paliTIPITAKA Volume 43 - Abhidhamma Pitaka 10

[575] Dassanenapahātabbo dhammo dassanenapahātabbassa dhammassa ārammaṇapaccayena paccayo: dassanenapahātabbaṃ rāgaṃ assādeti abhinandati taṃ ārabbha dassanenapahātabbo rāgo uppajjati diṭṭhi ... Vicikicchā ... dassanenapahātabbaṃ domanassaṃ uppajjati dassanena- pahātabbaṃ diṭṭhiṃ assādeti abhinandati taṃ ārabbha dassanena- pahātabbo rāgo uppajjati diṭṭhi ... vicikicchā ... dassanena- pahātabbaṃ domanassaṃ uppajjati vicikicchaṃ ārabbha vicikicchā uppajjati diṭṭhi ... domanassaṃ uppajjati dassanenapahātabbaṃ domanassaṃ ārabbha dassanenapahātabbaṃ domanassaṃ uppajjati diṭṭhi uppajjati vicikicchā uppajjati. {575.1} Dassanenapahātabbo dhammo nadassanenapahātabbassa dhammassa ārammaṇapaccayena paccayo: ariyā dassanenapahātabbe pahīne kilese paccavekkhanti pubbe samudāciṇṇe ... dassanena- pahātabbe khandhe aniccato ... vipassanti cetopariyañāṇena dassanenapahātabbacittasamaṅgissa cittaṃ jānanti dassanenapahātabbā khandhā cetopariyañāṇassa pubbenivāsānussatiñāṇassa yathākammupaga- ñāṇassa anāgataṃsañāṇassa āvajjanāya ārammaṇapaccayena paccayo. {575.2} Nadassanenapahātabbo dhammo nadassanena- pahātabbassa dhammassa ārammaṇapaccayena paccayo: dānaṃ ... Sīlaṃ ... uposathakammaṃ katvā taṃ paccavekkhati assādeti abhinandati taṃ ārabbha nadassanenapahātabbo rāgo uppajjati nadassanena- pahātabbaṃ domanassaṃ uppajjati pubbe suciṇṇāni ... Jhānā ... Ariyā maggā vuṭṭhahitvā maggaṃ paccavekkhanti .pe. phalassa āvajjanāya ārammaṇapaccayena paccayo ariyā nadassanenapahātabbe pahīne Kilese paccavekkhanti vikkhambhite kilese paccavekkhanti pubbe .pe. cakkhuṃ ... Vatthuṃ ... nadassanenapahātabbe khandhe aniccato ... Vipassanti assādenti abhinandanti taṃ ārabbha nadassanenapahātabbo rāgo uppajjati uddhaccaṃ ... nadassanenapahātabbaṃ domanassaṃ uppajjati dibbena cakkhunā .pe. anāgataṃsañāṇassa āvajjanāya ārammaṇapaccayena paccayo. {575.3} Nadassanenapahātabbo dhammo dassanenapahātabbassa dhammassa ārammaṇapaccayena paccayo: dānaṃ ... Sīlaṃ ... Uposathakammaṃ ... Pubbe ... Jhānā .pe. Cakkhuṃ ... Vatthuṃ ... Nadassanenapahātabbe khandhe assādeti abhinandati taṃ ārabbha dassanenapahātabbo rāgo uppajjati diṭṭhi ... vicikicchā ... dassanenapahātabbaṃ domanassaṃ uppajjati.

The Pali Tipitaka in Roman Character Volume 43 page 337-339. https://84000.org/tipitaka/pitaka_item/roman_item.php?book=43&item=575&items=1 Classified by [Item Number] :- http://84000.org/tipitaka/pitaka_item/roman_item.php?book=43&item=575&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=43&item=575&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=43&item=575&items=1 Study Atthakatha :- https://84000.org/tipitaka/attha/attha.php?b=43&i=575 Contents of The Tipitaka Volume 43 https://84000.org/tipitaka/read/?index_43 https://84000.org/tipitaka/english/?index_43