[23] Atha kho bhikkhave vipassissa bodhisattassa etadahosi
kimhi nu kho sati jaramaranam hoti kimpaccaya jaramarananti .
Atha kho bhikkhave vipassissa bodhisattassa yonisomanasikara ahu
pannaya abhisamayo jatiya kho sati jaramaranam hoti jatipaccaya
jaramarananti.
{23.1} Atha kho bhikkhave vipassissa bodhisattassa etadahosi
kimhi nu kho sati jati hoti kimpaccaya jatiti . atha kho bhikkhave
vipassissa bodhisattassa yonisomanasikara ahu pannaya abhisamayo
bhave kho sati jati hoti bhavapaccaya jatiti.
{23.2} Atha kho bhikkhave vipassissa bodhisattassa etadahosi
kimhi nu kho sati bhavo hoti kimpaccaya bhavoti . atha kho bhikkhave
vipassissa bodhisattassa yonisomanasikara ahu pannaya abhisamayo
upadane kho sati bhavo hoti upadanapaccaya bhavoti.
{23.3} Atha kho bhikkhave vipassissa bodhisattassa etadahosi
kimhi nu kho sati upadanam hoti kimpaccaya upadananti .
Atha kho bhikkhave vipassissa bodhisattassa yonisomanasikara
ahu pannaya abhisamayo tanhaya kho sati
@Footnote: 1 Ma. kudassa. evamuparipi.
Upadanam hoti tanhapaccaya upadananti.
{23.4} Atha kho bhikkhave vipassissa bodhisattassa etadahosi kimhi
nu kho sati tanha hoti kimpaccaya tanhati. Atha kho bhikkhave vipassissa
bodhisattassa yonisomanasikara ahu pannaya abhisamayo vedanaya
kho sati tanha hoti vedanapaccaya tanhati.
{23.5} Atha kho bhikkhave vipassissa bodhisattassa etadahosi kimhi
nu kho sati vedana hoti kimpaccaya vedanati. Atha kho bhikkhave vipassissa
bodhisattassa yonisomanasikara ahu pannaya abhisamayo phasse kho sati
vedana hoti phassapaccaya vedanati.
{23.6} Atha kho bhikkhave vipassissa bodhisattassa etadahosi kimhi
nu kho sati phasso hoti kimpaccaya phassoti. Atha kho bhikkhave vipassissa
bodhisattassa yonisomanasikara ahu pannaya abhisamayo salayatane
kho sati phasso hoti salayatanapaccaya phassoti.
{23.7} Atha kho bhikkhave vipassissa bodhisattassa etadahosi kimhi
nu kho sati salayatanam hoti kimpaccaya salayatananti . Atha kho bhikkhave
vipassissa bodhisattassa yonisomanasikara ahu pannaya abhisamayo
namarupe kho sati salayatanam hoti namarupapaccaya salayatananti.
{23.8} Atha kho bhikkhave vipassissa bodhisattassa etadahosi
kimhi nu kho sati namarupam hoti kimpaccaya namarupanti . atha
kho bhikkhave vipassissa bodhisattassa yonisomanasikara
ahu pannaya abhisamayo vinnane kho sati namarupam
Hoti vinnanapaccaya namarupanti.
{23.9} Atha kho bhikkhave vipassissa bodhisattassa etadahosi
kimhi nu kho sati vinnanam hoti kimpaccaya vinnananti. Atha kho bhikkhave
vipassissa bodhisattassa yonisomanasikara ahu pannaya abhisamayo
sankhare kho sati vinnanam hoti sankharapaccaya vinnananti.
{23.10} Atha kho bhikkhave vipassissa bodhisattassa etadahosi
kimhi nu kho sati sankhara honti kimpaccaya sankharati . atha kho
bhikkhave vipassissa bodhisattassa yonisomanasikara ahu pannaya
abhisamayo avijjaya kho sati sankhara honti avijjapaccaya sankharati.
{23.11} Iti hidam avijjapaccaya sankhara sankharapaccaya
vinnanam .pe. evametassa kevalassa dukkhakkhandhassa samudayo hoti .
Samudayo samudayoti kho bhikkhave vipassissa bodhisattassa pubbe ananussutesu
dhammesu cakkhum udapadi nanam udapadi panna udapadi vijja
udapadi aloko udapadi.
[24] Atha kho bhikkhave vipassissa bodhisattassa etadahosi
kimhi nu kho asati jaramaranam na hoti kissa nirodha jaramarananirodhoti.
Atha kho bhikkhave vipassissa bodhisattassa yonisomanasikara ahu
pannaya abhisamayo jatiya kho asati jaramaranam na hoti
jatinirodha jaramarananirodhoti.
{24.1} Atha kho bhikkhave vipassissa bodhisattassa
etadahosi kimhi nu kho asati jati na
Hoti kissa nirodha jatinirodhoti . atha kho bhikkhave vipassissa
bodhisattassa yonisomanasikara ahu pannaya abhisamayo
bhave kho asati jati na hoti bhavanirodha jatinirodhoti [1]-.
{24.2} Atha kho bhikkhave vipassissa bodhisattassa etadahosi
kimhi nu kho asati bhavo na hoti kissa nirodha bhavanirodhoti. Atha kho
bhikkhave vipassissa bodhisattassa yonisomanasikara ahu pannaya
abhisamayo upadane kho asati bhavo na hoti upadananirodha bhavanirodhoti.
{24.3} Atha kho bhikkhave vipassissa bodhisattassa etadahosi
kimhi nu kho asati upadanam na hoti kissa nirodha upadananirodhoti.
Atha kho bhikkhave vipassissa bodhisattassa yonisomanasikara ahu
pannaya abhisamayo tanhaya kho asati upadanam na hoti
tanhanirodha upadananirodhoti.
{24.4} Atha kho bhikkhave vipassissa bodhisattassa etadahosi
kimhi nu kho asati tanha na hoti kissa nirodha tanhanirodhoti.
Atha kho bhikkhave vipassissa bodhisattassa yonisomanasikara ahu pannaya
abhisamayo vedanaya kho asati tanha na hoti vedananirodha tanhanirodhoti.
{24.5} Atha kho bhikkhave vipassissa bodhisattassa etadahosi
kimhi nu kho asati vedana na hoti kissa nirodha vedananirodhoti.
Atha kho bhikkhave vipassissa bodhisattassa yonisomanasikara
ahu pannaya abhisamayo phasse kho asati vedana na hoti
@Footnote: 1 Yu. hoti.
Phassanirodha vedananirodhoti.
{24.6} Atha kho bhikkhave vipassissa bodhisattassa etadahosi kimhi
nu kho asati phasso na hoti kissa nirodha phassanirodhoti. Atha kho bhikkhave
vipassissa bodhisattassa yonisomanasikara ahu pannaya abhisamayo
salayatane kho asati phasso na hoti salayatananirodha phassanirodhoti.
{24.7} Atha kho bhikkhave vipassissa bodhisattassa etadahosi kimhi
nu kho asati salayatanam na hoti kissa nirodha salayatananirodhoti. Atha
kho bhikkhave vipassissa bodhisattassa yonisomanasikara ahu pannaya
abhisamayo namarupe kho asati salayatanam na hoti namarupanirodha
salayatananirodhoti.
{24.8} Atha kho bhikkhave vipassissa bodhisattassa etadahosi
kimhi nu kho asati namarupam na hoti kissa nirodha namarupanirodhoti.
Atha kho bhikkhave vipassissa bodhisattassa yonisomanasikara ahu
pannaya abhisamayo vinnane kho asati namarupam na hoti
vinnananirodha namarupanirodhoti.
{24.9} Atha kho bhikkhave vipassissa bodhisattassa etadahosi kimhi
nu kho asati vinnanam na hoti kissa nirodha vinnananirodhoti. Atha
kho bhikkhave vipassissa bodhisattassa yonisomanasikara ahu pannaya
abhisamayo sankhare 1- kho asati vinnanam na hoti sankharanirodha
vinnananirodhoti.
{24.10} Atha kho bhikkhave vipassissa bodhisattassa etadahosi
kimhi nu kho asati sankhara na honti kissa nirodha sankharanirodhoti.
@Footnote: 1 Ma. Yu. sankharesu.
Atha kho bhikkhave vipassissa bodhisattassa yonisomanasikara ahu
pannaya abhisamayo avijjaya kho asati sankhara na honti
avijjanirodha sankharanirodhoti.
{24.11} Iti hidam avijjanirodha sankharanirodho sankharanirodha
vinnananirodho .pe. evametassa kevalassa dukkhakkhandhassa nirodho
hoti 1- . nirodho nirodhoti kho bhikkhave vipassissa bodhisattassa pubbe
ananussutesu dhammesu cakkhum udapadi nanam upadi panna udapadi
vijja upadi aloko udapaditi. Catuttham.
[25] Sattannampi buddhanam evam vittharetabbo 2- . sikhissa
bhikkhave bhagavato arahato sammasambuddhassa ... vessabhussa bhikkhave
bhagavato arahato sammasambuddhassa ... kakusandhassa bhikkhave bhagavato
arahato sammasambuddhassa ... konagamanassa bhikkhave bhagavato arahato
sammasambuddhassa ... kassapassa bhikkhave bhagavato arahato
sammasambuddhassa ....
[26] Pubbeva me bhikkhave sambodha anabhisambuddhassa
bodhisattasseva sato etadahosi kiccham vatayam loko apanno
jayati ca jiyyati ca miyyati ca cavati ca upapajjati ca atha ca panimassa
dukkhassa nissaranam nappajanati jaramaranassa kudassu nama
imassa dukkhassa nissaranam pannayissati jaramaranassati.
{26.1} Tassa mayham bhikkhave etadahosi kimhi
nu kho sati jaramaranam hoti kimpaccaya
@Footnote: 1 Ma. itisaddo dissati . 2 Yu. peyyalo.
Jaramarananti . tassa mayham bhikkhave yonisomanasikara ahu pannaya
abhisamayo jatiya kho sati jaramaranam hoti jatipaccaya
jaramarananti . tassa mayham bhikkhave etadahosi kimhi nu kho
sati jati hoti .pe. Bhavo ... Upadanam ... Tanha ... Vedana ...
Phasso ... salayatanam ... namarupam ... Vinnanam ... Sankhara honti
kimpaccaya sankharati . tassa mayham bhikkhave yonisomanasikara
ahu pannaya abhisamayo avijjaya kho sati sankhara honti
avijjapaccaya sankharati.
{26.2} Iti hidam avijjapaccaya sankhara sankharapaccaya vinnanam
.pe. evametassa kevalassa dukkhakkhandhassa samudayo hoti . samudayo
samudayoti kho me bhikkhave pubbe ananussutesu dhammesu cakkhum udapadi
nanam udapadi panna udapadi vijja udapadi aloko udapadi.
[27] Tassa mayham bhikkhave etadahosi kimhi nu kho asati
jaramaranam na hoti kissa nirodha jaramarananirodhoti . tassa
mayham bhikkhave yonisomanasikara ahu pannaya abhisamayo jatiya
kho asati jaramaranam na hoti jatinirodha jaramarananirodhoti .
Tassa mayham bhikkhave etadahosi kimhi nu kho asati jati na
hoti .pe. Bhavo ... Upadanam ... Tanha ... Vedana ... Phasso ...
Salayatanam ... namarupam ... vinnanam ... sankhara na honti kissa
nirodha sankharanirodhoti . tassa mayham bhikkhave yonisomanasikara
Ahu pannaya abhisamayo avijjaya kho asati sankhara na honti
avijjanirodha sankharanirodhoti.
{27.1} Iti hidam avijjanirodha sankharanirodho sankharanirodha
vinnananirodho .pe. evametassa kevalassa dukkhakkhandhassa nirodho
hoti . nirodho nirodhoti kho me bhikkhave pubbe ananussutesu dhammesu
cakkhum udapadi nanam udapadi panna udapadi vijja udapadi
aloko udapaditi. Dasamam.
Buddhavaggo pathamo.
Tassa uddanam bhavati
desanavibhangam patipadanca 1-
vipassi sikhi ca vessabhu
kakusandho konagamano ca 2- kassapo
mahasakyamuni 3- ca gotamoti 4-.
------------
@Footnote: 1 Ma. desanavibhangapatipada ca. Yu. ... patipada ca . 2 Ma. Yu. casaddo natthi .
@3 Ma. Yu. mahasakyamuni . 4 Yu. gotamanti.
The Pali Tipitaka in Roman Character Volume 16 page 6-13.
http://84000.org/tipitaka/pitaka_item/roman_item_s.php?book=16&item=23&items=5&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=16&item=23&items=5&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=16&item=23&items=5&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=16&item=23&items=5&modeTY=2
Study Atthakatha :-
http://84000.org/tipitaka/attha/attha.php?b=16&i=23
The Pali Atthakatha in Thai :-
http://84000.org/tipitaka/atthapali/read_th.php?B=12&A=505
The Pali Atthakatha in Roman :-
http://84000.org/tipitaka/atthapali/read_rm.php?B=12&A=505
Contents of The Tipitaka Volume 16
http://84000.org/tipitaka/read/?index_16
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
