บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๑- "โย สีตวนํ อุปคา ภิกฺขุ เอโก สนฺตุสิโต สมาหิตตฺโต วิชิตาวี อเปตโลมหํโส รกฺขํ กายคตาสตึ ธิติมา"ติ คาถํ สตฺถุ นิเวเทสุํ. ๑- ตตฺถ สีตวนนฺติ เอวํนามกํ ราชคหสมีเป มหนฺตํ เภรวํ สุสานวนํ. อุปคาติ นิวาสนวเสน อุปคญฺฉิ. ๒- เอเตน ภควตา อนุญฺาตํ ปพฺพชิตานุรูปํ นิวาสนฏฺานํ ทสฺเสติ. ภิกฺขูติ สํสาเร ภยสฺส อิกฺขนโต ภินฺนกิเลสตาย จ ภิกฺขุ. เอโกติ อทุติโย, อทุติโย, เอเตน กายวิเวกํ ทสฺเสติ. สนฺตุสิโตติ สนฺตุฏฺโ. เอเตน จตุปจฺจยสนฺโตสลกฺขณํ อริยวํสํ ทสฺเสติ. สมาหิตตฺโตติ อุปจารปฺปนาเภเทน สมาธินา สมาหิตจิตฺโต, เอเตน วิเวกภาวนามุเขน ๓- ภาวนารามํ อริยวํสํ ทสฺเสติ. วิชิตาวีติ สาสเน สมฺมาปฏิปชฺชนฺเตน วิเชตพฺพํ กิเลสคณํ วิชิตฺวา ิโต, เอเตน อุปธิวิเวกํ ทสฺเสติ. ภยเหตูนํ กิเลสานํ อปคตตฺตา อเปตโลมหํโส, เอเตน สมฺมาปฏิปตฺติยา ผลํ ทสฺเสติ. รกฺขนฺติ รกฺขนฺโต. กายคตาสตินฺติ กายารมฺมณํ สตึ, กายคตาสติกมฺมฏฺานํ ปริพฺรูหนวเสน อวิสฺสชฺเชนฺโต. ธิติมาติ ธีโร, สมาหิตตฺตํ วิชิตาวิภาวตํ วา ๔- อุปาทาย ปฏิปตฺติทสฺสนเมตํ. อยํ เหตฺถ สงฺเขปตฺโถ:- โส ภิกฺขุ วิเวกสุขานุเปกฺขาย เอโก สีตวนํ อุปาคมิ, อุปาคโต จ โลลภาวาภาวโต สนฺตุฏฺโ ธิติมา กายคตาสติกมฺมฏฺานํ ภาเวนฺโต ตถาธิคตํ ฌานํ ปาทกํ กตฺวา อารทฺธวิปสฺสนํ อุสฺสุกฺกาเปตฺวา อธิคเตน อคฺคมคฺเคน สมาหิโต วิชิตาวี จ หุตฺวา กตกิจฺจตาย ภยเหตูนํ สพฺพโส อปคตตฺตา อเปตโลมหํ โส ชาโตติ. สีตวนิยตฺเถรคาถาวณฺณนา นิฏฺิตา. @เชิงอรรถ: ๑-๑ ฉ.ม. "โย สีตวนนฺ"ติ คาถํ สตฺถุ นิเวเทสุํ ๒ ฉ.ม. อุปคจฺฉิ @๓ ฉ.ม. จิตฺตวิเวก... ๔ สี. สมาหิตตฺตา วิชิตาวี, วิภาวี, ตํ วาอรรถกถาภาษาบาลีอักษรไทย เล่มที่ ๓๒ หน้า ๖๙. http://84000.org/tipitaka/pitaka_item/read_th.php?B=32&A=1562&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=32&A=1562&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=143 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5006 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5318 The Pali Tipitaka in Roman Character :- http://84000.org/tipitaka/read/roman_read.php?B=26&A=5318 สารบัญพระไตรปิฎกเล่มที่ ๒๖ http://84000.org/tipitaka/read/?index_26
|
บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]