paliTIPITAKA Volume 18 - Sutta Pitaka 10

[246] Anicceyeva bhikkhave bhikkhu rūpe aniccāti passati sāssa hoti sammādiṭṭhi sammā passaṃ nibbindati nandikkhayā rāgakkhayo rāgakkhayā nandikkhayo nandirāgakkhayā cittaṃ suvimuttanti vuccati . anicceyeva bhikkhave bhikkhu sadde gandhe rase phoṭṭhabbe dhamme aniccāti passati sāssa hoti sammādiṭṭhi sammā passaṃ nibbindati nandikkhayā rāgakkhayo rāgakkhayā nandikkhayo nandirāgakkhayā cittaṃ suvimuttanti vuccatīti. Dutiyaṃ. [247] Cakkhuṃ bhikkhave yoniso manasikarotha cakkhuaniccatañca ^2- @Footnote: ¹ Yu. sāyaṃ . ² Ma. cakkhāniccatañca. Yu. cakkhaniccatañca. evamuparipi.

--------------------------------------------------------------------------------------------- page180.

Yathābhūtaṃ samanupassatha . cakkhuṃ bhikkhave bhikkhu yoniso manasikaronto cakkhuaniccatañca yathābhūtaṃ samanupassanto cakkhusmiṃpi nibbindati nandikkhayā rāgakkhayo rāgakkhayā nandikkhayo nandirāgakkhayā cittaṃ suvimuttanti vuccati .pe. jivhaṃ bhikkhave yoniso manasikarotha jivhāniccatañca yathābhūtaṃ samanupassatha . jivhaṃ bhikkhave bhikkhu yoniso manasikaronto jivhāniccatañca yathābhūtaṃ samanupassanto jivhāyapi nibbindati nandikkhayā rāgakkhayo rāgakkhayā nandikkhayo nandirāgakkhayā cittaṃ suvimuttanti vuccati .pe. manaṃ bhikkhave yoniso manasikarotha manāniccatañca yathābhūtaṃ samanupassatha . manaṃ bhikkhave bhikkhu yoniso manasikaronto manāniccatañca yathābhūtaṃ samanupassanto manasmiṃpi nibbindati nandikkhayā rāgakkhayo rāgakkhayā nandikkhayo nandirāgakkhayā cittaṃ suvimuttanti vuccatīti. Tatiyaṃ. [248] Rūpe bhikkhave yoniso manasikarotha rūpāniccatañca yathābhūtaṃ samanupassatha . rūpe bhikkhave bhikkhu yoniso manasikaronto rūpāniccatañca yathābhūtaṃ samanupassanto rūpesu ^1- nibbindati nandikkhayā rāgakkhayo rāgakkhayā nandikkhayo nandirāgakkhayā cittaṃ suvimuttanti vuccati . sadde gandhe rase phoṭṭhabbe dhamme bhikkhave yoniso manasikarotha dhammāniccatañca yathābhūtaṃ samanupassatha dhamme bhikkhave bhikkhu yoniso manasikaronto dhammāniccatañca yathābhūtaṃ samanupassanto dhammesu nibbindati nandikkhayā rāgakkhayo rāgakkhayā @Footnote: ¹ Ma. Yu. rūpesupi .... evamuparipi.

--------------------------------------------------------------------------------------------- page181.

Nandikkhayo nandirāgakkhayā cittaṃ suvimuttanti vuccatīti. Catutthaṃ.

The Pali Tipitaka in Roman Character Volume 18 page 179-181. http://84000.org/tipitaka/pitaka_item/roman_item_s.php?book=18&item=246&items=3&pagebreak=1 Classified by [Item Number] :- http://84000.org/tipitaka/pitaka_item/roman_item_s.php?book=18&item=246&items=3&pagebreak=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=18&item=246&items=3&pagebreak=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=18&item=246&items=3&pagebreak=1 Study Atthakatha :- http://84000.org/tipitaka/attha/attha.php?b=18&i=246 Contents of The Tipitaka Volume 18 http://84000.org/tipitaka/read/?index_18