paliTIPITAKA Volume 18 - Sutta Pitaka 10

[351] Seyyathāpi bhikkhave yavakalāpi ^5- cātummahāpathe nikkhittā assa atha cha purisā āgaccheyyuṃ byābhaṅgihatthā te yena ^6- yavakalāpiṃ chahi byābhaṅgīhi haneyyuṃ evaṃ hi sā bhikkhave yavakalāpi suhatā assa chahi byābhaṅgīhi haññamānā atha sattamo puriso āgaccheyya byābhaṅgihattho so taṃ yavakalāpiṃ sattamāya byābhaṅgiyā haneyya evaṃ hi sā bhikkhave yavakalāpi suhatatarā assa sattamāya byābhaṅgiyā haññamānā . evameva kho bhikkhave assutvā puthujjano cakkhusmiṃ haññati manāpāmanāpehi rūpehi .pe. jivhāya haññati manāpāmanāpehi rasehi .pe. manasmiṃ @Footnote: ¹ Yu. ayaṃ pāṭho natthi . ² Yu. khīle vā thambhe vā . ³ Ma. Yu. vo. @⁴ Ma. Yu. kho. ⁵ Ma. Yu. yavakalāpī. evamuparipi. @⁶ Ma. ayaṃ pāṭho natthi. Yu. taṃ. Haññati manāpāmanāpehi dhammehi . sace so bhikkhave assutavā puthujjano āyatiṃ punabbhavāya ceteti . evaṃ hi so bhikkhave moghapuriso suhatataro hoti seyyathāpi ^[1]- sā yavakalāpi sattamāya byābhaṅgiyā haññamānāti. Ekādasamaṃ.

The Pali Tipitaka in Roman Character Volume 18 page 249-250. http://84000.org/tipitaka/pitaka_item/roman_item_s.php?book=18&item=351&items=1 Classified by [Item Number] :- http://84000.org/tipitaka/pitaka_item/roman_item_s.php?book=18&item=351&items=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=18&item=351&items=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=18&item=351&items=1 Study Atthakatha :- http://84000.org/tipitaka/attha/attha.php?b=18&i=351 The Pali Atthakatha in Thai :- http://84000.org/tipitaka/atthapali/read_th.php?B=13&A=2913 The Pali Atthakatha in Roman :- http://84000.org/tipitaka/atthapali/read_rm.php?B=13&A=2913 Contents of The Tipitaka Volume 18 http://84000.org/tipitaka/read/?index_18