ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย  
อรรถกถาเล่มที่ ๓ ภาษาบาลีอักษรไทย วินย.อ. (สมนฺต.๓)

หน้าที่ ๒๒๗.

เวทิตพฺโพ ฯ ภควา ภนฺเต ปํสุกูลิโก ภิกฺขุสงฺโฆ จาติ ภควโต หิ พุทฺธตฺตปฺปตฺติโต ปฏฺาย ยาว อิทํ วตฺถุํ เอตฺถนฺตเร วีสติ วสฺสานิ น โกจิ ภิกฺขุ คหปติจีวรํ สาทิยิ สพฺเพ ปํสุกูลิกาว อเหสุํ เตนายเมวมาห ฯ คหปติจีวรนฺติ คหปตีหิ ทินฺนจีวรํ ฯ ธมฺมิยา กถายาติ วตฺถทานานิสํสปฏิสํยุตฺตาย กถาย ฯ อิตรีตเรนาปีติ อปฺปคฺเฆนปิ มหคฺเฆนปิ เยน เกนจีติ อตฺโถ ฯ ปาวาโรติ สโลมโก กปฺปาสิกปาวาโร ฯ อนุชานามิ ภิกฺขเว โกชวนฺติ เอตฺถ ปกติโกชวเมว วฏฺฏติ มหาปิฏฺิยโกชวํ น วฏฺฏติ ฯ โกชวนฺติ อุณฺณามโย ปาวารสทิโส ฯ {๓๓๘} กาสิราชาติ กาสีนํ ราชา ปเสนทิสฺส เอกปิติกภาตา เอส ฯ อฑฺฒกาสิยนฺติ เอตฺถ กาสีติ สหสฺสํ วุจฺจติ ตํอคฺฆนโก กาสิโย อยมฺปน ปญฺจสตานิ อคฺฆติ ตสฺมา อฑฺฒกาสิโยติ วุตฺโต เตเนวาห อุปฑฺฒกาสีนํ ขมมานนฺติ ฯ {๓๓๙} อุจฺจาวจานีติ สุนฺทรานิ จ อสุนฺทรานิ จ ฯ ภงฺคนฺนาม โขมอาทีหิ ปญฺจหิ สุตฺเตหิ มิสฺเสตฺวา กตํ ฯ วากมยเมวาติปิ วทนฺติ ฯ {๓๔๐} เอกํเยว ภควตา จีวรํ อนุญฺาตํ น เทฺวติ เต กิร อิตรีตเรน จีวเรนาติ เอกสฺส คหปติเกน วา ปํสุกูเลน วาติ เอวํ อตฺถํ สลฺลกฺขยึสุ ฯ นาคเมสุนฺติ ยาว เต สุสานโต อาคจฺฉนฺติ ตาว เต น อจฺฉึสุ ปกฺกมึสุเยว ฯ นากามา ภาคํ ทาตุนฺติ น อนิจฺฉาย ทาตุํ ยทิ ปน อิจฺฉนฺติ ทาตพฺโพ ฯ อาคเมสุนฺติ อุปจาเร อจฺฉึสุ ฯ เตน ภควา อาห อนุชานามิ ภิกฺขเว อาคเมนฺตานํ อกามา

--------------------------------------------------------------------------------------------- หน้าที่ ๒๒๘.

ภาคํ ทาตุนฺติ ฯ ยทิ ปน มนุสฺสา อิธาคตาเอว คณฺหนฺตูติ เทนฺติ สญฺาณํ วา กตฺวา คจฺฉนฺติ สมฺปตฺตา คณฺหนฺตูติ สมฺปตฺตานํ สพฺเพสมฺปิ ปาปุณนฺติ ฯ สเจ ฉฑฺเฑตฺวา คตา เยน คหิตํ โส เอว สามี ฯ สทิสา โอกฺกมึสูติ สพฺเพ โอกฺกมึสุ เอกทิสาย วา โอกฺกมึสูติ อตฺโถ ฯ เต กติกํ กตฺวาติ ลทฺธปํสุกูลํ สพฺเพสํ ภาเชตฺวา คณฺหิสฺสามาติ พหิเยว กติกํ กตฺวา ฯ

             อรรถกถาภาษาบาลีอักษรไทย เล่มที่ ๓ หน้า ๒๒๗-๒๒๘. http://84000.org/tipitaka/pitaka_item/read_th.php?B=3&A=4665&modeTY=1&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=3&A=4665&modeTY=1&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=5&i=135              เนื้อความพระไตรปิฎกฉบับหลวง :- http://84000.org/tipitaka/read/r.php?B=5&A=3587              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=5&A=3878              The Pali Tipitaka in Roman Character :- http://84000.org/tipitaka/read/roman_read.php?B=5&A=3878              สารบัญพระไตรปิฎกเล่มที่ ๔ http://84000.org/tipitaka/read/?index_5

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]