paliTIPITAKA Volume 1 - Vinaya Pitaka 1

[489] Puriso sambahule bhikkhu anapeti gacchatha bhante itthannamam itthim vimamsathati sabbe patigganhanti sabbe vimamsanti sabbe paccaharanti apatti sabbesam sanghadisesassa. {489.1} Puriso sambahule bhikkhu anapeti gacchatha bhante itthannamam itthim vimamsathati sabbe patigganhanti sabbe vimamsanti ekam paccaharapenti apatti sabbesam sanghadisesassa. {489.2} Puriso sambahule bhikkhu anapeti gacchatha bhante itthannamam itthim vimamsathati sabbe patigganhanti ekam vimamsapetva sabbe paccaharanti apatti sabbesam sanghadisesassa. {489.3} Puriso sambahule bhikkhu anapeti gacchatha bhante itthannamam itthim vimamsathati sabbe patigganhanti ekam vimamsapetva ekam paccaharapenti apatti sabbesam sanghadisesassa. {489.4} Puriso bhikkhum anapeti gaccha bhante itthannamam itthim vimamsati patigganhati vimamsati paccaharati apatti sanghadisesassa. {489.5} Puriso bhikkhum anapeti gaccha bhante itthannamam itthim vimamsati patigganhati vimamsati antevasim paccaharapeti apatti sanghadisesassa. {489.6} Puriso bhikkhum anapeti gaccha bhante itthannamam itthim vimamsati patigganhati antevasim vimamsapetva attana paccaharati apatti sanghadisesassa . puriso bhikkhum Anapeti gaccha bhante itthannamam itthim vimamsati patigganhati antevasim vimamsapeti antevasi vimamsitva bahiddha paccaharati apatti ubhinnam thullaccayassa. [490] Gacchanto sampadeti agacchanto visamvadeti apatti thullaccayassa . gacchanto visamvadeti agacchanto sampadeti apatti thullaccayassa . gacchanto sampadeti agacchanto sampadeti apatti sanghadisesassa . gacchanto visamvadeti agacchanto visamvadeti anapatti. [491] Anapatti sanghassa va cetiyassa va gilanassa va karaniyena gacchati ummattakassa adikammikassati. [492] Sutta mata ca nikkhanta anitthi itthipandaka kalaham katvana sammodi sancarittanca pandaketi. [493] Tena kho pana samayena annataro puriso annataram bhikkhum anapeti gaccha bhante itthannamam itthim vimamsati . so gantva manusse pucchi kaham itthannamati . sutta bhanteti . tassa kukkuccam ahosi kacci nu kho aham sanghadisesassa apatti apannoti. Bhagavato etamattham arocesi . anapatti bhikkhu sanghadisesassa apatti dukkatassati. {493.1} Tena kho pana samayena annataro puriso annataram bhikkhum anapeti gaccha bhante itthannamam itthim vimamsati . so gantva manusse pucchi kaham itthannamati . mata bhanteti . Tassa kukkuccam ahosi .pe. anapatti bhikkhu sanghadisesassa apatti dukkatassati. {493.2} Tena kho pana samayena annataro puriso annataram bhikkhum anapeti gaccha bhante itthannamam itthim vimamsati. So gantva manusse pucchi kaham itthannamati . nikkhanta bhanteti .pe. anitthi bhanteti .pe. itthipandaka bhanteti . tassa kukkuccam ahosi .pe. Anapatti bhikkhu sanghadisesassa apatti dukkatassati.

The Pali Tipitaka in Roman Character Volume 1 page 326-328. http://84000.org/tipitaka/pitaka_item/roman_item_s.php?book=1&item=489&items=5&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=1&item=489&items=5&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=1&item=487&items=5&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=1&item=487&items=5&modeTY=2 Study Atthakatha :- http://84000.org/tipitaka/attha/attha.php?b=1&i=487 The Pali Atthakatha in Thai :- http://84000.org/tipitaka/atthapali/read_th.php?B=2&A=972 The Pali Atthakatha in Roman :- http://84000.org/tipitaka/atthapali/read_rm.php?B=2&A=972 Contents of The Tipitaka Volume 1 http://84000.org/tipitaka/read/?index_1