paliTIPITAKA Volume 16 - Sutta Pitaka 8

[489] Rajagahe viharati veluvane ... Atha kho ayasma mahakassapo yena bhagava tenupasankami ... ekamantam nisinnam kho ayasmantam mahakassapam bhagava etadavoca ovada kassapa bhikkhu karohi kassapa bhikkhunam dhammim katham aham va kassapa bhikkhu ovadeyyam tvam va aham va bhikkhunam dhammim katham kareyyam tvam vati. [490] Dubbaca kho bhante bhagava etarahi bhikkhu dovacassakaranehi dhammehi samannagata akkhama appadakkhinaggahino anusasanim . Yassakassaci bhante saddha natthi kusalesu dhammesu hiri natthi kusalesu dhammesu ottappam natthi kusalesu dhammesu viriyam natthi kusalesu dhammesu panna natthi kusalesu dhammesu tassa

--------------------------------------------------------------------------------------------- page243.

Ya ratti va divaso va agacchati haniyeva patikankha kusalesu dhammesu no vuddhi . seyyathapi bhante kalapakkhe candassa ya ratti va divaso va agacchati hayateva ca ^1- vannena hayati mandalena hayati abhaya hayati arohaparinahena evameva kho bhante yassakassaci saddha natthi kusalesu dhammesu hiri natthi ... Ottappam natthi ... viriyam natthi ... panna natthi kusalesu dhammesu tassa ya ratti va divaso va agacchati haniyeva patikankha kusalesu dhammesu no vuddhi . assaddho purisapuggaloti bhante parihanametam ahiriko purisapuggaloti bhante parihanametam anottapi purisapuggaloti bhante parihanametam kusito purisapuggaloti bhante parihanametam duppanno purisapuggaloti bhante parihanametam kodhano purisapuggaloti bhante parihanametam upanahi purisapuggaloti bhante parihanametam na santi bhikkhu ovadakati bhante parihanametam. [491] Yassakassaci bhante saddha atthi kusalesu dhammesu hiri atthi kusalesu dhammesu ottappam atthi kusalesu dhammesu viriyam atthi kusalesu dhammesu panna atthi kusalesu dhammesu tassa ya ratti va divaso va agacchati vuddhiyeva patikankha kusalesu dhammesu no parihani . seyyathapi bhante junhapakkhe candassa ya ratti va divaso va agacchati vaddhateva ca ^1- vannena vaddhati mandalena vaddhati abhaya vaddhati arohaparinahena @Footnote: ¹ Ma. Yu. casaddo natthi. evamuparipi.

--------------------------------------------------------------------------------------------- page244.

Evameva kho bhante yassakassaci saddha atthi kusalesu dhammesu hiri atthi ... ottappam atthi ... viriyam atthi ... panna atthi kusalesu dhammesu tassa ya ratti va divaso va agacchati vuddhiyeva patikankha kusalesu dhammesu no parihani . saddho purisapuggaloti bhante aparihanametam hirima purisapuggaloti bhante aparihanametam ottapi purisapuggaloti bhante aparihanametam araddhaviriyo purisapuggaloti bhante aparihanametam pannava purisapuggaloti bhante aparihanametam akkodhano purisapuggaloti bhante aparihanametam anupanahi purisapuggaloti bhante aparihanametam santi bhikkhu ovadakati bhante aparihanametanti. [492] Sadhu sadhu kassapa yassakassaci ^[1]- saddha natthi kusalesu dhammesu hiri natthi ... ottappam natthi ... viriyam natthi ... Panna natthi kusalesu dhammesu tassa ya ratti va divaso va agacchati haniyeva patikankha kusalesu dhammesu no vuddhi . seyyathapi kassapa kalapakkhe candassa ya ratti va divaso va agacchati hayateva ca vannena hayati mandalena hayati abhaya hayati arohaparinahena evameva kho kassapa yassakassaci saddha natthi kusalesu dhammesu hiri natthi ... ottappam natthi ... Viriyam natthi ... Panna natthi kusalesu dhammesu tassa ya ratti va divaso va agacchati haniyeva patikankha kusalesu dhammesu no vuddhi . @Footnote: ¹ Ma. Yu. kassapa.

--------------------------------------------------------------------------------------------- page245.

Assaddho purisapuggaloti kassapa parihanametam ahiriko .pe. Anottapi .pe. kusito .pe. duppanno .pe. kodhano .pe. Upanahi purisapuggaloti kassapa parihanametam na santi bhikkhu ovadakati kassapa parihanametam. [493] Yassakassaci kassapa saddha atthi kusalesu dhammesu hiri atthi ... ottappam atthi ... viriyam atthi ... panna atthi kusalesu dhammesu tassa ya ratti va divaso va agacchati vuddhiyeva patikankha kusalesu dhammesu no parihani . seyyathapi kassapa junhapakkhe candassa ya ratti va divaso va agacchati vaddhateva ca vannena vaddhati mandalena vaddhati abhaya vaddhati arohaparinahena evameva kho kassapa yassakassaci saddha atthi kusalesu dhammesu hiri atthi ... ottappam atthi ... Viriyam atthi ... Panna atthi kusalesu dhammesu tassa ya ratti va divaso va agacchati vuddhiyeva patikankha kusalesu dhammesu no parihani . Saddho purisapuggaloti kassapa aparihanametam hirima .pe. Ottapi .pe. araddhaviriyo .pe. pannava .pe. Akkodhano .pe. Anupanahi purisapuggaloti kassapa aparihanametam santi bhikkhu ovadakati kassapa aparihanametanti. Sattamam.

The Pali Tipitaka in Roman Character Volume 16 page 242-245. http://84000.org/tipitaka/pitaka_item/roman_item_s.php?book=16&item=489&items=5&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=16&item=489&items=5&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=16&item=489&items=5&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=16&item=489&items=5&pagebreak=1&modeTY=2 Study Atthakatha :- http://84000.org/tipitaka/attha/attha.php?b=16&i=489 The Pali Atthakatha in Thai :- http://84000.org/tipitaka/atthapali/read_th.php?B=12&A=4354 The Pali Atthakatha in Roman :- http://84000.org/tipitaka/atthapali/read_rm.php?B=12&A=4354 Contents of The Tipitaka Volume 16 http://84000.org/tipitaka/read/?index_16