paliTIPITAKA Volume 15 - Sutta Pitaka 7

Dvadasamam alavakasuttam [838] Evamme sutam ekam samayam bhagava alaviyam viharati alavakassa yakkhassa bhavane . atha kho alavako yakkho yena bhagava tenupasankami upasankamitva bhagavantam etadavoca nikkhama samanati . sadhavusoti bhagava nikkhami . pavisa samanati . Sadhavusoti bhagava pavisi . dutiyampi kho alavako yakkho bhagavantam etadavoca nikkhama samanati . sadhavusoti bhagava nikkhami . pavisa samanati . sadhavusoti bhagava pavisi . tatiyampi kho alavako yakkho bhagavantam etadavoca nikkhama samanati . sadhavusoti bhagava nikkhami. Pavisa samanati. Sadhavusoti bhagava pavisi. [839] Catutthampi kho alavako yakkho bhagavantam etadavoca nikkhama samanati . na khvaham avuso nikkhamissami yante karaniyam tam karohiti . panham tam samana pucchissami sace me na byakarissasi cittam va te khipissami hadayam va te phalessami padesu va gahetva paragangaya khipissamiti . na khvahantam avuso passami sadevake loke

--------------------------------------------------------------------------------------------- page315.

Samarake sabrahmake sassamanabrahmaniya pajaya sadevamanussaya yo me cittam va khipeyya hadayam va phaleyya padesu va gahetva paragangaya khipeyya apica tvam avuso puccha yadakankhasiti. [840] Kimsudha vittam purisassa settham kimsu sucinnam sukhamavahati kimsu have sadhutaram rasanam kathamjivim ^1- jivitamahu setthanti. [841] Saddhidha vittam purisassa settham dhammo sucinno sukhamavahati saccam have sadhutaram rasanam pannajivim jivitamahu setthanti. [842] Kathamsu tarati ogham kathamsu tarati annavam kathamsu dukkhamacceti kathamsu parisujjhatiti. [843] Saddhaya tarati ogham appamadena annavam viriyena dukkhamacceti pannaya parisujjhatiti. [844] Kathamsu labhate pannam kathamsu vindate dhanam kathamsu kittim pappoti katham mittani ganthati asma loka param lokam katham pecca na socatiti. [845] Saddahano arahatam dhammam nibbanapattiya @Footnote: ¹ ghatvavaggassa vittasutte kathamjiviti ... pannajiviti dissanti.

--------------------------------------------------------------------------------------------- page316.

Sussusam ^1- labhate pannam appamatto vicakkhano patirupakari dhurava utthata vindate dhanam saccena kittim pappoti dadam mittani ganthati yassete caturo dhamma saddhassa gharamesino saccam dhammo dhiti cago sa ve pecca na socati ingha annepi pucchassu puthu samanabrahmane yadi sacca dama caga khantya bhiyyodha vijjatiti. [846] Katham nudani puccheyyam puthu samanabrahmane yoham ajja pajanami yo attho samparayiko atthaya vata me buddho vasayalavimagama ^2- yoham ajja pajanami yattha dinnam mahapphalam so aham vicarissami gama gamam pura puram namassamano sambuddham dhammassa ca sudhammatanti. Yakkhasamyuttam samattam. Tassuddanam indako sakkasuci ca manibhaddo ca sanu ca piyankarapunabbasu sudatto ca dve sukka cira alavakena dvadasati. ------------ @Footnote: ¹ Yu. sussusa labhate panna. ² Yu. ...vimagato.

The Pali Tipitaka in Roman Character Volume 15 page 314-316. http://84000.org/tipitaka/pitaka_item/roman_item_s.php?book=15&item=838&items=9&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=15&item=838&items=9&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=15&item=838&items=9&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=15&item=838&items=9&pagebreak=1&modeTY=2 Study Atthakatha :- http://84000.org/tipitaka/attha/attha.php?b=15&i=838 The Pali Atthakatha in Thai :- http://84000.org/tipitaka/atthapali/read_th.php?B=11&A=7749 The Pali Atthakatha in Roman :- http://84000.org/tipitaka/atthapali/read_rm.php?B=11&A=7749 Contents of The Tipitaka Volume 15 http://84000.org/tipitaka/read/?index_15