺาเปสิ. เตน วุตฺตํ "โยนิโส ปฏิปชฺชิตฺวา, ภเว จิตฺตํ อุทพฺพหินฺ"ติ.
อุปาเยน าเยน ๓- สมฺมเทว สมถวิปสฺสนาย วิสุทฺธิปฏิปทํ ปฏิปชฺชิตฺวา ภเว
สํสารปงฺเก นิมุคฺคญฺจ เม จิตฺตํ อริยมคฺเคน หตฺเถน อุตฺตารึ, นิพฺพานถเล
ปติฏฺาเปสินฺติ อตฺโถ.
      อิมํ อุทานํ อุทาเนตฺวา เถโร ปุนทิวเส ภควนฺตํ อุปสงฺกมิตฺวา เอวมาห "ยํ
เม ภนฺเต ภควา ปาฏิโภโค ปญฺจนฺนํ อจฺฉราสตานํ ปฏิลาภาย กกุฏปาทานํ, มุญฺจามหํ
ภนฺเต ภควนฺตํ เอตสฺมา ปฏิสฺสวา"ติ. ๔- ภควาปิ "ยเทว โข เต นนฺท อนุปาทาย
อาสเวหิ จิตฺตํ วิมุตฺตํ, อถาหํ มุตฺโต เอตสฺมา ปฏิสฺสวา"ติ ๔- อาห. อถสฺส ภควา
สวิเสสํ อินฺทฺริเยสุ คุตฺตทฺวารตํ ตฺวา ตํ คุณํ วิภาเวนฺโต "เอตทคฺคํ ภิกฺขเว
มม สาวกานํ ภิกฺขูนํ อินฺทฺริเยสุ คุตฺตทฺวารานํ ยทิทํ นนฺโท"ติ ๕- อินฺทฺริเยสุ
คุตฺตทฺวารภาเวน อคฺคฏฺาเน เปสิ. เถโร หิ "ยเมวาหํ อินฺทริยานํ อสํวรํ
นิสฺสาย อิมํ วิปฺปการํ ปตฺโต, ตเมวาหํ สุฏฺุ นิคฺคเหสฺสามี"ติ อุสฺสาหชาโต
พลวหิโรตฺตปฺโป ตตฺถ จ กตาธิการตฺตา อินฺทฺริยสํวเร อุกฺกํสปารมึ อคมาสีติ.
                     นนฺทตฺเถรคาถาวณฺณนา นิฏฺิตา.
@เชิงอรรถ: ๑ สี. สรีรา ขีรํ ทตฺวา, อิ. สรีรํ อุกฺกิเลเทตฺวา   ๒ อิ. กลฺยาณึ
@๓ สี.,อิ. อุทยพฺพเยน าเณน                 ๔ ขุ.อุ. ๒๕/๒๒/๑๒๔ นนฺทสุตฺต
@๕ องฺ.เอกก. ๒๐/๒๓๐/๒๕ เอตทคฺควคฺค: จตุตฺถวคฺค

             อรรถกถาภาษาบาลีอักษรไทย เล่มที่ ๓๒ หน้า ๔๒๙.
http://84000.org/tipitaka/pitaka_item/read_th.php?B=32&A=9579&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=32&A=9579&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=26&i=276
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5800
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5957
             The Pali Tipitaka in Roman Character :-
http://84000.org/tipitaka/read/roman_read.php?B=26&A=5957
             สารบัญพระไตรปิฎกเล่มที่ ๒๖
http://84000.org/tipitaka/read/?index_26