ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 14 : PALI ROMAN Sutta Pitaka Vol 6 : Sutta. Ma. U.
     [673]  Evamme  sutam  ekam  samayam bhagava magadhesu carikancaramano
yena    rajagaham   tadavasari   yena   bhaggavo   kumbhakaro   tenupasankami
upasankamitva   bhaggavam   kumbhakaram   etadavoca  sace  te  bhaggava  agaru
viharama  nivesane  1-  ekarattinti  .  na  kho  me  bhante  garu atthi
cettha   pabbajito   pathamam   vasupagato   hoti   sace   so  anujanati
viharatha bhante yathasukhanti.
     [674]   Tena   kho   pana   samayena  pukkusati  nama  kulaputto
bhagavantam   uddissa   saddhaya   agarasma   anagariyam  pabbajito  .  so
tasmim  kumbhakaranivesane  2-  pathamam  vasupagato  hoti  .  atha kho bhagava
yenayasma     pukkusati    tenupasankami    upasankamitva    ayasmantam
pukkusatim   etadavoca   sace   te   bhikkhu   agaru   viharama  nivesane
ekarattinti    .    urundam   avuso   kumbhakaranivesanam   viharatayasma
yathasukhanti.
     [675]   Atha   kho  bhagava  kumbhakaranivesanam  pavisitva  ekamantam
tinasantharakam    pannapetva   nisidi   pallankam   abhujitva   ujum   kayam
panidhaya   parimukham   satim   upatthapetva   .   atha  kho  bhagava  bahudeva
rattim   nisajjaya   vitinamesi   .   ayasmapi  kho  pukkusati  bahudeva
@Footnote: 1 Si. Yu. viharamavesane .  2 Si. Yu. kumbhakaravesane.
Rattim  nisajjaya  vitinamesi  .  atha  kho  bhagavato  etadahosi  pasadikam
nu   kho   ayam   kulaputto  iriyati  yannunaham  puccheyyanti  .  atha  kho
bhagava   ayasmantam   pukkusatim   etadavoca   kamsi   tvam  bhikkhu  uddissa
pabbajito ko va te sattha kassa va tvam dhammam rocesiti.
     [676]    Atthavuso   samano   gotamo   sakyaputto   sakyakula
pabbajito   tam   kho  pana  bhavantam  1-  gotamam  evamkalyano  kittisaddo
abbhuggato   itipi  so  bhagava  araham  sammasambuddho  vijjacaranasampanno
sugato    lokavidu    anuttaro   purisadammasarathi   sattha   devamanussanam
buddho  bhagavati  taham  bhagavantam  uddissa  pabbajito  so  ca  me  bhagava
sattha   tassaham  bhagavato  dhammam  rocemiti  .  kaham  pana  bhikkhu  etarahi
so   bhagava   viharati   araham  sammasambuddhoti  .  atthavuso  uttaresu
janapadesu   savatthi   nama   nagaram   tattha  so  bhagava  etarahi  viharati
araham    sammasambuddhoti    .    ditthapubbo   pana   te   bhikkhu   so
bhagava  disva  ca  pana  janeyyasiti  .  na  kho me avuso ditthapubbo
so bhagava disvaham 2- na janeyyanti.
     [677]  Atha  kho  bhagavato  etadahosi  mamam  3-  khvayam kulaputto
uddissa   pabbajito   yannunassaham   dhammam   deseyyanti   .   atha  kho
bhagava  ayasmantam  pukkusatim  amantesi  dhammam  vo  4- bhikkhu desissami
tam   sunahi   sadhukam   manasikarohi   bhasissamiti   .  evamavusoti  kho
ayasma pukkusati bhagavato paccassosi.
@Footnote: 1 Ma. Yu. bhagavantam .  2 Po. Ma. Yu. disva caham .  3 Ma. mamanca khvayam.
@4 Po. Ma. Yu. te.
     [678]    Bhagava   etadavoca   chadhaturo   ayam   bhikkhu   puriso
chaphassayatano    attharasamanopavicaro    caturadhitthano    yattha    thitam
mannassava    nappavattanti    mannassave    kho    pana   nappavattamane
muni     santoti    vuccati    pannam    nappamajjeyya    saccamanurakkheyya
cagamanubruheyya      santimeva      so     sikkheyya     ayamuddeso
chadhatuvibhangassa.
     [679]  Chadhaturo  ayam  bhikkhu  purisoti  iti  kho  panetam  vuttam.
Kincetam   paticca  vuttam  .  chayima  bhikkhu  dhatuyo  pathavidhatu  apodhatu
tejodhatu   vayodhatu   akasadhatu   vinnanadhatu   .  chadhaturo  ayam
bhikkhu purisoti iti yantam vuttam idametam paticca vuttam.
     [680]   Chaphassayatano   ayam   bhikkhu   purisoti  iti  kho  panetam
vuttam   .   kincetam   paticca   vuttam   .  cakkhu  phassayatanam  1-  sotam
phassayatanam   ghanam   phassayatanam   jivha   phassayatanam  kayo  phassayatanam
mano   phassayatanam   .   chaphassayatano   ayam  bhikkhu  purisoti  iti  yantam
vuttam idametam paticca vuttam.
     [681]  Attharasamanopavicaro  ayam  bhikkhu  purisoti  iti kho panetam
vuttam  .  kincetam  paticca  vuttam  .  cakkhuna  rupam disva somanassatthaniyam
rupam   upavicarati   domanassatthaniyam   rupam   upavicarati  upekkhatthaniyam  rupam
upavicarati   sotena  saddam  sutva  ...  ghanena  gandham  ghayitva  ...
Jivhaya  rasam  sayitva  ...  kayena photthabbam phusitva ... Manasa dhammam
vinnaya    somanassatthaniyam   dhammam   upavicarati   domanassatthaniyam   dhammam
@Footnote: 1 Ma. Yu. samphassayatanam. sabbattha idisameva.
Upavicarati   upekkhatthaniyam   dhammam   upavicarati  iti  cha  somanassupavicara
cha   domanassupavicara   cha   upekkhupavicara   .  attharasamanopavicaro
ayam bhikkhu purisoti iti yantam vuttam idametam paticca vuttam.
     [682]   Caturadhitthano   ayam   bhikkhu  purisoti  iti  kho  panetam
vuttam   .   kincetam   paticca   vuttam  .  pannadhitthano  saccadhitthano
cagadhitthano   upasamadhitthano  .  caturadhitthano  ayam  bhikkhu  purisoti
iti yantam vuttam idametam paticca vuttam.
     [683]   Pannam   nappamajjeyya   saccamanurakkheyya  cagamanubruheyya
santimeva   so   sikkheyyati   iti   kho   panetam   vuttam  .  kincetam
paticca   vuttam   .   kathanca   bhikkhu  pannam  nappamajjati  .  chayima  bhikkhu
dhatuyo   pathavidhatu   apodhatu   tejodhatu   vayodhatu   akasadhatu
vinnanadhatu.
     [684]  Katama  ca  bhikkhu  pathavidhatu  .  pathavidhatu siya ajjhattika
siya   bahira   .   katama   ca   bhikkhu  ajjhattika  pathavidhatu  .  yam
ajjhattam    paccattam    kakkhalam    kharigatam   upadinnam   seyyathidam   kesa
loma   nakha   danta  taco  mamsam  naharu  atthi  atthiminjam  vakkam  hadayam
yakanam   kilomakam   pihakam   papphasam  antam  antagunam  udariyam  karisam  yam  va
panannampi    kinci    ajjhattam    paccattam    kakkhalam   kharigatam   upadinnam
ayam   vuccati   bhikkhu   ajjhattika   pathavidhatu   .  ya  ceva  kho  pana
ajjhattika   pathavidhatu  ya  ca  bahira  pathavidhatu  pathavidhaturevesa .
Tam   netam   mama   nesohamasmi   na  meso  attati  evametam  yathabhutam
sammappannaya    datthabbam    .    evametam    yathabhutam    sammappannaya
disva pathavidhatuya nibbindati pathavidhatuya cittam virajeti.
     [685]  Katama  ca  bhikkhu  apodhatu. Apodhatu siya ajjhattika
siya   bahira   .   katama   ca  bhikkhu  ajjhattika  apodhatu  .  yam
ajjhattam    paccattam    apo   apogatam   upadinnam   seyyathidam   pittam
semham   pubbo   lohitam  sedo  medo  assu  vasa  khelo  singhanika
lasika   muttam   yam   va   panannampi   kinci   ajjhattam  paccattam  apo
apogatam   upadinnam   ayam   vuccati   bhikkhu   ajjhattika  apodhatu .
Ya  ceva  kho  pana  ajjhattika  apodhatu  ya  ca  bahira apodhatu
apodhaturevesa   .  tam  netam  mama  nesohamasmi  na  meso  attati
evametam   yathabhutam   sammappannaya   datthabbam   .   evametam   yathabhutam
sammappannaya     disva     apodhatuya    nibbindati    apodhatuya
cittam virajeti.
     [686]  Katama  ca  bhikkhu  tejodhatu. Tejodhatu siya ajjhattika
siya  bahira  .  katama  ca  bhikkhu  ajjhattika  tejodhatu. Yam ajjhattam
paccattam   tejo   tejogatam   upadinnam   seyyathidam  yena  ca  santappati
yena   ca   jiriyati   yena   ca  paridayhati  yena  ca  asitapitakhayitasayitam
sammaparinamam      gacchati      yam      va      panannampi      kinci
Ajjhattam   paccattam   tejo   tejogatam   upadinnam   ayam   vuccati  bhikkhu
ajjhattika    tejodhatu    .    ya   ceva   kho   pana   ajjhattika
tejodhatu   ya   ca   bahira   tejodhatu  tejodhaturevesa  .  tam
netam   mama   nesohamasmi   na   meso   attati   evametam   yathabhutam
sammappannaya    datthabbam    .    evametam    yathabhutam    sammappannaya
disva tejodhatuya nibbindati tejodhatuya cittam virajeti.
     [687]  Katama  ca  bhikkhu  vayodhatu. Vayodhatu siya ajjhattika
siya   bahira   .   katama   ca  bhikkhu  ajjhattika  vayodhatu  .  yam
ajjhattam   paccattam   vayo   vayogatam   upadinnam  seyyathidam  uddhangama
vata   adhogama   vata   kucchisaya   vata  kotthasaya  1-  vata
angamanganusarino   vata   assaso   passaso   yam   va  panannampi
kinci   ajjhattam   paccattam   vayo   vayogatam   upadinnam   ayam  vuccati
bhikkhu   ajjhattika   vayodhatu   .   ya   ceva  kho  pana  ajjhattika
vayodhatu  ya  ca  bahira  vayodhatu  vayodhaturevesa  .  tam netam
mama   nesohamasmi  na  meso  attati  evametam  yathabhutam  sammappannaya
datthabbam     .     evametam     yathabhutam     sammappannaya     disva
vayodhatuya nibbindati vayodhatuya cittam virajeti.
     [688]   Katama   ca   bhikkhu  akasadhatu  .  akasadhatu  siya
ajjhattika    siya    bahira    .   katama   ca   bhikkhu   ajjhattika
akasadhatu   .   yam   ajjhattam  paccattam  akasam  akasagatam  upadinnam
@Footnote: 1 Ma. kotthasaya.
Seyyathidam     kannacchiddam     nasacchiddam     mukhadvaram     yena     ca
asitapitakhayitasayitam     ajjhoharati     yattha    ca    asitapitakhayitasayitam
santitthati   yena   ca   asitapitakhayitasayitam   adhobhaga   1-   nikkhamati
yam   va  panannampi  kinci  ajjhattam  paccattam  akasam  akasagatam  [2]-
upadinnam   ayam   vuccati   bhikkhu  ajjhattika  akasadhatu  .  ya  ceva
kho   pana   ajjhattika   akasadhatu   ya   ca   bahira  akasadhatu
akasadhaturevesa  .  tam  netam  mama  nesohamasmi  na  meso  attati
evametam   yathabhutam   sammappannaya   datthabbam   .   evametam   yathabhutam
sammappannaya    disva    akasadhatuya    nibbindati    akasadhatuya
cittam virajeti.
     [689]   Athaparam   vinnanamyeva   avasissati   parisuddham  pariyodatam
tena   vinnanena   kinci   janati   3-  sukhantipi  vijanati  dukkhantipi
vijanati    adukkhamasukhantipi   vijanati   .   sukhavedaniyam   bhikkhu   phassam
paticca   uppajjati   sukha   vedana   .  so  sukham  vedanam  vediyamano
sukham   vedanam   vediyamiti   pajanati   tasseva   sukhavedaniyassa  phassassa
nirodha   yam   tajjam  vedayitam  sukhavedaniyam  phassam  paticca  uppanna  sukha
vedana   sa   nirujjhati   sa   vupasammatiti   pajanati  .  dukkhavedaniyam
bhikkhu   phassam   paticca   uppajjati   dukkha   vedana   .   so   dukkham
vedanam   vediyamano   dukkham   vedanam   vediyamiti   pajanati   tasseva
dukkhavedaniyassa   phassassa  nirodha  yam  tajjam  vedayitam  dukkhavedaniyam  phassam
@Footnote: 1 Ma. adhobhagam .  2 Po. Ma. agham aghagatam vivaram viragatam asamphuttham mamsalohitehi ....
@3 Po. Ma. tena ca vinnanena kim vijanati.
Paticca   uppanna   dukkha   vedana   sa   nirujjhati   sa  vupasammatiti
pajanati    .    adukkhamasukhavedaniyam   bhikkhu   phassam   paticca   uppajjati
adukkhamasukha    vedana    .   so   adukkhamasukham   vedanam   vediyamano
adukkhamasukham   vedanam   vediyamiti  pajanati  tasseva  adukkhamasukhavedaniyassa
phassassa     nirodha     yam     tajjam     vedayitam    adukkhamasukhavedaniyam
phassam   paticca   uppanna   adukkhamasukha   vedana   sa   nirujjhati  sa
vupasammatiti pajanati.
     [690]  Seyyathapi  bhikkhu  dvinnam  katthanam  sanghata 1- samodhana
usma    jayati    tejo   abhinibbattati   tesamyeva   dvinnam   katthanam
nanabhava  vinikkhepa  ya  tajja  usma  sa  nirujjhati  sa vupasammati
evameva   kho   bhikkhu   sukhavedaniyam   phassam   paticca   uppajjati   sukha
vedana   .   so   sukham   vedanam  vediyamano  sukham  vedanam  vediyamiti
pajanati   tasseva   sukhavedaniyassa  phassassa  nirodha  yam  tajjam  vedayitam
sukhavedaniyam   phassam   paticca  uppanna  sukha  vedana  sa  nirujjhati  sa
vupasammatiti   pajanati   .   dukkhavedaniyam  bhikkhu  phassam  paticca  uppajjati
dukkha   vedana   .   so   dukkham   vedanam  vediyamano  dukkham  vedanam
vediyamiti    pajanati    tasseva   dukkhavedaniyassa   phassassa   nirodha
yam   tajjam   vedayitam   dukkhavedaniyam   phassam   paticca   uppanna   dukkha
vedana   sa  nirujjhati  sa  vupasammatiti  pajanati  .  adukkhamasukhavedaniyam
@Footnote: 1 Si. Yu. samphassasamodhana.
Bhikkhu    phassam    paticca   uppajjati   adukkhamasukha   vedana   .   so
adukkhamasukham    vedanam    vediyamano    adukkhamasukham   vedanam   vediyamiti
pajanati   tasseva   adukkhamasukhavedaniyassa   phassassa   nirodha  yam  tajjam
vedayitam    adukkhamasukhavedaniyam    phassam   paticca   uppanna   adukkhamasukha
vedana    sa   nirujjhati   sa   vupasammatiti   pajanati   .   athaparam
upekkhayeva   avasissati   parisuddha   pariyodata   mudu   ca  kammanna
ca pabhassara ca.
     [691]  Seyyathapi  bhikkhu dakkho suvannakaro va suvannakarantevasi
va    ukkam    bandheyya    ukkam   bandhitva   ukkamukham   alimpeyya
ukkamukham   alimpetva   sandasena   jatarupam   gahetva   ukkamukhe
pakkhipeyya  .  tamenam  kalena  kalam  abhidhameyya  kalena  kalam udakena
paripphoseyya  kalena  kalam  ajjhupekkheyya . Tam hoti jatarupam 1- nihatam
ninnitakasavam    mudu   ca   kammannam   ca   pabhassaranca   yassa   yassava
pilandhanavikatiya   akankhati   yadi   pavattikaya   2-  yadi  kundalaya  yadi
giveyyakaya   yadi   suvannamalaya   tancassa   attham   anubhoti  evameva
kho  bhikkhu  athaparam  upekkhayeva  avasissati  parisuddha  pariyodata  mudu
ca kammanna ca pabhassara ca.
     {691.1}   So   evam   pajanati  imance  aham  upekkham  evam
parisuddham     evam     pariyodatam     akasanancayatanam    upasamhareyyam
tadanudhammanca     cittam     bhaveyyam     evamme     ayam    upekkha
@Footnote: 1 Si. Ma. ito param  dhantam suddhantam  niddhantanti dissati .  2 Ma. patittikaya.
Tannissita   tadupadana   ciram   dighamaddhanam   tittheyya   imance   aham
upekkham   evam  parisuddham  evam  pariyodatam  vinnanancayatanam  upasamhareyyam
tadanudhammanca   cittam   bhaveyyam   evamme   ayam   upekkha  tannissita
tadupadana    ciram    dighamaddhanam   tittheyya   imance   aham   upekkham
evam    parisuddham    evam    pariyodatam   akincannayatanam   upasamhareyyam
tadanudhammanca   cittam   bhaveyyam   evamme   ayam   upekkha  tannissita
tadupadana    ciram    dighamaddhanam   tittheyya   imance   aham   upekkham
evam      parisuddham     evam     pariyodatam     nevasannanasannayatanam
upasamhareyyam   tadanudhammanca   cittam   bhaveyyam   evamme  ayam  upekkha
tannissita tadupadana ciram dighamaddhanam tittheyyati.
     {691.2}  So  evam  pajanati  imance aham upekkham evam parisuddham
evam   pariyodatam   akasanancayatanam   upasamhareyyam  tadanudhammanca  cittam
bhaveyyam  sankhatametam  imance  aham  upekkham evam parisuddham evam pariyodatam
vinnanancayatanam   upasamhareyyam   tadanudhammanca  cittam  bhaveyyam  sankhatametam
imance  aham  upekkham  evam  parisuddham  evam  pariyodatam  akincannayatanam
upasamhareyyam   tadanudhammanca   cittam   bhaveyyam   sankhatametam  imance  aham
upekkham    evam   parisuddham   evam   pariyodatam   nevasannanasannayatanam
upasamhareyyam tadanudhammanca cittam bhaveyyam sankhatametanti.
     {691.3} So nevabhisankharoti 1- nabhisancetayati bhavaya va vibhavaya
va   .   so   anabhisankharonto  anabhisancetayanto  bhavaya  vibhavaya  na
@Footnote: 1 Ma. so neva tam abhisankharoti.
Kinci    loke    upadiyati    anupadiyam    na    paritassati   aparitassam
paccattamyeva     parinibbayati     khina     jati    vusitam    brahmacariyam
katam karaniyam naparam itthattayati pajanati.
     {691.4}  So  sukhance  vedanam  vedeti  sa  aniccati pajanati
anajjhositati    pajanati    anabhinanditati    pajanati   .   dukkhance
vedanam   vedeti   sa   aniccati   pajanati   anajjhositati  pajanati
anabhinanditati   pajanati   .   adukkhamasukhance   vedanam   vedeti   sa
aniccati     pajanati     anajjhositati     pajanati    anabhinanditati
pajanati.
     {691.5}  So  sukhance  vedanam vedeti visamyutto nam vedeti. So
dukkhance  vedanam  vedeti  visamyutto  nam  vedeti. Adukkhamasukhance vedanam
vedeti  visamyutto  nam  vedeti  .  so  kayapariyantikam vedanam vediyamano
kayapariyantikam   vedanam   vediyamiti   pajanati  .  jivitapariyantikam  vedanam
vediyamano   jivitapariyantikam   vedanam   vediyamiti  pajanati  .  kayassa
bheda  [1]-  uddham  jivitapariyadana  idheva  sabbavedayitani abhinanditani
sitibhavissantiti pajanati.
     [692]   Seyyathapi   bhikkhu   telanca   paticca   vattinca  paticca
telappadipo   jhayati  .  tasseva  telassa  ca  vattiya  ca  pariyadana
annassa   ca   anupahara   anaharo   nibbayati  evameva  kho  bhikkhu
kayapariyantikam   vedanam   vediyamano   kayapariyantikam   vedanam  vediyamiti
pajanati   .   jivitapariyantikam  vedanam  vediyamano  jivitapariyantikam  vedanam
vediyamiti  pajanati  .  kayassa  bheda  uddham  jivitapariyadana  idheva
@Footnote: 1 Ma. param marana.
Sabbavedayitani   abhinanditani   sitibhavissantiti  pajanati  .  tasma  evam
samannagato    bhikkhu   imina   paramena   pannadhitthanena   samannagato
hoti  .  esa  hi  bhikkhu  parama  ariya  panna  yadidam  sabbadukkhakkhaye
nanam     .     tassa    sa    vimutti    sacce    thita    akuppa
hoti   .   tam  hi  bhikkhu  musa  yam  mosadhammam  tam  saccam  yam  amosadhammam
nibbanam    tasma    evam    samannagato    bhikkhu    imina   paramena
saccadhitthanena  samannagato  hoti  .  etam  hi  bhikkhu  paramam  ariyasaccam
yadidam amosadhammam nibbanam.
     {692.1}   Tasseva   kho  pana  pubbe  aviddasuno  upadhi  honti
samatta    samadinna    .    tyassa    pahina   honti   ucchinnamula
talavatthukata     anabhavangata     ayatim    anuppadadhamma    tasma
evam   samannagato  bhikkhu  imina  paramena  cagadhitthanena  samannagato
hoti. Eso hi bhikkhu paramo ariyo cago yadidam sabbupadhipatinissaggo.
     {692.2}   Tasseva   kho   pana   pubbe   aviddasuno   abhijjha
hoti    chando    sarago    svassa    pahino   hoti   ucchinnamulo
talavatthukato    anabhavangato   ayatim   anuppadadhammo   .   tasseva
kho   pana   pubbe   aviddasuno  aghato  hoti  byapado  sampadoso
svassa    pahino   hoti   ucchinnamulo   talavatthukato   anabhavangato
ayatim   anuppadadhammo   .   tasseva   kho   pana   pubbe  aviddasuno
avijja  hoti  sammoho  sampamoho  svassa  pahino  hoti  ucchinnamulo
talavatthukato     anabhavangato     ayatim    anuppadadhammo    tasma
Evam    samannagato    bhikkhu    imina    paramena    upasamadhitthanena
samannagato   hoti  .  eso  hi  bhikkhu  paramo  ariyo  upasamo  yadidam
ragadosamohanam   upasamo   .   pannam   nappamajjeyya   saccamanurakkheyya
cagamanubruheyya    santimeva    so   sikkheyyati   iti   yantam   vuttam
idametam paticca vuttam.
     [693]   Yattha   thitam   mannassava   nappavattanti  mannassave  kho
pana   nappavattamane  muni  santoti  vuccatiti  iti  kho  panetam  vuttam .
Kincetam   paticca   vuttam   .  asmiti  bhikkhu  mannitametam  nahamasmiti  1-
mannitametam     bhavissanti    mannitametam    na    bhavissanti    mannitametam
rupi    bhavissanti    mannitametam    arupi   bhavissanti   mannitametam   sanni
bhavissanti       mannitametam      asanni      bhavissanti      mannitametam
nevasanninasanni    bhavissanti   mannitametam   .   mannitam   bhikkhu   rogo
mannitam    gando    mannitam   sallam   .   sabbamannitanam   tveva   bhikkhu
samatikkama   muni   santoti  vuccati  .  muni  kho  pana  bhikkhu  santo  na
jayati  na  jiyyati  na  miyyati  na  kuppati  nappiheti . Tampissa 2- bhikkhu
natthi  yena  jayetha  ajayamano  kim  jiyyissati  ajiyyamano kim miyyissati
amiyyamano   kim  kuppissati  akuppamano  kissa  pihessati  .  yattha  thitam
mannassava    nappavattanti    mannassave    kho    pana   nappavattamane
muni   santoti   vuccatiti   iti   yantam  vuttam  idametam  paticca  vuttam .
Imam kho me tvam bhikkhu sankhittena chadhatuvibhangam dharehiti.
@Footnote: 1 Ma. Yu. ayamahasmiti .  2 Po. kincissa.
     [694]   Atha   ayasma  pukkusati  sattha  kira  me  anuppatto
sugato   kira   me   anuppatto   sammasambuddho  kira  me  anuppattoti
utthayasana    ekamsam    civaram    katva   bhagavato   padesu   sirasa
nipatitva    bhagavantam    etadavoca    accayo   mam   bhante   accagama
yathabalam    yathamulham    yathaakusalam    yoham   bhagavantam   avusovadena
samudacaritabbam   amannissam   tassa   me  bhante  bhagava  accayam  accayato
patigganhatu ayatim samvarayati.
     [695]    Taggha    tvam   bhikkhu   accayo   accagama   yathabalam
yathamulham    yathaakusalam   yam   mam   tvam   avusovadena   samudacaritabbam
amannittho   1-   yato   ca  kho  tvam  bhikkhu  accayam  accayato  disva
yathadhammam    patikkarosi    tante    mayam   patigganhama   vuddhi   hesa
bhikkhu   ariyassa   vinaye   yo   accayam   accayato   disva   yathadhammam
patikkaroti   ayatim   samvaram   apajjatiti  .  labheyyaham  bhante  bhagavato
santike   upasampadanti   .   paripunnam   pana  te  bhikkhu  pattacivaranti .
Na  kho  me  bhante  paripunnam  pattacivaranti  .  na  kho  bhikkhu  tathagata
aparipunnapattacivaram upasampadentiti.
     [696]  Atha  kho  ayasma  pukkusati  bhagavato bhasitam abhinanditva
anumoditva   utthayasana   bhagavantam   abhivadetva   padakkhinam   katva
pattacivarapariyesanam    pakkami    .   atha   kho   ayasmantam   pukkusatim
pattacivarapariyesanam  carantam  [2]-  gavi  jivita  voropesi  .  atha  kho
@Footnote: 1 Po. Ma. amannittha .  2 Ma. etthantare vibbhantati dissati. Yu. bhantagavi.
Sambahula   bhikkhu   yena   bhagava   tenupasankamimsu  upasankamitva  bhagavantam
abhivadetva   ekamantam  nisidimsu  .  ekamantam  nisinna  kho  te  bhikkhu
bhagavantam   etadavocum   yo   so   bhante   pukkusati   nama  kulaputto
bhagavata    sankhittena   ovadena   ovadito   so   kalakato   tassa
ka gati ko abhisamparayoti.
     [697]   Pandito   bhikkhave   pukkusati  kulaputto  paccapadi  1-
dhammassanudhammam    na    ca    mam    dhammadhikaranam   vihethesi   pukkusati
bhikkhave   kulaputto   pancannam   orambhagiyanam   sannojananam   parikkhaya
opapatiko tattha parinibbayi anavattidhammo tasma lokati.
     Idamavoca    bhagava    attamana   te   bhikkhu   bhagavato   bhasitam
abhinandunti.
                 Dhatuvibhangasuttam nitthitam dasamam.
                      ----------
@Footnote: 1 Po. saccavadi.
                      Saccavibhangasuttam



             The Pali Tipitaka in Roman Character Volume 14 page 434-449. http://84000.org/tipitaka/pitaka_item/roman_item_s.php?book=14&item=673&items=25&modeTY=2&mode=bracket              Classified by content :- http://84000.org/tipitaka/pitaka_item/roman_item_s.php?book=14&item=673&items=25&modeTY=2              Compare with The Pali Tipitaka in Thai Character :- http://84000.org/tipitaka/read/pali_item_s.php?book=14&item=673&items=25&modeTY=2&mode=bracket              Compare with The Royal Version of Thai Tipitaka :- http://84000.org/tipitaka/read/byitem_s.php?book=14&item=673&items=25&modeTY=2&mode=bracket              Study Atthakatha :- http://84000.org/tipitaka/attha/attha.php?b=14&i=673              The Pali Atthakatha in Thai :- http://84000.org/tipitaka/atthapali/read_th.php?B=10&A=5049              The Pali Atthakatha in Roman :- http://84000.org/tipitaka/atthapali/read_rm.php?B=10&A=5049              Contents of The Tipitaka Volume 14 http://84000.org/tipitaka/read/?index_14

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :