บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต พาราณสีเสฏฺฐี อโหสิ ฯ ตํ อุปนิสฺสาย เอโก วารุณิพาณิโช ชีวติ ฯ โส ติขิณํ สุรํ โยเชตฺวา อิมํ วิกฺกิณาหีติ อนฺเตวาสิกํ วตฺวา นฺหายิตุํ คโต ฯ ตสฺมึ คตมตฺเตเยว สุราย โลณํ ปกฺขิปิตฺวา อิมินาว นเยน สุรํ วินาเสสิ ฯ อถสฺส อาจริโย อาคนฺตฺวา ตํ การณํ ญตฺวา เสฏฺฐิสฺส อาโรเจสิ ฯ เสฏฺฐี อนตฺถกุสลา นาม พาลา อตฺถํ กริสฺสามาติ อนตฺถเมว กโรนฺตีติ วตฺวา อิมํ คาถมาห น เว อนตฺถกุสเลน อตฺถจริยา สุขาวหา หาเปติ อตฺถํ ทุมฺเมโธ โกณฺฑญฺโญ วารุณึ ยถาติ ฯ ตตฺถ โกณฺฑญฺโญ วารุณึ ยถาติ ยถา อยํ โกณฺฑญฺญนามโก อนฺเตวาสิโก อตฺถํ กริสฺสามีติ โลณํ ปกฺขิปิตฺวา วารุณึ หาเปสิ ปริหาเปสิ วินาเสสิ เอวํ สพฺโพปิ อนตฺถกุสโล อตฺถํ หาเปตีติ ฯ โพธิสตฺโต อิมาย คาถาย ธมฺมํ เทเสสิ ฯ สตฺถาปิ น เอโส คหปติ อิทาเนว วารุณิทูสโก ปุพฺเพปิ วารุณิทูสโกเยวาติ วตฺวา อนุสนฺธึ ฆเฏตฺวา ชาตกํ สโมธาเนสิ ตทา วารุณิทูสโก วารุณิทูสโกว อโหสิ พาราณสีเสฏฺฐี ปน อหเมวาติ ฯ วารุณิทูสกชาตกํ สตฺตมํ ฯ -------------อรรถกถาภาษาบาลีอักษรไทย เล่มที่ ๓๖ หน้า ๒๗. http://84000.org/tipitaka/pitaka_item/read_th.php?B=36&A=530&modeTY=2&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=36&A=530&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=47 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=311 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=308 The Pali Tipitaka in Roman Character :- http://84000.org/tipitaka/read/roman_read.php?B=27&A=308 สารบัญพระไตรปิฎกเล่มที่ ๒๗ http://84000.org/tipitaka/read/?index_27
|
บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]